د‮. ‬كەمال كەركووكی‮ ‬ئەندامی‮ ‬مەكتەبی‮ ‬سیاسی‮ ‬پارتی‮ ‬دیموكراتی‮ ‬كوردستان و بەرپرسی‮ ‬مەكتەبی‮ ‬پەیوەندییەكان،‮ ‬لە ئاهەنگی‮ ‬یادی‮ ‬16ی‮ ‬ئاب و‮ ‬11ی‮ ‬ئەیلوول،‮ ‬ساڵیادی‮ ‬هەڵگیرسانی‮ ‬شۆڕشی‮ ‬ئەیلوول،‮ ‬لە قەزای‮ ‬شێخان،‮ ‬رۆژی‮ ‬پێنجشەممە‮ ‬13/9/2012 وتارێكی‮ ‬پێشكەشكرد تیایدا تیشكی‮ ‬خستە سەر سەروەرییەكانی‮ ‬پارتی‮ ‬وئەو دەستكەوتانەی‮ ‬لەساڵانی‮ ‬ڕابردوودا‮ ‬بەدەستیهێناوە،‮ ‬ئەمەش دەقی‮ ‬وتارەكەیە‮:‬ بەناوی‮ ‬خوای‮ ‬گەورە و میهرەبان ئامادەبووانی‮ ‬قەدر گران لەیادی‮ ‬51ەمین ساڵەی‮ ‬شۆڕشی‮ ‬كوردستان،‮ ‬شۆڕشی‮ ‬دڵسۆزان و وەفاداران بە خاك و نیشتمان،‮ ‬شۆڕشی‮ ‬مەردایەتی،‮ ‬شۆڕشی‮ ‬ئیرادەی‮ ‬بەهێز و باوەڕ‮ ‬بەخۆ،‮ ‬شۆڕشی‮ ‬چاونەترس و دووربینی،‮ ‬شۆڕشی‮ ‬گشت كوردستان،‮ ‬شۆڕشی‮ ‬بارزانی‮ ‬نەمر‮.‬ لەم‮ ‬یادە پیرۆزەدا سڵاو لە شێخان،‮ ‬سڵاو لە لالش و لە مزگەوتەكان لە كڵێسەكان سڵاو لە ئاینەكان،‮ ‬سڵاو لە ئێوەی‮ ‬رێزدار دانیشتووانی‮ ‬شێخان و ئامادەبووانی‮ ‬بەرێز و گشت خەڵكی‮ ‬كوردستان بە موسڵمان و مەسیحی‮ ‬و ئێزدی‮ ‬و شەبەك و سابیئەی‮ ‬مەندائی‮ ‬و گشت پێكهاتەكان،‮ ‬سڵاو لە ئەنجوومەنی‮ ‬رۆحانی‮ ‬ئێزدیان،‮ ‬سڵاو بۆ گشت خوشك و برایەكی‮ ‬پێشمەرگەی‮ ‬كوردستان لە هەر شوێنێك هەن‮.‬ سڵاو لە گشت كورد و كوردستانیانی‮ ‬هەندەران،و لە هەموو ئەو پێشمەرگانەی‮ ‬كە لە رێبازی‮ ‬خەبات و تێكۆشان بەشێكی‮ ‬جەستەیان لەدەستداوە و بەپەككەوتووی‮ ‬لەژیاندا ماون‮.‬ سڵاو لە دانیشتووانی‮ ‬ناوچە دابڕاوە داگیركراوەكان،‮ ‬سڵاو لە كەركووكی‮ ‬دڵی‮ ‬كوردستان،‮ ‬سڵاو لە گەرمیان و هەورامان و لە كەلار و كفری‮ ‬و چەمچەماڵ و دەربەندیخان و قەرەداخ و سۆران و چۆمان و حاجی‮ ‬ئۆمەران و سیدەكان و ناوپردان و دەشتی‮ ‬هەولێر و قەرەچوغ‮ ‬و شەقڵاوە و رواندوز و خەلیفان و هەریر و بالیسان و دووكان،‮ ‬سڵاو لە داقوق و خانەقین و مەندەلی‮ ‬و بەدرە و جەسان و سەعدییە و جەلەولا‮.