لە تازەترین هەنگاوی‮ »‬داهێنەرانە‮..!!«‬ی‮ ‬بواری‮ ‬ڕیكلامی‮ ‬تەلەفزیۆنە ‏لۆكاڵییەكانی‮ ‬كوردستاندا،‮ »‬تەمسیل كردن‮!!!«‬ــە،‮ ‬بۆ ‏بەرزتركردنەوەی‮ ‬ئاستی‮»‬شانۆ لەكوردستان‮!!«‬و شكاندنەوەی‮ ‏‏‬بەرهەمی‮ ‬خۆماڵی‮ ‬خۆمان،‮ ‬لە پێناوی‮ ‬پەیداكردن و زیادكردنی‮ ‬كڕیار ‏بۆ بەرهەمی‮ ‬بیانی‮..!!.‬‏‎ ‎بە كورتییەكەی،‮ ‬شانۆگەری‮ ‬ریكلامكردنەكە بەم شێوەیەی‮ ‏‏‬خوارەوەیە‮:‬‏‎ ‎یەك دوو ئافرەتی‮ ‬كوردەواری‮ ‬مەشكەی‮ ‬دەژێنن،‮ ‬بۆ جیاكردنەوەی‮ ‬رۆن ‏و دۆ،‮ ‬لە شیری‮ ‬خۆماڵی‮ ‬و دوو سێ پیاوی‮ ‬سمێڵ بابردەیان لێ پەیدا ‏دەبێ و پێیان دەڵێت‮: ‬مێشكمان لەو هەژینە چوو،‮ ‬كەی‮ ‬باوی‮ ‬ئەو ‏جۆرە دۆو دۆشاوە ماوە و‮ ‬یەك دوو بوتڵە دۆی‮ ‬توركی‮ ‬یان ئێرانی‮ ‬بەرز ‏دەكەنەوە و دەڵێن‮: ‬ئەگەر دەتانەوێ تام لە دۆی‮ ‬راستەقینە بكەن،‮ ‏‏‬بڕۆن ئەم جۆرە دۆیە بیانیانە بكڕن‮!!!. ‬كە ئەم جۆرە ریكلامكردنە،‮ ‏‏‬لە هەر وڵاتێكی‮ ‬دیكەی‮ ‬دونیادا بكرێ»كوردستانی‮ ‬لێ ‏بترازێ‮!!«‬ئەنجامدەرانی،‮ ‬بە شكاندنەوەی‮ ‬بەرهەمی‮ ‬خۆماڵی‮ ‬و‮ ‏‏‬ڕەواجكردن بۆ بەرهەمی‮ ‬بیانی،‮ ‬بە دادگا دەدرێن و سزای‮ ‬گەورەش ‏دەدرێن‮!!. ‬چ جای‮ ‬كوردستان بەگشتی‮ ‬و هەولێر بەتایبەتی،‮ ‬كە ‏لەوەتەی‮ ‬هەینە،‮ ‬بە ماستی‮ ‬خۆماڵی‮ ‬خۆمان ناسراوین،‮ ‬تا ئەو ‏ئاستەی‮ ‬جاران لە نێو شاری‮»‬بەغدا‮«‬ی‮ ‬پایتەختی‮ ‬ئێراق،‮ ‬دەیانگوت‮: ‏‏‬وەزارەتی‮ ‬دیفاع لە تەنیشت دوكانی‮ ‬ماستی‮ ‬هەولێرە‮!!‬،‮ ‬كە بە‮ ‬ڕاستی‮ ‏‏‬وابوو‮! ‬ئەمەش ئەوەی‮ ‬دەگەیاند،‮ ‬كە كورد و هەولێرو ماست،‮ ‬لە‮ ‏‏‬یەكدی‮ ‬جیاناكرێنەوە و بوونەتە»پێناسە‮!!«.‬‏‎ ‎بۆیە هەقە پارێزگاری‮ ‬هەولێرو قایمقامی‮ ‬مەركەزی‮ ‬هەولێر دژی‮ ‬ئەم ‏جۆرە ریكلامە خۆشكێنە سەیرو سۆبەتانە بووەستنەوە و ‏ئەنجامدەرانیشی‮ ‬سزا بدەن‮! ‬چونكە پێش هەر كەس و لایەنێك،‮ ‏‏‬ئەوان بەرپرسن لە پاراستنی‮ ‬سومعە و ناوو ناوبانگی‮ ‬ئەو كەلتوورو ‏كەلەپوورانەی‮ ‬كە كوردستان بە گشتی‮ ‬و هەولێری‮ ‬پایتەختیان ‏بەتایبەتی‮ ‬پێ دەناسرێتەوە‮!.‬‏‎

‎مەسعوود پەرێشان