سه‌رله‌به‌یانی ئه‌مڕۆ له‌ هه‌ولێر به‌ڕێز نێچیرڤان بارزانی جێگری سه‌رۆكی پارتی دیموكراتی كوردستان سه‌ردانی مه‌كته‌بی ئه‌میری كۆمه‌ڵی ئیسلامی كوردستان كرد و له‌لایه‌ن به‌ڕێز عه‌لی باپیر ئه‌میری كۆمه‌ڵی ئیسلامی كوردستان و ژماره‌یه‌ك له‌ ئه‌ندامانی مه‌كته‌بی سیاسییه‌وه‌ پێشوازی لێكرا و تا ئاماده‌كردنی ئه‌م هه‌واڵه‌ش كۆبوونه‌وه‌ به‌رده‌وامه‌.

ئه‌مڕۆ له‌ پایته‌ختى هه‌رێمى كوردستان به‌ ئاماده‌بوونى به‌ڕێز مه‌سعوود بارزانى سه‌رۆكى هه‌رێمى كوردستان و دكتۆر به‌رهه‌م ئه‌حمه‌د ساڵح سه‌رۆكى حكوومه‌تى هه‌رێمى كوردستان و كه‌مال كه‌ركووكى سه‌رۆكى په‌رله‌مانى كوردستان و نوێنه‌رى هێز و پارته‌ سیاسیه‌كان هه‌رێمى كوردستان و ژماره‌یه‌ك ره‌وه‌ندى كوردى سووریا له‌ ده‌ره‌وه‌، كۆنگره‌ى هه‌ولێر بۆ ره‌وه‌ندى كوردى سووریا به‌ڕێوه‌چوو.

دكتۆر رۆژ نورى شاوه‌یس جێگرى سه‌رۆكى ئه‌نجوومه‌نى وه‌زیرانى ئێراق له‌ به‌یاننامه‌یه‌كدا داواى له‌ سه‌رجه‌م وه‌زاره‌ته‌كان و لایه‌نه‌ په‌یوه‌ندى داره‌كان كرد كه‌ ئه‌و بریارانه‌ى له‌ ئه‌نجوومه‌نى وه‌زیرانى ئێراقه‌وه‌ سه‌باره‌ت كوردانى فه‌یلى  ده‌ركراوه‌، جێبه‌جێیان بكه‌ن و هه‌روه‌ها یارمه‌تى و ئاسانكاریى ته‌واویان بۆ بكه‌ن به‌ مه‌به‌ستى به‌ ده‌ستهێنان و گه‌رٍانه‌وه‌ى سه‌رجه‌م سامان و دارایى گواستراوه‌ و نه‌گواستراوه‌ ده‌ستبه‌سه‌رداگیراوه‌كان و گه‌راندنه‌وه‌ى ته‌واوى مافه‌ مه‌ده‌نییه‌كان له‌وانه‌ش وه‌رگرتنه‌وه‌ى ره‌گه‌زنامه‌ى ئێراقى بۆیان .

هه‌یسه‌م جبورى ئه‌ندامى ئیئتیلافى ده‌وڵه‌تى یاسا ئه‌وه‌ى دووپات كرده‌وه‌، كه‌ به‌شداریكردنى به‌ڕێز مسعود بارازانى سه‌رۆكى هه‌رێمى كوردستان، یه‌كێك له‌و گه‌ڕه‌نتییه‌ زۆر به‌هێزه‌ى سه‌ركه‌وتنى كۆنگره‌ى نیشتیمانى ده‌بێت.

چوارشه‌ممه‌ به‌ڕێز مسعود بارزانی سه‌رۆكی هه‌رێمی كوردستان له‌ سه‌لاحه‌ددین پێشوازیكرد له‌ د.ئه‌یاد عه‌للاوی سه‌رۆكی فراكسیۆنی ئه‌لئێراقیه‌ و ئه‌مینداری گشتی بزووتنه‌وه‌ی ویفاقی نیشتمانی و شاندێكی هاوڕێی.

له‌ دیدارێكدا گفتوگۆ كرا ده‌رباره‌ی ئه‌و رووداوانه‌ی ئێستا كه‌ وڵات به‌خۆیه‌وه‌ ده‌بینێ.