2010-05-15

سكرتێری‮ ‬یەكێتی‮ ‬قوتابیانی‮ ‬كوردستان‮:‬ قوتابیە دەرەكیەكانی‮ ‬لە‮ ‬5‮ ‬وانە كەوتوون و قوتابیە ناوەكیەكانی‮ ‬لە‮ ‬4‮ ‬وانە كەوتوون دەتوانن بچنە نێو تاقیكردنەوەی‮ ‬كۆتایی‮ ‬ساڵی‮ ‬پۆلی‮ ‬12‮ ‬
خەبات/كارزان حەیدەر‮:‬
سكرتێری‮ ‬یەكێتی‮ ‬قوتابیانی‮ ‬كوردستان موژدە بە قوتابیانی‮ ‬پۆلی‮ ‬12‮ ‬دەدات ئەوانەی‮ ‬دەرەكین و لە‮ ‬3‮ ‬وانە كەوتوونە،‮ ‬بۆیان كراوەتە‮ ‬5وانە،هەروەها قوتابیە ناوەكیەكانی‮ ‬لە‮ ‬3‮ ‬وانە كەوتوون بۆیان دەكرێتە‮ ‬4‮ ‬وانە و دەتوانن بەشداری‮ ‬تاقیكردنەوەكانی‮ ‬كۆتایی‮ ‬ساڵ بن‮. ‬عیرفان عەزیز-سكرتێری‮ ‬یەكێتی‮ ‬قوتابیانی‮ ‬كوردستان لە لێدوانێكدا رایگەیاند‮: ‬بۆ گفتوگۆكردن لەسەر ئەو كێشە و گرفتانەی‮ ‬كە لە ناوەندەكانی‮ ‬خوێندندا هەبوون بە‮ ‬یاداشتی‮ ‬جیاجیا پێمان گەیشتبوو،‮ ‬لە رێگەی‮ ‬فیدراسیۆنی‮ ‬رێكخراوەكانی‮ ‬قوتابیان و خوێندكارانەوە سەردانی‮ ‬هەریەك لە وەزیری‮ ‬خوێندنی‮ ‬باڵا و پەروەردەمان كرد،‮ ‬لەگەڵ وەزیری‮ ‬خوێندنی‮ ‬باڵا توانیمان چارەسەر كێشەی‮ ‬گەشتی‮ ‬زانستی‮ ‬قوتابیان و ئاهەنگی‮ ‬دەرچوون چارەسەر بكەین و بڕی‮ ‬2‮ ‬ملیۆن دۆلار گەشتی‮ ‬زانستی‮ ‬ساڵانەی‮ ‬قوتابیان تەرخانكرا‮. ‬سكرتێری‮ ‬یەكێتی‮ ‬قوتابیانی‮ ‬كوردستان ئاشكرای‮ ‬كرد كە لەگەڵ وەزیری‮ ‬پەروەردەشدا توانیویان كێشەی‮ ‬قوتابیە دەرەكیەكان چارەسەر بكەن كە لە‮ ‬3‮ ‬وانەوە بۆیان بكرێ بە‮ ‬5‮ ‬وانە بۆ ئەوەی‮ ‬بچنە نێو تاقیكردنەوەكانی‮ ‬كۆتایی‮ ‬ساڵی‮ ‬پۆلی‮ ‬12،‮ ‬هەروەها بۆ قوتابیە ناوەكیەكان لە‮ ‬3‮ ‬وانەوە بۆیان بكرێ بە‮ ‬4‮ ‬وانە ئەمەش موژدەیەكە بۆ ئەو قوتابیانەی‮ ‬بێ ئومێدبوون لە بەشداربوونیان بۆ تاقیكردنەوەكانی‮ ‬كۆتایی‮ ‬ساڵ بۆ پۆلی‮ ‬12‮.‬

 
چاپکردن   Share گه‌ڕانه‌وه‌