2014-08-03

بە ناوی‮ ‬خوای‮ ‬گەورە و میهرەبان
برایانی‮ ‬خۆشەویستم زۆر زۆر سوپاستان دەكەم بۆ ئەم پێشوازیە گەرمە،‮ ‬هەروەها ێم خۆشە رێگام بدەن پیرۆزبایی‮ ‬جەژنتان لێ بكەم،‮ ‬هەر چەندە ئێوەی‮ ‬خۆشەویست دوور بوون لە ناو ماڵ و منداڵتان لەم جەژنەدا،‮ ‬بەڵام واتان كرد گەلێك بە سەربەستی‮ ‬و ئازادی‮ ‬جەژنی‮ ‬خۆیان بكەن،‮ ‬هەروەها ئێوەی‮ ‬پێشمەرگەی‮ ‬قارەمان ئەمن و ئاسایشێكتان بەرقرار كردووە لە كوردستان كە ملیۆنێك و200 ‮ ‬هەزار كەسی‮ ‬خەڵكی‮ ‬عێراق روویان لە كوردستان كردووەو لە پەنایەك دەگەڕێن بۆخۆیان ئەو پەنایەیان لە كوردستان دۆزیوەتەوە،‮ ‬ئەمە سەروەرییەكی‮ ‬یەكجار گەورەیەو ئەمە بە دەست و بازووی‮ ‬ئێوە هاتۆتەدی،‮ ‬هاتووین بۆ ئەوەی‮ ‬سوپاسی‮ ‬پێ پایانتان بكەین بۆ قارەمانێتیتان و بۆ خۆراگریتان،‮ ‬ئێمە زۆر چاك ئاگادارین چ قوربانیتان داوەو چ زەحمەتیەكتان كێشاوە لەم ماوەیەداو لە پێشتریش،‮ ‬بەڵام لەم ماوەیەدا دەزانین فشارێكی‮ ‬زۆریشتان لەسەر بووە بەڵام سەر بەرزانە وەستاون وەك كێوەكانی‮ ‬كوردستان نەتانهێشتووە دوژمن هیچ زەفەرێك بەو ناوچانە ببات كە ئێستە لە ژێر دەستی‮ ‬پێشمەرگە دایە،‮ ‬بەداخەوە كۆمەڵێك لە برا ئازیزەكانمان لە دەستداوەو شەهید بوون و زۆریشیان بریندار بوون،‮ ‬جێگەی‮ ‬شەهیدەكانمان ئینشالڵا بە هەشتی‮ ‬برینە و تەمەننای‮ ‬شفای‮ ‬دەكەین بۆ بریندارەكانمان‮.‬
برایان‮: ‬ئێوە مێژوویەك دروست دەكەن و ئایندەیە گەلەكەتان بنیاد دەنێن،‮ ‬ئەركی‮ ‬ئێوە زۆر زۆر پیرۆزەو قورسیشە،‮ ‬بەڵام هیچ موستەحیلێك نییە بەرامبەر بە ئیرادەی‮ ‬پێشمەرگە،‮ ‬رەنگە هێشتا خەڵكانێك هەبن نەزانن پێشمەرگە‮ ‬یانی‮ ‬چی،‮ ‬پێشمەرگایەتی‮ ‬یانی‮ ‬چی،‮ ‬هەر چەندە ناوی‮ ‬خۆی‮ ‬بە خۆیەوە دیارە،‮ ‬یانی‮ ‬پێش مەرگ دەكەوێ بۆ ئەوەی‮ ‬ژیان بۆ خەڵكی‮ ‬تر دابین بكات،‮ ‬بۆ میللەتی‮ ‬خۆی،‮ ‬ناوی‮ ‬ئێوە ناوێكی‮ ‬پیرۆزە،‮ ‬ناوێكی‮ ‬شیرینەو ئەركی‮ ‬ئێوەش ئەركێكی‮ ‬پیرۆزە،‮ ‬ئەمرۆ بۆ هەموولایەك دەركەوت،‮ ‬بۆ دۆست و دوژمن كە هەبوونی‮ ‬پێشمەرگە واتە هەبوونی‮ ‬كوردستان،‮ ‬ئەگەر پێشمەرگە نەبێت كوردستان دەكەوێتە دەستی‮ ‬دوژمنان،‮ ‬بۆیە ئەرك لەمە پیرۆزتر چ هەیە كە پێشمەرگە بە گیانی‮ ‬خۆی‮ ‬كوردستان بپارێزێ،‮ ‬من ئومێدەوارم هەموو خەڵكی‮ ‬كوردستان،‮ ‬حكوومەتی‮ ‬هەرێم و هەموو لایەك باشتر تێبگەن و بزانن كە قەدر و قیمەتی‮ ‬پێشمەرگە چەندە،‮ ‬ئێستە كەسانێك هەن لە بەغدا گلەیی‮ ‬دەكەن دەڵێن پێشمەرگە هاتوون شوێنیان داگیر كردووەو دەبێ چۆڵی‮ ‬بكەن،‮ ‬دەبێ‮ ‬یەكێك هەر ئەو پرسیارەیان لێ بكات ئەگەر پێشمەرگە ئەو شوێنانە چۆڵ بكات ئێوە دەتوانن ئەو شوێنانە بپارێزن،‮ ‬بۆ نەتان پاراست،‮ ‬پێشمەرگە هیچ شوێنێكی‮ ‬داگیر نەكردووە،‮ ‬بەڵكو پێشمەرگە خەڵك و وڵاتی‮ ‬پاراستووە لەوەی‮ ‬نەكەوێتە دەستی‮ ‬تیرۆرستان و دوژمنان و نا حەزان،‮ ‬ئەوانە دەیانەوێ راستیەكان بشێوێنن،‮ ‬بەڵام بە دڵنیایەوە ئێمە بە هەموو لایەك دەڵێین كە ئێمە پێمان خۆشە پەیوەندییەكی‮ ‬دۆستانە و برایانەمان هەبێت لەگەڵ هەموو پێكهاتەكانی‮ ‬عێراق،‮ ‬وە پێشمەرگە چۆن گیانی‮ ‬كورد دەپارێزێ،‮ ‬بەم شێوەیە گیانی‮ ‬عەرەب و توركمان و مەسیحی‮ ‬و هەموو لایەك دەپارێزێ،‮ ‬بەڵام هەقیقەتێكی‮ ‬تر هەیە دەبێ لەبەرچاو بێت،‮ ‬ئەویش سەد ساڵە كورد هەوڵ دەدات بۆ ئەوەی‮ ‬عێراقێكی‮ ‬دیموكرات بنیاد بنرێ،‮ ‬هەر لە شۆڕشی‮ ‬ئەیلوولی‮ ‬مەزنەوەو دروشمی‮ ‬شۆڕش روون بوو كە دیموكراتی‮ ‬بۆ عێراق و ئۆتۆنۆمی‮ ‬بۆ كوردستان لەم سەردەمەدا،‮ ‬دوای‮ ‬ساڵی‮ ‬1991 گەلی‮ ‬كوردستان ئەوپەڕی‮ ‬رەوشتی‮ ‬بەرزی‮ ‬نیشاندا و لە كاتێكدا دوو فەیلەقی‮ ‬سوپای‮ ‬عێراقی‮ ‬كەوتنە دەست جەماوەر و پێشمەرگەی‮ ‬كوردستان،‮ ‬یەك سەربازی‮ ‬عێراقی‮ ‬نە سوكایەتیان پێ كرا و نە كوژران و نە قسەیەكی‮ ‬ناخۆشی‮ ‬پێگوترا،‮ ‬كەچی‮ ‬هەر ئەو دوو فەیلەقە بوون كوردستانیان وێران كردو ئەنفال و كیمیاباران كرد بوو،‮ ‬لەمە رەوشتی‮ ‬بەرزتر چی‮ ‬دەبێت‮.‬
لە دوای‮ ‬رووخانی‮ ‬رژێم لە ساڵی2003 ‮ ‬دیسان كورد هەموو هەوڵێكی‮ ‬دا بۆ ئەوەی‮ ‬عێراقێكی‮ ‬تازە بنیاد بنرێ لەسەر بنەمای‮ ‬دیموكراتی‮ ‬و فیدراڵی‮ ‬و فەرهەنگی‮ ‬پێگەوەژیان لەم وڵاتە پێڕەو بكرێ،‮ ‬بەداخەوە بە درێژایی‮ ‬ئەو هەموو ماوەیە و ئەو هەموو هەوڵە زۆرانە ئەنجامەكەی‮ ‬دەبینین كە لایەنەكانی‮ ‬دیكە بە هیچ شێوەیەك ئامادە نین پێكەوە بژین و ئامادە نین‮ ‬یەكپارچەیی‮ ‬عێراق بپارێزرێ،‮ ‬جا بۆ گلەیی‮ ‬لە ئێمە دەكەن،‮ ‬ئێمە لەسەر دوو پرس كار دەكەین و تا ئەو رۆژەی‮ ‬هەین لەگەڵ بەغدا هەوڵ دەدەین چارەسەری‮ ‬ئەو كێشانە بكەین كە لەگەڵ بەغدا هەمانە،‮ ‬بەڵام لە هەمان كاتدا لەسەر پرسی‮ ‬ستراتیژی‮ ‬خۆمان بەردەوام دەبین كە گەلی‮ ‬كوردستان بڕیار لەچارەنووسی‮ ‬خۆی‮ ‬بدات و كاتی‮ ‬ئەوە هاتووە ئیتر كورد بڕیار لە چارەنووسی‮ ‬خۆی‮ ‬بدات،‮ ‬هەروەها كەسیش نابێت نە گلەییمان لێ بكات و بەخۆشیش دەمانەوێ لەگەڵ هەموو لایەك قسە بكەین و دیالۆگ بكەین،‮ ‬چونكە ئێمە ناتوانین هەتا هەتایێ چاوەڕێی‮ ‬چارەنووسێكی‮ ‬نا دیار بكەین،‮ ‬ئێمە ناتوانین لەوەی‮ ‬كردمان زیاتر بیكەین بۆ‮ ‬یەكپارچەیی‮ ‬خاكی‮ ‬عێراق و سەری‮ ‬نەگرت،‮ ‬لەبەر ئەوە ئێمە ناچارین بیر لە چارەنووسی‮ ‬میللەتی‮ ‬خۆمان بكەینەوەو ئەگەر بشتوانین‮ ‬یارمەتی‮ ‬لایەنەكانی‮ ‬دیكە بدەین بەسەر چاو دەیكەین‮.‬