‬ سڵاو لە دووز و پردێ و مەخموور بەعشیقە و زومار و تەلەعفەر و سنجار،‮ ‬سڵاو لە خاك و دانیشتووانی‮ ‬گشت پارچەكانی‮ ‬كوردستان،‮ ‬سڵاو لە گشت تاكێكی‮ ‬جوتیار و كرێكار لەسەر خاكی‮ ‬هەرێمی‮ ‬كوردستان‮.‬ سڵاو لە خوشك برا فەیلییەكان كە لە مێژوودا پشتیوانێكی‮ ‬بەهێزی‮ ‬شۆڕشی‮ ‬مەزنی‮ ‬ئەیلوول و بزاڤی‮ ‬ئازادیخوازی‮ ‬نەتەوەی‮ ‬كورد بوون،‮ ‬سڵاو لە ئۆمەرییان كە دەوری‮ ‬گرنگ و بەرچاویان هەبوو لە پاڵپشتیكردنی‮ ‬شۆڕشی‮ ‬ئەیلوول‮.‬ سڵاو لە رۆحی‮ ‬پاكی‮ ‬ئایەتوڵا موحسین ئەلحەكیم،‮ ‬كە بەدەنگی‮ ‬بەرزی‮ ‬شەڕی‮ ‬دژ بە كوردی‮ ‬حەرام كرد‮. ‬سڵاو لە گشت ئینسانێكی‮ ‬ئاشتیخواز و ئازادیخواز لە هەر‮ ‬ڕەگ و ئاینێك لە هەر كوێ دنیا كە پشتیوانی‮ ‬بزووتنەوەی‮ ‬ئازادیخوازی‮ ‬كوردستانیان كرد‮.‬ سڵاو لە میدیاكارە ناوەخۆیی‮ ‬و عێراقی‮ ‬و ئیقلیمی‮ ‬و جیهانییەكان،‮ ‬كە دەنگی‮ ‬شۆڕش و زوڵمی‮ ‬دژ بە كوردیان بە دنیا ناساند‮. ‬ ئامادەبووانی‮ ‬سەربەرز و رێزدار لایەنە سیاسییەكان و ئەندامانی‮ ‬پەرلەمان و حكوومەت،‮ ‬هەریەك لە ئێوەی‮ ‬بەرێز بەخێرهاتن بەسەرچاو‮.‬ لەم‮ ‬یادە پیرۆزە مەزنەدا،‮ ‬یادی‮ ‬هەڵگیرسانی‮ ‬شۆڕشی‮ ‬ئەیلوولی‮ ‬مەزن،‮ ‬سڵاو لە ئێوەی‮ ‬سەربەرز و سەرفراز كەسوكاری‮ ‬شەهیدە سەربەرزەكانی‮ ‬شۆڕشی‮ ‬ئەیلوول و گشت شەهیدەكانی‮ ‬كوردستان،‮ ‬سڵاو لە كەسوكاری‮ ‬سەربەرزی‮ ‬ئەنفالكراوان‮.‬ سڵاو لەرۆحی‮ ‬پاكی‮ ‬شێخ سەعیدی‮ ‬پیران‮ ‬شێخ مەحموود و قازی‮ ‬محەمەد و بارزانی‮ ‬نەمر،و گشت سەركردە سەربەرزەكانی‮ ‬كورد و كوردستان‮.‬ ئامادەبووانی‮ ‬بەرێز هەر لەم‮ ‬یادە پیرۆزەدا سەری‮ ‬رێز و نەوازش دادەنوێنین بۆ‮ ‬یەكە‮ ‬یەكەی‮ ‬شەهیدانی‮ ‬شۆڕشی‮ ‬ئەیلوول و شەهیدانی‮ ‬بزووتنەوەی‮ ‬ئازادیخوازی‮ ‬كوردستان و بزووتنەوە رزگاریخوازەكانی‮ ‬جیهان،سەری‮ ‬رێز و نەوازش بۆ شەهیدە ئەنفالكراوەكانی‮ ‬كوردستان،‮ ‬دادەنوێنین‮.