یان کۆبیش: دەبێ گەمارۆی سەر فڕگەکانی هەرێمی کوردستان هەڵبگیرێت
لە دوای ١٦ـی ئۆكتۆبەرەوە بەغدا یەك دیناری بۆ كەركووك نەناردووە
حکومەتی عێراق دەستپێشخەرییەکی ئەڵمانیا رەتدەکاتەوە

PDF Newspaper
Issue :
5398
Date:
2017-11-23
زیاتر بخوێنه‌وه‌

پەرلەمانی کوردستان هاوخەمی بۆ قوربانیانی بومەلەرزە گەیاندە کونسوڵخانەی ئێران

جێگری سەرۆکی پەرلەمانی کوردستان، بە یاوەریی سکرتێری پەرلەمان سەردانی کونسووڵی ئێرانیان لە هەولێر کرد و هاوخەمیی پەرلەمانی کوردستانیان بۆ قوربانیانی بومەلەرزە گەیاندە کونسووڵی ئێران.
بە مەبەستی گەیاندن و دەربڕینی هاوخەمی بۆ قوربانییانی بوومەلەرزەكەى كرماشان و سەرپێلی زەهاو و ناوچەكانی تر لە كۆمارى ئیسلامیی ئێران، ئەمڕۆ چوارشەممە ٢٢/١١/٢٠١٧، (د. جەعفەر ئیبراهیم ئێمینكی)، جێگری سەرۆكی پەرلەمانی كوردستان، بە یاوەریی خاتوو (بێگەرد تاڵەبانی)، سكرتێری پەرلەمانی كوردستان و ژمارەیەك لە ئەندامانى پەرلەمان و ڕاوێژكارانی پەرلەمانی كوردستان سەردانی كونسووڵخانەی ئێرانیان لە شاری هەولێر كرد.
لەو سەردانەدا جێگری سەرۆكی پەرلەمانی كوردستان، پرسە و هاوخەمیی خۆی و پەرلەمانی كوردستانى سەبارەت بە قوربانییانی بوومەلەرزەكەى هەفتەی ڕابردوو، كە بەشێكی زۆرى شار و شارۆچكەكانى هەرێمی كوردستان و عێراق و كۆمارى ئیسلامیی ئێرانی گرتەوە، گەیاندە كونسووڵخانەی ئێران و ڕایگەیاند: ''تەواوی قوربانیانی بوومەلەرزەكە ئاماژەیەكی ڕوونە بۆ گەورەیی كارەساتەكە بەتایبەتی لە ئێران، كە بووە هۆی گیانلەدەستدان و برینداربوونی خەڵكێكى زۆر لە هاووڵاتییانی سڤیل.''

عەللاوی : عێراق لە سەر بنەمای پەراوێزخستن و تایفەگەری دروست بووە

ئەیاد عەللاوی جێگری سەرۆك كۆماری عێراق رایگەیاند، حكومەتی عێراق لەسەر بنەمای پەراوێزخستن و تایفەگەری بنیادنراوە. 

لە لێدوانێكی رۆژنامەوانیدا ئەیاد عەللاوی، جێگری سەرۆك كۆماری عێراق رایگەیاند ، عێراق تا ئێستا نەیتوانیوە دەستتێوەردانی میلیشیاكانی وڵاتانی دەورو بەر بوەستێنێت لەكاروباری ناوەخۆی عێراقدا ، بۆیە پرۆسەی سیاسی لە عێراق لە گەشە سەندن وەستاوە ، شەقامی عێراقیش تایفیەت بە هەموو شێوەیەك رەتدەكاتەوە .

عەللاوی روونیكردەوە كە  لە هەڵبژاردنەكانی داهاتوودا گۆڕانكاری گەورە روودەدات ئەگەر بە پاكی و بێگەردی بەڕێوەبچێت، قبوڵیش ناكەین هیچ وڵاتێك دەست لە پرۆسەی هەڵبژاردنەكان وەربدات، ئامانجیشمان دامەزراندنی دەوڵەتێكە لەسەر بنەمای هاووڵاتی بوون

سەبارەت بە بارودۆخی ناوچەكە عەللاوی رایگەیاند جۆرە پەیوەندیەكی ناسەقامگیر لە نێوان ئەمریكا و رووسیای فیدراڵ هەیە، هاوكات رەوشی سووریاش بەشێوەیەكی گشتی جێگای نیگەرانییە ، چونكە رووسیا لەگەڵ یەكێتی سووریایە و دەترسێت ئەوەی لە عێراق روویدا لەوێش رووبدات .

بەرشلۆنە‮ ‬10یاریزان لەگواستنەوەكانی‮ ‬زستانە بۆ فرۆشتن تەرخان دەكات

رۆژنامەی‮ (‬ماركای‮) ‬ئیسپانی‮ ‬رایگەیاند كە‮ ‬یانەی‮ ‬بەرشلۆنە دەیەوێت لەگواستنەوەكانی‮ ‬زستانەدا دەستبەرداری‮ ‬هەندێك لەیاریزانانی‮ ‬بێت،‮ ‬بەهۆی‮ ‬رەوشی‮ ‬نالەباری‮ ‬دارایی‮ ‬یانەكەی‮. ‬رۆژنامەكە لە راپۆرتێكیدا بڵاویكردەوە كە‮ ‬یانەی‮ ‬بەرشلۆنە دەیەوێت‮ ‬لەداهاتی‮ ‬لە فرۆشتنی‮ ‬یاریزانانە كۆ بكاتەوە،‮ ‬كە بەهاكەی‮ ‬دەگاتە‮ ‬150 ملیۆن‮ ‬یۆرۆ‮ ‬،‮ ‬كە‮ ‬50ملیۆنی‮ ‬دەبێت لەفرۆشتنی‮ ‬یاریزانان بێت بۆ بەرجەستەكردنی‮ ‬كرێی‮ ‬یاریزانانی‮. ‬راپۆرتەكە ئاماژە بەوە دەكات كە‮ ‬یانەی‮ ‬بەرشلۆنە دەیەوێت دەستبەرداری‮ ‬10 یاریزان بێت،‮ ‬لەو‮ ‬یاریزانانی‮ ‬كە زۆر بەبەهێزی‮ ‬پاڵێوراون بریتین لە‮ (‬رافینیاو تۆماس فێرمایلین و تۆران و ئەلێكیس ڤیدالن‮)‬،‮ ‬هەروەها بەرشلۆنە لاری‮ ‬نییە لەفرۆشتنی‮ ‬هەرەیك لە خافێر ماسكیرانۆ و ئاندرێ گۆمێز و باكۆ ئەلكاسیچرو دینیس سوارێز و گیرارد دیلیڤیۆو سیلیسنی‮ ‬گۆڵپارێز‮).‬