2017-03-11

ڕۆژنامەیەکى ئەڵمانیا ڕایگەیاند  حکومەتى ئەڵمانیا سەرجەم  بە کارهێنانى وێنە و دروشمەکانی پەکەکە و پەیەدە و یەپەگەی لە وڵاتەکەدا قەدەغە کردووە.

ڕۆژنامەى دێر شپیگلى ئەڵمانى بڵاویکردەوە ، وەزارەتی ناوخۆی ئەڵمانیا لە ٢ی ئازاردا  فەرمانێکی ئاراستەی هەرێمەکان و دەزگاکانی ئاسایشی ئەڵمانیا کردووە کە تێیدا هەموو ئەو دروشمانەی پەکەکەی تێدا قەدەغەکردووە کە وێنەی عەبدوڵا ئۆجەلانیان لەسەرە.
 
ئاماژەى بەوەشکراوە، هەروەها هەموو نیشانە و هێما و دروشمەکانی پەیەدە و یەپەگەی تێدا قەدەغەکراوە.
 
لەو نووسراوە پێنج لاپەڕەییەدا هاتووە کە وێنەکانی ئۆجەلان لەسەر ئەو دروشمانەی لە خۆپیشاندانەکاندا بەرزدەکرێنەوە لایەنگرانی پەکەکە هاندەدات و یەکیاندەخات.
 
ڕۆژنامەکە ئەوەشی وتووە "بۆ قەدەغەکردنی دروشمەکانی پەیەدە و یەپەگە هیچ هۆکارێک باسنەکراوە بەڵام ئەوەی ئاشکرایە حکومەتی ئەڵمانیا بە دەم ئەو داوایەی تورکیا هاتووە بۆ قەدەغەکردنیان و تەماشکردنیان وەک باڵێکی پەکەکە".
 
ڕۆژنامەى دێر شپیگلى ئەوەشی نوسیوە "دەمێکە تورکیا گلەیی لە ئەڵمانیا دەکات کە هێشتوویەتی لایەنگرانی پەکەکە لە ئەڵمانیا بە ئازادی بسوڕێنەوە".

 
چاپکردن   Share گه‌ڕانه‌وه‌