‬ سڵاو بۆ گیانی‮ ‬پاكی‮ ‬ئەو بەڕێزانەی‮ ‬لە زیندانەكان لە سێدارە دران،‮ ‬سڵاو لەو پێشمەرگە‮ ‬و هاوڵاتییە ورە بەرز و گیانفیدایانەی‮ ‬كە لەسەر كوردایەتی‮ ‬و ئازادیخوازی‮ ‬بێ سەروشوێنكران‮. ‬ رێزداران‮.. ‬ئامادەبووانی‮ ‬بەرێز شۆڕشی‮ ‬ئەیلوول بەڕابەرایەتی‮ ‬مستەفا بارزانی‮ ‬نەمر،‮ ‬گەورەترین شۆڕشی‮ ‬كوردستان بوو،‮ ‬بێ سنوور سوودی‮ ‬گەیاندە نەتەوەی‮ ‬كورد و گشت ئەو نەتەوانەی‮ ‬لەگەڵ كورد لە خاكی‮ ‬كوردستاندا دەژیان،‮ ‬بۆ بەدەستهێنانی‮ ‬ئازادی‮ ‬دژ بە زوڵم و زۆرداری،‮ ‬شۆڕشی‮ ‬ئەیلوولی‮ ‬مەزن بە گرنگترین قوتابخانەی‮ ‬شۆڕشگێڕی‮ ‬و دیموكراسی‮ ‬و كۆمەڵایەتی‮ ‬و پارتیزانی‮ ‬و كوردایەتی‮ ‬و دادپەروەری‮ ‬دادەنرێت،‮ ‬شۆڕشی‮ ‬ئەیلوول بوو كە رۆڵە نەبەزەكانی‮ ‬نەتەوەی‮ ‬كورد و كوردستانیانی‮ ‬تێكەڵاو كرد و بەیەكتری‮ ‬ناساند،‮ ‬و فێری‮ ‬كردن كە بەرەنگاری‮ ‬ستەم ببنەوە و پشتیوانی‮ ‬یەكتر ببن‮.‬ وای‮ ‬لێ كردن لاوانی‮ ‬بادینان و سۆران لە گشت شوێنێكی‮ ‬كوردستان تێكەڵاوی‮ ‬یەكتر بن وئامادەی‮ ‬خەبات و تێكۆشان بوون،‮ ‬لاوی‮ ‬زاخۆ و گشت بادینان لە گەرمیان لە ریزی‮ ‬پارتی‮ ‬و شۆڕش خەباتیان دەكرد و بۆ ئازادی،‮ ‬شەهید و بریندار دەبوون و سەركەوتنیان لە مێژووی‮ ‬كوردایەتی‮ ‬تۆمار دەكرد‮.‬ رۆڵەكانی‮ ‬سۆران لە گەرمیان و شارەزوور و هەڵەبجە و شارباژێڕ‮ ‬و جافایەتی‮ ‬و هەورامان پشدەر و باڵەكایەتی‮ ‬دەشتی‮ ‬دزەیی‮ ‬و سورچی‮ ‬و هەركی‮ ‬و زێباری‮ ‬و گۆران و ئاكرەیی‮ ‬و لۆلان و بارزان‮.. ‬بوون لە گشت شوێنێكی‮ ‬بادینان و سۆران تێدەكۆشان،‮ ‬خەباتیان دەكرد لە پێناوی‮ ‬ئازادی‮ ‬كوردستان،‮ ‬هەموو سنوورەكانی‮ ‬بەزاندبوو،‮ ‬رۆڵەكانی‮ ‬كوردانی‮ ‬باكور و رۆژهەڵات و رۆژئاوا لە گشت شوێنەكانی‮ ‬كوردستانی‮ ‬باشوور،‮ ‬شانبەشانی‮ ‬پێشمەرگە قارەمانەكان خەباتیان دەكرد و تێدەكۆشان،‮ ‬ئەمەیە شۆڕشی‮ ‬ئەیلوول كە بەڕابەرایەتی‮ ‬سەركردەی‮ ‬نەتەوەیی‮ ‬كورد بارزانی‮ ‬نەمر،‮ ‬بەیەكجار گشت تاكێكی‮ ‬كوردی‮ ‬لە گشت پارچەكانی‮ ‬كوردستان تێكەڵاو بەیەكتر كردبوو،بۆ‮ ‬یەك ئامانج كە ئەویش رزگاربوون بوو لە دەست ستەم و زۆرداری‮ ‬بەیەكەوە خەباتیان دەكرد‮.