2012-07-03

 بەر لە كۆچی دوایی ، هونەرمەند و ئەکتەری بەتوانا “جەلال بەیار” نامەیەک بۆ کچەکەی دەنووسێت کە تازە چۆتە ژیانی هاوسەرگیرییەوە، مالپه‌ری هونه‌ری (کوردمیلۆدی) نامەکەی بڵاو كردووه‌ته‌وه‌ ، خه‌بات ئۆنلاین وه‌ك رێزو وه‌فاداریه‌ك بۆ ئه‌و هونه‌رمه‌نده‌ نامه‌كه‌ بڵاو ده‌كاته‌وه‌ .. ئه‌مه‌ش ده‌قه‌كه‌یه‌تی :
بۆ ئیڤانی زێدە خۆشەویست
کیژۆڵە ئازیزەکەم..
حەزم کرد بەر لەوەى مەرگ سەفەرم پێبکات، بە چەند ووشەیەکی جوان و ڕازاوە بەسەرت بکەمەوە، چونکە ژیان خەونێکی سامناکە، یاخوود ژیان شمشێرێکی تیژە ئەگەر نەیبڕی.. دەتبڕێ. کەواتە مرۆڤی ژیر و هۆشیار دەبێ هەمیشە زیرەکانە بیر بکاتەوەو ئایندەى چارەنووسی خۆى دەست نیشان بکات و هەمیشە سوودمەند بێت بۆ خاک و نیشتیمانەکەى، بۆیە دەبێ هەردەم ئێمەى سادە و ساکار گوێ ڕایەڵی ووشەى جوان بین لە هەر لایەک ڕێنمایی و ئامۆژگارى بکرێین، دەبێ بە خۆشحاڵییەوە ووشە جوانەکانیان بقۆزینەوەو سوودمەند بین و زاخاوى مێشکمان جۆش دەین بیخرۆشینەوە.

 
چاپکردن   Share گه‌ڕانه‌وه‌