له‌ درێژه‌ى كۆبوونه‌وه‌ هاوبه‌شه‌كانى هه‌ردوو مه‌كته‌بى سیاسى ئه‌مرۆ 7/2/2012 كۆبوونه‌وه‌ ئه‌نجامدراو سه‌باره‌ت به‌ بارودۆخى كوردستان و ناوچه‌كه‌ گفتوگۆ كرا هه‌روه‌ها سه‌باره‌ت به‌ گورینى كابینه‌ى حكومه‌تى هه‌رێمى كوردستان و ئاماده‌كاریه‌كانى پێویست بیرورا ئالوگۆر كراو لێكدانه‌وه‌و خوێندنه‌وه‌ى روداوو پێشهاته‌كانى ناوخۆیى و ناوچه‌یى كراو سه‌باره‌ت به‌ دیاریكردنى هێڵه‌ گشتیه‌كانى چونیه‌تى مامه‌ڵه‌كردن و له‌ به‌ر چاوگرتنى ئه‌گه‌ره‌كان و شرۆڤه‌ كردنى چاره‌سه‌ریه‌كان.

ئه‌میندارى گشتى وه‌زاره‌تى پێشمه‌رگه‌ى حكومه‌تى هه‌رێمى كوردستان ڕایگه‌یاند : كۆبوونه‌وه‌یه‌كمان له‌گه‌ڵ وه‌فدێكى وه‌زاره‌تى به‌رگریى ئێراق و هێزه‌كانى ئه‌مریكا و سه‌فاره‌تى ئه‌مریكا له‌ سه‌ربازگه‌ى كوبرا سازكرد .

له‌و باره‌یه‌وه‌ لیوا جه‌بار یاوه‌ر راگه‌یاند: كۆبوونه‌وه‌كه‌ به‌ ئاماده‌بوونى لیوا روكن ئیسماعیل و فه‌رمانده‌ى لیواى 3 گه‌رمیان و عه‌لى  غێدان فه‌ریقى  یه‌كه‌مى روكن و  فه‌رمانده‌ى هێزه‌كانى پیاده‌ى سوپاى ئێراق  و لیوا روكن غیا فه‌رمانده‌ى فیرقه‌ى 5 و كۆمه‌ڵێك ئه‌فسه‌رى ئێراقى و ژه‌نه‌راڵ ئه‌دمیراڵ وینته‌رز جێگرى نوسینگه‌ى هه‌ماهه‌نگى ئه‌منى ئێراقى ئه‌مریكی و ئه‌ندامى لیژنه‌ى كارى باڵا سازكرا به‌ مه‌به‌ستى گفتووگۆكردن له‌سه‌ر   چۆنییه‌تى جوڵاندنى لیواى 3 ى پاسه‌وانى هه‌رێمى پێشمه‌رگه‌ به‌ره‌و ناوچه‌كانى نزیك خانه‌قین و جه‌له‌ولا و سه‌عدیه‌ و  قه‌ره‌ته‌په‌.

ئه‌مرۆ سێشه‌ممه‌ 7/2/2012 به‌رێز مسعود بارزانی سه‌رۆكی هه‌رێمی كوردستان له‌ سه‌ڵاحه‌دین پێشوازیكرد له‌ به‌رێز میركوریوس كارافاتیاس باڵیۆزی كۆماری یۆنان له‌ ئیراق .له‌ دیدارێكدا ، باڵیۆزی یۆنان له‌ ئیراق ویستی وڵاته‌كه‌ی دووپاتكرده‌وه‌ بۆ قوڵكردنه‌وه‌ی په‌یوه‌ندیی له‌گه‌ڵ هه‌رێمی كوردستان و فراوانكردنی ئاسۆی په‌یوه‌ندییه‌كان و هاریكاری له‌ هه‌موو بواره‌كاندا ، به‌ تایبه‌تی له‌ بواری كشتوكاڵ و ئابووری و بازرگانیدا و ئاماژه‌شیكرد بۆ گرنگی پێگه‌ی هه‌رێم له‌ ئیراقی فیدراڵدا و خۆشحاڵی خۆی ده‌ربڕی به‌ دیداری سه‌رۆك بارزانی و رایگه‌یاند كه‌ ئه‌مرۆ شه‌ره‌فێكی گه‌وره‌یه‌ كه‌ چاوم به‌ سه‌ركرده‌یه‌كی به‌ ناوبانگی وه‌ك سه‌رۆك بارزانی ده‌كه‌وێ‌ و مایه‌ی خۆشحاڵیشه‌

ئه‌مرۆ سێشه‌ممه‌ 7/2/2012 به‌رێز مسعود بارزانی سه‌رۆكی هه‌رێمی كوردستان له‌ سه‌ڵاحه‌دین پێشوازی كرد له‌ به‌رێز سووك بووم پارك باڵیۆزی كۆریای باشوور له‌ ئیراق به‌ بۆنه‌ی كۆتاییهاتنی كاره‌كه‌یه‌وه‌.له‌ دیدارێكدا ، باس له‌ په‌یوه‌ندییه‌كانی نێوان هه‌رێمی كوردستان و كۆریای باشوور و میكانیزمه‌كانی په‌ره‌پێدان و پته‌وكردنی ئه‌و په‌یوه‌ندییانه‌ كرا به‌ شێوه‌یه‌ك كه‌ له‌ به‌رژه‌وه‌ندیی هه‌ر دوولای دۆستدا بێت و له‌م رووه‌وه‌ باڵیۆزی كۆریای باشوور په‌یامی دۆستایه‌تی گه‌لی وڵاته‌كه‌ی به‌ سه‌رۆك بارزانی گه‌یاند و سوپاسی به‌رێزیانی كرد كه‌ هه‌میشه‌ هاریكار بووه‌ له‌ په‌ره‌پێدانی په‌یوه‌ندییه‌كان .

 له‌سه‌ر بانگهێشتى به‌ڕێز جه‌لال تاڵه‌بانى سه‌رۆك كۆمارى عێراقى فیدراڵ، نوێنه‌رانى كوتله‌ سیاسیه‌ سه‌ره‌كیه‌كان له‌ به‌غدا كۆبونه‌وه‌.له‌و كۆبونه‌وه‌یه‌دا كه‌ هه‌ریه‌ك له‌ نوری مالكی سه‌رۆك وه‌زیرو (ئوسامه‌ نوجه‌یفى) سه‌رۆكی ئه‌نجومه‌نی نوێنه‌رانیش ئاماده‌یبوون، سه‌رۆك تاڵه‌بانی گرنگیی كۆبونه‌وه‌كه‌ی خسته‌ڕوو كه‌ به‌ئامانجی بیرورا گۆڕینه‌وه‌ و دانانی رێوشوێنی پێویسته‌ بۆ چاره‌سه‌ركردنی هه‌موو كێشه‌كان له‌چوارچێوه‌ی ده‌ستوورو قانووندا تا ووڵات له‌ قه‌یران و ئاڵۆزییه‌كان رزگار بكرێت.پاشان نوسینگه‌ی سه‌رۆك كۆمار به‌یانێكی له‌باره‌ی كۆبونه‌وه‌كه‌ ده‌ركرد و تیایدا هاتووه‌ كه‌ فه‌خامه‌تی سه‌رۆك تاڵه‌بانی