‬ ئامادەبووانی‮ ‬قەدر گران شۆڕشی‮ ‬ئەیلول،‮ ‬بەڕابەرایەتی‮ ‬بارزانی‮ ‬نەمر،‮ ‬هەمیشە گەڵای‮ ‬زەیتوونی‮ ‬لە دەست بوو،‮ ‬بانگەوازی‮ ‬چارەسەری‮ ‬ئاشتیانەی‮ ‬دەكرد بۆ كێشە‮ ‬ڕەواكەی‮ ‬گەلەكەمان‮. ‬هەر كاتێكیش دەرفەت هەبووایە بەرەو پیری‮ ‬ئاشتی‮ ‬دەچوو،‮ ‬هیچ كاتێكیش لە سەختترین ساتەكان تەسلیمی‮ ‬نائومێدی‮ ‬نەدەبوو،‮ ‬وە لە لووتكەی‮ ‬بەهێزی‮ ‬و سەركەوتنیش هیچ كاتێك‮ ‬غروور نەیدەگرت‮. ‬ لە قوتابخانەی‮ ‬شۆڕشی‮ ‬ئەیلوولی‮ ‬مەزن بوو،‮ ‬رۆڵە سەربەرزەكانی‮ ‬كوردستان فێربوون لە پێناوی‮ ‬ئازادی‮ ‬و سەربەرزی،‮ ‬فیداكاری،‮ ‬گیانیان بەخت بكەن،‮ ‬لە مێژوودا بە سەربەرزی‮ ‬بمێنێن‮. ‬پارتی‮ ‬و شۆڕشی‮ ‬ئەیلوول بوونە قوتابخانەی‮ ‬كەوادری‮ ‬سیاسی‮ ‬و شۆڕشگێڕی‮ ‬گشت كوردستان،‮ ‬هەر لەو شۆڕشەدا،‮ ‬ئیتیفاقیەی‮ ‬29ی‮ ‬حوزەیران ئیمزا كرا،‮ ‬داننرا بەمافی‮ ‬گەلی‮ ‬كوردستان،‮ ‬لە شۆڕشی‮ ‬ئەیلوول بوو رژێمی‮ ‬ئەوكاتی‮ ‬عێراق اجبار كرا دان بە مافی‮ ‬ئۆتۆنۆمی‮ ‬بنێت،‮ ‬بۆ‮ ‬یەكەمین جار لە مێژووی‮ ‬كورددا لە‮ ‬11ی‮ ‬ئازاری‮ ‬1970 ئەو رێككەوتننامەیە راگەیەنرا،‮ ‬كە كوردی‮ ‬بووژاندەوە لە گشت پارچەكانی‮ ‬كوردستان،‮ ‬وە كوردی‮ ‬باشتر و زیاتر ناساند بە عێراق و ناوچەكە و جیهان،‮ ‬توانای‮ ‬شۆڕشی‮ ‬ئەیلوول و دەسكەوتەكانی‮ ‬گەیشتە ئاستێك،‮ ‬كە رژێمی‮ ‬شۆڤێنیەكان نەیدەتوانی‮ ‬هەزمی‮ ‬بكەن،‮ ‬بە رێگای‮ ‬هێزیش نەیدەتوانی‮ ‬بەرامبەری‮ ‬بوەستن،‮ ‬بۆیە پەنایان بردە بەر پیلانی‮ ‬نێودەوڵەتی‮ ‬و تەنازولیان لە خاكی‮ ‬عێراق كرد لە ئیتفاقیەی‮ ‬جەزائیر،‮ ‬بۆ زیانگەیاندن بە شۆڕشی‮ ‬ئەیلوول و پارتی‮ ‬دیموكراتی‮ ‬كوردستان و رابەرە سەربەرزەكەی‮ ‬بارزانی‮ ‬نەمر‮.