سەبارەت بە ئێوەی‮ ‬خۆشەویست من بە دڵنیایەوە پێتان دەڵێم ئێمە شەو و رۆژ خەریكین بۆ ئەوەی‮ ‬بارودۆخی‮ ‬ئێوە لەهەموو رووێكەوە باش بكەین،‮ ‬ئەو بارودۆخە تازەیە رێگەی‮ ‬خۆش كرد بۆ ئەوەی‮ ‬هەموو لایەك پشتگیری‮ ‬و پشتیوانی‮ ‬ئەوە بكەن كە بارودۆخی‮ ‬پێشمەرگە باشتر بكرێ لەرووی‮ ‬ژیان و چەك و هەموو رووەكانی‮ ‬دیكە،‮ ‬دەشتوانم دڵنیاتان بكەمەوە ئینشالڵا لە ماوەیەكی‮ ‬كورتدا چەكی‮ ‬زۆر باشترتان دەخەینە بەر دەست،‮ ‬ئێستە خەریكین لەگەڵ برادەران بۆ ئەوەی‮ ‬هەندێك شتی‮ ‬پێشكەوتوو بكەوێتە دەستی‮ ‬پێشمەرگە،‮ ‬پێشمەرگە بە ورە و ئیرادەی‮ ‬خۆی‮ ‬لە هەموو چەكێك بەهێزە،‮ ‬بەڵام دەبێ چەكی‮ ‬پێشكەوتووشی‮ ‬لەبەر دەست دا بێت بتوانێ بەو ئیرادە پۆڵاینەوە سەری‮ ‬دوژمن پان بكاتەوە،‮ ‬من دڵنیام ئێوەی‮ ‬قارەمان كە تانك و فڕۆكەو بە سەدان تۆپتان تێكشكاندووە،‮ ‬چەند تیرۆریستێك ناتوانن رابكەنە سەر پەردەی‮ ‬پێشمەرگە،‮ ‬تەنیا تكای‮ ‬من لە ئێوە برایانی‮ ‬خۆشەویست ئەوەیە وریایی‮ ‬هەبێت،‮ ‬هیچ كاتێك دوژمن بە دەستی‮ ‬كەم نەگرن،‮ ‬هەمیشە دوژمنی‮ ‬خۆتان وا حیساب بكەن كە دوژمنێكی‮ ‬بەهێزە بۆ ئەوەی‮ ‬بتوانن تێكیان بشكێنن،‮ ‬بۆ ئەوەی‮ ‬ئامادە بن ئەگەر نا من دڵنیام پێشمەرگە نە حیساب بۆ ئەو تیرۆریستانە دەكات نە حیسابیشیان بۆ دەكات،‮ ‬بەڵام ئێمە دەبێت خۆمان ئامادە بین و هێشتا رێگاكەمان دوورەو رەنگە هەڕەشە زۆر بن و بەڵام دەبێ خۆمان بۆ هەموو هەڕەشەیەك ئامادە بكەین و خۆشمان ئامادە دەكەین ئینشالڵا‮. ‬من لە كۆتاییدا بە ئەركی‮ ‬دەزانم سڵاو بۆ گیانی‮ ‬سەرجەم شەهیدانی‮ ‬كوردو كوردستان بنێرین بە تایبەتی‮ ‬ئەو شەهیدانەی‮ ‬ئەو شەڕانەی‮ ‬دوایی،‮ ‬سەبارەت بە ئێمە ئەمە شەڕی‮ ‬چارەنووسسازە،‮ ‬لەبەر ئەوە تكاتان لێدەكەم خۆراگر بن و خۆراگربن چونكە ئەو باخەی‮ ‬كە هەزاران شەهید بە خوێنی‮ ‬خۆیان ئاویان دا ئێستە خەریكە بەرهەمەكەی‮ ‬پێدەگاتێ و ئێستە ئەو قۆناغەیە بەرهەمەكەی‮ ‬بخۆین،‮ ‬لەبەر ئەوە دەبێ هەمووان خۆراگر بین و لەبەرامبەر ئەوەش دەبێت بارودۆخی‮ ‬پێشمەرگە باشتر ببێت و هەروەها هیوای‮ ‬چاكبونەوەش بۆ برا پێشمەرگەكانمان دەخوازین،‮ ‬زۆر زۆر سوپاسیان دەكەین و هەر بە سەركەوتوویی‮ ‬و سەر فرازیی‮ ‬بتانبینم‮.‬

 
چاپکردن   Share گه‌ڕانه‌وه‌