2010-06-19

م.عباس عەلی بابان:

هەموولایەك دەزانین زۆرێك لە دەقە شیعرییەكانی شاعیرانی كورد هاو شێوەی مێژووی میللەتەكەمان دووچاری لەناوچوون وگومبوون وناڕوونی بۆتەوە،ئەگەرچی شیعری هۆزانڤانەكانمان بەدەست وپەنچە ڕەنگینەكانی خۆیان نوسراوەتەوە وهونیەتیانەوە وكەسانی بێگانەو غەیرە كورد بۆیان نەنووسیوەتنەوە. بەڵام لەگەڵ هەموو ئەمانەشدا كۆمەڵێك فاكتەری ڕۆڵیان هەبووە لە لێڵی ونەنگی وبزربوونی ئەودەقانە وەك زۆرێك لەونووسراوانە بەدەست نوسراوە وبەرێنووسی كۆنی كوردی كەمانای زۆربەدەستەوە دەدەن وخوێندنەوەی زۆرلەخۆدەگرن وئەمەش بۆتە مایەی پەیدابوونی هەڵە یان لەبەركەمی ئامێری چاپەمەنی ونەپرژانی شاعیرانمان بۆبەڵاوكردنەوەی بەرەهەمەكانیان ئەوەیش لەدەرئەنجامی ئەوبارۆدۆخەناسەقامگیرییەی كە بەدرێژای مێژوو دووچاری گەلی كوردبۆتەوە وبواری پێنەداوە بۆتۆماركردنی شاكارەكانیان.ئەوەی لێرەدامەبەستمانە قسەی لەسەربكەین ئەو هەوڵ وماندووبوونەزۆرەی مامۆستا ناسری حوسامیە كە ماوەی چوارساڵی خایاندوە بەپچڕپچڕ وەبەردەوامی ماوەی (2)ساڵ سەرقاڵ بووە بۆ ساغكردنەوە ولێكدانەوەی بۆڕوونكردنەوە وساغكردنەوەی شیعرەكانی وەفایی ئەگەر چی بەر لەمامۆستاش گیوی موكریانی دیوانەكەیی بەچاپ گەیاندووە بەڵام ئەونوسخەیە شیعرەكانی كەمەو وهەندێ لەشیعرەكانی لاداوە بەبیانووی ئەوەی گیانی نەتەوایەتی تیدانیە،ئاشكرایە بەكوردی نووسین وشیعرگوتن لەو سەردەمەدا دەچێتە خانەی كوردایەتیەوە ئەوەی پێویستە لێرەدا ئاماژەی بۆبكەین زۆرجاران هەمان تۆمەتیش دەدرێتە پاڵ زۆرێك لەزانایان وڕۆشنبیران كورد خوالێخۆشبوو مامۆستا مەلاعەبدولكەریمی مودەریس یەكێك لەوانەهەندێ جارهەمان تۆمەتی بۆ هەڵدەبەسترێت كەگوایە هیچ هەڵوێستێكی نەبووە بەرامبەرئەوهەمووستەمەی كە لەلایەن ڕژیمی عێراقەوە پیادەكراوە دژی هاوزمانانی، چاوپۆشی لەوهەمووشاكارانەی مامۆستا دەكرێت كەخزمەت بەزمان وئەدەبیاتی كوردی كردووە.دیوانی وەفایی بۆجاری دووەم لەلایەن چاپخانەی سەیدیان لەمهابادچاپكراوەبەڵام ئەوەش هاوشێوەی دانەی یەكەم بەدەرنیەلە كەمووكوڕی وبەحەزوئارەزووی خۆی شتی زیادكردووەوبەبیانووئەوەی شیعرەكانی وەفایی نادیارە وكاغەزە كانی تەڕبووەبەهۆی باران و ئاوی دڵۆپەوە بۆجاری سییەم لەلایەن مامۆستا محمدعەلی قەرەداغیەوە ساغكراوەتەوە لەگەڵ ئەوەی ساغكردنەوەكەی مامۆستا لەهەموویان باشترەوجێگایی متمانەترە بەڵام ئەوەیش كەموكوڕی زۆری تێدایە هەروەك كاك ناسر ئاماژەی پێدا بەپێی لێكۆلینەوەكەی ناوبراو نزیكەی (700)نموونەی شیعری ناتەواوی تێدابەدی دەكرێت جگە لەوەی كە دووشیعرلەدیوانەكەی وەفایدا هەیە كە هیچ پەیوەندییان بەوەفاییەوە نیە چونكە وەفایی زمانێكی تایبەتی هەیە لەشیعرنووسیناندا ودەتوانرێ شیعرەكانی پێبناسرێتەوە جگەلەوەی دانەیەكیان شیعری حەریقی شاعیرە ولەدیوانەكەیدا ئەوشیعرە هەیە.مامۆستا گوتی ئەوەی بووە پاڵنەرەم بۆ ساغكردنەوەی شیعرەكانی وەفایی ئەو شیعرەبوو كە دەڵێ :ئەمن كەوتووم لەبەرگریان دڵە دەستی من ودامان كەمامۆستا لەبری دڵە دەڵێی نووسیووە وچەندنموونەی شیعری شاعیرانی تری خستەڕووكە ناتەواوی مانای ئەوشیعرەیان دەسەلماند.ئەوەی پێویستە لێرەدا بگوترێ بەهەندوەرگرتنی كارەكەی مامۆستا ناسرە كە شایانی ڕێزگرتن وخۆشحاڵییە پێویستە حكومەتی هەرێمی كوردستان ووەزارەتی ڕۆشنیبیری هاندەربن بۆ تۆێژەران لەبوارە جیاجیاكانی مێژوو ئەدەبیاتی كوردی وزمان چونكە ئەوانە ڕاستەوخۆپەیوەندییان ناسنامە وكەلتوری میللەتەكەمانەوە هەیە.

تێبینی: ئەم ووتارەكورتكراوەی كوڕەكەی مامۆستا ناسری حوسامییەكە لە 26/5/2010لەئەكادیمیای كوردی هۆڵی مەلامەحمودی بایەزیدی بەڕێوەچووە.   

 
چاپکردن   Share گه‌ڕانه‌وه‌