‬ هەر لەو ساتە هەستیارەی‮ ‬هەرێمی‮ ‬كوردستان،‮ ‬دووربینی‮ ‬و حیكمەتی‮ ‬بارزانی‮ ‬نەمر بوو،‮ ‬توانی‮ ‬رۆڵەكانی‮ ‬كوردستان لە گەورەترین و دڕندەترین پیلانی‮ ‬دژ بە گەلی‮ ‬خاوەن ماف و ئاشتیخوازی‮ ‬كورد بە سەلامەتی‮ ‬دەرباز بكات،‮ ‬و بڕیاری‮ ‬وەستانی‮ ‬شۆڕشی‮ ‬دا،‮ ‬دواتر دووبارە شۆڕش دەستی‮ ‬پێكردەوە و بەشێوازێكی‮ ‬تری‮ ‬گونجاو پشت بەخوای‮ ‬گەورە و گەلی‮ ‬كوردستان و رۆڵە گیان لەسەر دەستەكانی‮ ‬بۆ ئازادی‮ ‬گەل و خاكی‮ ‬نیشتمان‮. ‬بەم كارەی‮ ‬سەری‮ ‬لە شۆڤینیەكان و كیینە لە دڵەكان شێواند و شۆڕشی‮ ‬كوردستانیشی‮ ‬دووبارە هەڵگیرساندەوە‮.‬ رێزداران ئامادەبووانی‮ ‬خۆشەویست‮.‬ نسكۆی‮ ‬شۆڕشی‮ ‬ئەیلوول،‮ ‬كە دوژمن پێیان وابوو كە كورد تەواو بوو،‮ ‬ئیتر توانای‮ ‬شۆڕشی‮ ‬نەما،‮ ‬كەچی‮ ‬هەر ئەو نسكۆیە خۆی‮ ‬بۆخۆی‮ ‬شۆڕشێكی‮ ‬سەركەوتووی‮ ‬تەواو بوو بۆ گەلی‮ ‬كوردستان،‮ ‬چونكە لەو نسكۆیەدا،‮ ‬كوڕ‮ ‬و كچی‮ ‬كورد لە سەرتاسەری‮ ‬دنیا بڵاوبوونەوە،‮ ‬تێكەڵاوی‮ ‬گەلان و رۆشنبیران و دیموكراسیخوازان بوون،‮ ‬وە لە زانكۆكانیان فێری‮ ‬زانست و زمان و كولتووری‮ ‬دیموكراسی‮ ‬و رەوشتی‮ ‬باش بوون.ئەمە شۆڕشێكی‮ ‬گەورەی‮ ‬رۆشنبیری‮ ‬و كۆمەڵایەتی‮ ‬بوو،‮ ‬كە دوژمنان وایان دەزانی‮ ‬گەلی‮ ‬كورد و شۆڕشی‮ ‬كوردیان لە ناوبرد،‮ ‬بەڵام بەپێچەوانەوە ئەمە بووە ئەزموونێكی‮ ‬زۆر باش بۆ نەتەوەكەمان‮.‬ بەرێزان‮..‬‮ ‬ئەمڕۆ دەبینین قوتابیەكانی‮ ‬پارتی‮ ‬دیموكراتی‮ ‬كوردستان و شۆڕشی‮ ‬ئەیلوولی‮ ‬مەزن،‮ ‬بەرهەمی‮ ‬خەباتی‮ ‬سەركردە و پێشمەرگە و قوربانیانی‮ ‬گەلەكەمان لە هەرێمی‮ ‬كوردستانی‮ ‬فیدراڵ دەبەنە رێوە،‮ ‬گەرەنتی‮ ‬بۆ سەركەوتنی‮ ‬تەواومان و گەیشتن بە مافەكانمان‮ ‬یەكڕیزی‮ ‬نێوان ماڵی‮ ‬كورد و كوردستانیان گرنگ و پێویستە،‮ ‬یەكڕیزی‮ ‬بە دادپەروەری‮ ‬و ملكەچی‮ ‬یاسا و پابەندبوون بە بنەما دیموكراسییەكان،‮ ‬و رێزگرتن لە دامەزراوەكانی‮ ‬هەرێمی‮ ‬كوردستان دێتەدی‮. ‬سەركەوتنمان نزیكتر دەبێ زیاتر و زووتر دەگەین بە ئامانجەكان كە هێشتا چاوەڕوانیان دەكەین‮.‬ سەركەوتنمان كاتێك مسۆگەر دەبێت‮ ‬،‮ ‬كە بە تەواوەتی‮ ‬باوەڕمان بەخۆمان و حەقانیەتی‮ ‬مافەكانمان و هێز و توانای‮ ‬لە بن نەهاتووی‮ ‬گەلەكەمان هەبێت‮. ‬هەروەها دەبێ پشتیوان به خودا و گەلەكەمان بەردەوام بین لە هەوڵدان،‮ ‬بۆ بەدەستهێنانی‮ ‬تەواوی‮ ‬مافە رەواكانی‮ ‬میللەتەكەمان‮.‬ رۆڵە سەربەرزەكانی‮ ‬كوردستان ئەمڕۆ حكوومەتی‮ ‬هەرێم لە پەرلەمان و ئەنجوومەنی‮ ‬وەزیران و سەرۆكایەتی‮ ‬هەرێمی‮ ‬كوردستان بەرهەمی‮ ‬خەباتی‮ ‬گەلی‮ ‬كوردستانە،‮ ‬بەیەكڕیزی‮ ‬ناوماڵی‮ ‬كورد توانرا لە بەغدا مافەكانی‮ ‬گەلەكەمان بەشێكی‮ ‬هەرەزۆری‮ ‬لە دەستووری‮ ‬عێراق جێگیر بێت،‮ ‬بەیەكڕیزی‮ ‬لایەنەكانی‮ ‬هەرێمی‮ ‬كوردستان توانیمان پرۆژەی‮ ‬دەستووری‮ ‬هەرێمی‮ ‬كوردستان ئامادە بكەین،‮ ‬بەیەكڕیزیمان لەناو هەرێمی‮ ‬كوردستان دەتوانین گشت مافە زەوتكراوەكانمان بۆ نەوەكانی‮ ‬داهاتوومان زامن بكەین‮.‬ رۆڵە بەشەڕەفەكانی‮ ‬كوردستان ئەمڕۆ لە كوردستانی‮ ‬باشوور دڵمان لەگەڵ رۆڵەكانی‮ ‬نەتەوەكەمانە لە بەشەكانی‮ ‬تری‮ ‬كوردستان و پشتیوانیانین بۆ بەدەستهێنانی‮ ‬مافەكانیان بە رێگای‮ ‬ئاشتی‮ ‬و دیموكراسی‮ ‬دوور لە توندوتیژی‮.‬ كادرانی‮ ‬پارتی‮ ‬دیموكراتی‮ ‬كوردستان،‮ ‬پێشمەرگە سەربەرزەكانی‮ ‬پارتی‮ ... ‬شانازییە بۆ گشت تاكێك لە ئێمە و لە ئێوەی‮ ‬خۆشەویست‮. ‬كە لە پارتیەكدا كار دەكەین،‮ ‬كە سەرۆكەكەی‮ ‬بارزانی‮ ‬نەمر بووە،‮ ‬مستەفا بارزانی‮ ‬ئەو ئینسانە بوو كە توانی‮ ‬شۆڕشێكی‮ ‬یەكسان كە ببێتە شۆڕشی‮ ‬تەواوی‮ ‬گەلی‮ ‬كوردستان لە سەرجەم پارچەكانی‮ ‬كوردستان،‮ ‬وە ببێتە جێگای‮ ‬ئەوەی‮ ‬كە لایەنەكانی‮ ‬تر لە برا ئێزدیەكان و مەسیحیەكان و شەبەك و عەرەب و توركمان و كوردی‮ ‬فەیلی،‮ ‬هەمووان تێیدا لەژێر سێبەری‮ ‬پارتی،‮ ‬بەسەرۆكایەتی‮ ‬بارزانی‮ ‬نەمر كۆببێتەوە‮. ‬ئێمە خاوەنی‮ ‬ئەو پارتیەن كە ئەو سەرۆكەی‮ ‬هەبوو‮.‬ ئەمڕۆش خاوەنی‮ ‬ئەو سەرۆكەین،‮ ‬سەرۆكی‮ ‬پارتی‮ ‬دیموكراتی‮ ‬كوردستان جەنابی‮ ‬كاك مەسعوود بارزانی‮ ‬كە ئەمڕۆ سەرۆكی‮ ‬هەرێمی‮ ‬كوردستان كە خەڵكی‮ ‬هەرێم بەدەنگدان‮ ‬70 لەسەد دەنگیان پێدا،‮ ‬بۆیە مافیەتی‮ ‬ئەمڕۆ داكۆكی‮ ‬لە مافەكانمان بكات و داكۆكی‮ ‬بكات لەوەی‮ ‬مافە زەوتكراوەكانمان بێنە دی‮.‬ بەرێزان ئەمڕۆ حكوومەتی‮ ‬هەرێم هەنگاوی‮ ‬زۆر بەرز و پیرۆزی‮ ‬ناوە وە كاری‮ ‬زۆر باشی‮ ‬ئەنجامداوە بەڵام هێشتاش لە هەموو شوێنەكان و بەتایبەت لەناوچە دابڕاوە داگیركراوەكان كێشە ماوە بۆ ئەوەش كار دەكرێت،‮ ‬وە بە ئومێدێكی‮ ‬تەواو سەركەوتن بەدەستدێنین‮.‬ رێزداران ئێوەی‮ ‬پارتی‮ ‬دیموكراتی‮ ‬كوردستان و لایەنگرانی،‮ ‬ئێوە لەو ریزە كار دەكەن،‮ ‬كە سەركردەی‮ ‬نەمر بارزانی‮ ‬نەمر سەركردەتان بوو،‮ ‬كە سەركردەی‮ ‬هەمیشە زیندوو كاك ئیدریسی‮ ‬جوانە مەرگ تێدا كاری‮ ‬كردووە،‮ ‬ئێوە لەو پارتە كاردەكەن،‮ ‬كە برایانی‮ ‬ئێزدی‮ ‬و مەسیحی‮ ‬و شەبەك و توركمان و عەرەب و كوردی‮ ‬بادینی‮ ‬و سۆرانی،‮ ‬خوێنیان تێدا تێكەڵ بەیەكتر بووە بۆ ئازادی،‮ ‬بۆیە خاوەنی‮ ‬پارتیەكن شكستی‮ ‬نا پەزیرە،‮ ‬وە سەركەوتن بۆ گەلەكەمان دەهێنێ،‮ ‬مەشخەڵی‮ ‬ئازادی‮ ‬لە دەستە بۆ دوارۆژێكی‮ ‬رووناك بۆ گەلی‮ ‬كوردستان‮.‬ ئێمە ئەمڕۆ لە شێخان كارەساتی‮ ‬ئەشكەوتی‮ ‬دەكان دێتەوە‮ ‬یادامان،‮ ‬كە رژێمی‮ ‬دیكتاتۆری‮ ‬بەعس سەدام،‮ ‬كە چۆن برا ئێزدی‮ ‬و مەسیحی‮ ‬و موسڵمانی‮ ‬تێدا كۆكردەوە هەموویانی‮ ‬تێدا بە ئاگر سووتاند‮. ‬ ئێمە‮ ‬یادی‮ ‬شەهید هرمز مەلیك چەكۆ دەكەین كە لێرە شەهید بووە،‮ ‬یادی‮ ‬ئەو شەهید سەربەرزانەی‮ ‬كە لەم ناوچەیە لە برا موسڵمان و مەسیحی‮ ‬و ئێزدی‮ ‬و شەبەكەكان ژیانیان بەخت كردووە‮ ‬،‮ ‬باسیان بكەین،‮ ‬لە حساب نایەن،‮ ‬بۆیە جاریكی‮ ‬تر سڵاوی‮ ‬پاك ئەنێرین بۆ رۆحی‮ ‬پاك و بێگەردیان،‮ ‬ئەوان زیندوون لەگەڵمان دەژێین،‮ ‬چونكە ئەمڕۆ نەوەكانیان ئاڵای‮ ‬خەباتیان هەڵگرتووە و كار دەكەن،‮ ‬بۆ ئەوەی‮ ‬ئەو ئاواتەی‮ ‬ئەوان هەڵیانگرتبوو،‮ ‬ئەمڕۆ بێتە جێ‮.‬ شەهید هرمز مەلیك چەكۆ،‮ ‬كە ئەمڕۆ لە‮ ‬یادی‮ ‬51 ساڵەی‮ ‬هەڵگیرسانی‮ ‬شۆڕشی‮ ‬ئەیلوول،‮ ‬یادی‮ ‬ئەكەینەوە،‮ ‬ئەزانین كە لە تیار لەدایك بوو،‮ ‬بەڵام لە شێخان شەهید بوو،‮ ‬برادەرانی‮ ‬تریش كە لە ناوچەی‮ ‬سۆران لە خانەقین لە كەركووك لە گەرمیان و زاخۆ و ئامیدی‮ ‬و بەرواری‮ ‬و ئاكرێ و سێمێل و‮ ‬بەری‮ ‬گارە و بامەڕنێ و باتوفە و كانی‮ ‬ماسی‮ ‬شوێنەكانی‮ ‬تری‮ ‬كوردستان،‮ ‬هەروەها دانیشتووانی‮ ‬مەندەلی‮ ‬و بەدرە‮ ‬و جەسان لە ناوچەكانی‮ ‬تری‮ ‬كوردستان گیانیان بەخشی،‮ ‬بۆیە دەبێ هەموومان‮ ‬یادی‮ ‬ئەو بەڕێزانە لەبەرچاومان بێ،‮ ‬و باشتر خەبات بكەین بۆ دوارۆژی‮ ‬باشتر‮ ‬،وە ئێمە دڵنیاتان دەكەینەوە كە پارتی‮ ‬دیموكراتی‮ ‬كوردستان هەڵگری‮ ‬ئاڵای‮ ‬كوردایەتی‮ ‬و رێبازی‮ ‬پاك و بێگەردە،‮ ‬وە دوارۆژی‮ ‬كوردستان لە دەستێكی‮ ‬ئەمینە‮. ‬وە سەركەوتنی‮ ‬حەتمیش لە پێشە‮.‬ ‮ ‬سوپاسی‮ ‬یەكە‮ ‬یەكەی‮ ‬ئێوەی‮ ‬ئامادەبووانی‮ ‬بەرێز دەكەین،‮ ‬سوپاسی‮ ‬ئەنجوومەنی‮ ‬رۆحانی‮ ‬برا ئێزدییەكان،‮ ‬و مەسیحیەكان و شەبەك و سابیئەی‮ ‬مەندائی‮ ‬و گشت برا موسڵمانەكان و گشت تاكێكی‮ ‬ئەو هەرێمە دەكەین،‮ ‬وەلێرەشەوە سڵاو و رێز دەنێرین بۆ گشت لایەنە سیاسییەكانی‮ ‬هەرێمی‮ ‬كوردستان و رێكخراوەكانی‮ ‬كۆمەڵی‮ ‬مەدەنی‮ ‬و راگەیاندكارەكان و هەروەها بۆ گشت نوێنەرەكانی‮ ‬كوردستان لە بەغدا و هەرێمی‮ ‬كوردستان لە پەرلەمان و حكوومەتدا‮ ‬،‮ ‬داویان لێ دەكەین،‮ ‬شەو و رۆژ كار بكەن،‮ ‬پابەندبن بە‮ ‬یاسا و بنەما دیموكراسییەكان،‮ ‬دوور لە هەوڵدان بۆ بەرژەوەندی‮ ‬تەسكی‮ ‬حزبایەتی،‮ ‬كار بكەن،‮ ‬چونكە ئەوە دەمانگەیەنێتە ئامانج‮. ‬جارێكی‮ ‬تر سوپاستان دەكەم وەقتتانم گرت،‮ ‬ئومێدەوارم شەوێكی‮ ‬خۆش لەگەڵ ئاهەنگەكەتان بەسەربەرن‮.‬ پیرۆز بێت‮ ‬16ی‮ ‬ئاب و‮ ‬یادی‮ ‬51 ساڵەی‮ ‬هەڵگیرسانی‮ ‬شۆڕشی‮ ‬مەزنی‮ ‬ئەیلوول لەگشت ئێوە و گشت خەڵكی‮ ‬كوردستان و لە سەرۆكی‮ ‬هێژامان كاك مەسعوود بارزانی‮ ‬و قیادەی‮ ‬پارتی‮ ‬و‮ ‬یەكە‮ ‬یەكەی‮ ‬ئێوەی‮ ‬بەرێز‮...‬