2017-03-19

خه‌بات: ‬فاتیح بەرزنجی‮

‮ ‬فیستیڤاڵی‮ ‬ئازادی‮ ‬ونەورۆز بەسەرپەرشتی‮ ‬پارێزگای‮ ‬هەولێر ساڵانە ساز دەكرا،‮ ‬لەماوەی‮ ‬ئەو دوو ساڵەی‮ ‬شەڕی‮ ‬داسەپاوی‮ ‬تیرۆرستانی‮ ‬داعش نەتوانرا ئەو فیستیڤاڵە درێژەی‮ ‬هەبێت،‮ ‬بەڵام سەركەوتنەكانی‮ ‬هێزی‮ ‬پێشمەرگەی‮ ‬كوردستان وایكرد كەدووبارە ئەو فیستیڤاڵە بۆ خەڵكی‮ ‬شاری‮ ‬هەولێر بگەڕێتەوە،‮ ‬بۆ ئەمساڵ لەماوەی‮ ‬دە رۆژدا چەندین كارو چالاكی‮ ‬هونەری‮ ‬و رۆشنبیری‮ ‬و وەرزشی‮ ‬سازدەكرێت و لەرۆژی‮ ‬11ی‮ ‬ئادارەوە تا‮ ‬20ی‮ ‬ئادار و رۆژی‮ ‬نەورۆز،‮ ‬چالاكییەكان بەردەوامن،‮ ‬وەك رۆژنامەی‮ ‬خەبات ئەو راپۆرتەمان سەبارەت بەو فیستیڤاڵە ئەنجامدا‮. ‬

چەندین كارو چالاكی‮ ‬لەساڵرۆژی‮ ‬ئازادكرنی‮ ‬شاری‮ ‬هەولێر‮ ‬

لەكۆنگرەیەكی‮ ‬رۆژنامەوایدا تاهیر عەبدوڵڵا جێگری‮ ‬پارێزگای‮ ‬هەولێر وردەكاری‮ ‬پرۆگرامی‮ ‬چالاكیەكانی‮ ‬فیستیڤاڵی‮ ‬ئادارو نەورۆزی‮ ‬راگەیاند و گوتی‮: ‬بۆ ئەمساڵ ئازادكردنی‮ ‬هەولێری‮ ‬پایتەختی‮ ‬كوردستان بەبۆنەی‮ ‬یادی‮ ‬ئادارو نەورۆز هەوڵدرا دووبارە ئەو فیستیڤاڵە بۆ ماوەی‮ ‬دەرۆژ چالاكی‮ ‬جۆراوجۆری‮ ‬هونەری‮ ‬ورۆشنبیری‮ ‬و وەرزشی‮ ‬سازبكرێت و چالاكیەكان لەو بەرنامەیەدا خۆیان دیتەوە وەك كردنەوەی‮ ‬شەقامی‮ ‬هونەری‮ ‬و كردنەوەی‮ ‬پێشانگای‮ ‬شەهیدانی‮ ‬راپەڕین و لەلایەن تیپی‮ ‬هونەرە میللییەكانیش تابلۆی‮ ‬پێكەوە ژیان سازبكرێت لەگەڵ كردنەوەی‮ ‬پێشانگایەكی‮ ‬هونەری‮ ‬و سازكردنی‮ ‬كارو چالاكی‮ ‬وەرزشی‮ ‬و كەرنەڤاڵی‮ ‬منداڵان لەپاركی‮ ‬شانەدەر و پێشكەشكردنی‮ ‬شانۆی‮ ‬سەرشەقام لەپاركی‮ ‬شار بەبۆنەی‮ ‬كیمیاباران كردنی‮ ‬هەڵەبجەو ئاهەنگی‮ ‬گۆرانی‮ ‬چەند هونەرمەندێك لەپاركی‮ ‬شانەدەر و پیشاندانی‮ ‬تابلۆیەك لەسەر جەژنی‮ ‬نەورۆزو چالاكیەكان تارۆژی‮ ‬20ی‮ ‬مانگ و ئاهەنگی‮ ‬گۆرانی‮ ‬گوتن لەلایەن چەند هونەرمەندێكی‮ ‬بەتواناو فیستیڤاڵە كە درێژەی‮ ‬هەیە لەماوەی‮ ‬ئەو دە رۆژەدا بۆئەوەی‮ ‬ببێتە مایەی‮ ‬خۆشحاڵی‮ ‬خەڵكی‮ ‬شاری‮ ‬هەولێر‮ . ‬

ئەو ساڵڕۆژە دوو بۆنەی‮ ‬گرنگ و مێژوویی‮ ‬لەخۆ دەگرێت

دەبارەی‮ ‬ساڵڕۆژی‮ ‬11ی‮ ‬ئادارو رۆژی‮ ‬رزگاركردنی‮ ‬شاری‮ ‬هەولێر نەوزاد هادی‮ ‬پارێزگاری‮ ‬هەولێر روونیكردەوە‮: ‬رۆژی‮ ‬11ی‮ ‬ئادار رۆژێكی‮ ‬مێژوویە لەمێژووی‮ ‬كوردستان ولەشاری‮ ‬هەولێر تایبەتمەندی‮ ‬خۆی‮ ‬هەیە،‮ ‬ئێستا ئەو شارە بۆتە نموونەی‮ ‬شارێكی‮ ‬درەوشاوەی‮ ‬عێراق و لەئەزموونی‮ ‬تازەی‮ ‬عێراق بەتایبەتی‮ ‬لەدوای‮ ‬نەمانی‮ ‬رژێمی‮ ‬بەعسی‮ ‬فاشیزم ئەو شارە هەنگاوی‮ ‬گەورەی‮ ‬هاوێشت و بەرەو پێشەوە رۆیشت و بۆتە ناوەندێكی‮ ‬گەورەی‮ ‬بریاڕو پێگەیەكی‮ ‬سیاسی‮ ‬و ئابووری‮ ‬و بازرگانی‮ ‬بەهێزو ناوەندێكی‮ ‬گەورەی‮ ‬بڕیارە لەدونیادا ناوی‮ ‬هەولێر‮ ‬یەكێك لەو شارانەیە كە ناوێكی‮ ‬درەوشاوەی‮ ‬هەیە‮. ‬

ساڵڕۆژی‮ ‬11ی‮ ‬ئادار زۆر گرنگە

ئەحمەد كانی‮ ‬بەرپرسی‮ ‬لقی‮ ‬دووی‮ ‬پارتی‮ ‬دیموكراتی‮ ‬كوردستان دەبارەی‮ ‬ساڵرۆژی‮ ‬رزگاركردنی‮ ‬شاری‮ ‬هەولێر روونیكردەوە‮: ‬جێگەی‮ ‬سەرفرازیە كە لەو رۆژەدا ساڵیادی‮ ‬رێكەوتننامەی‮ ‬11ی‮ ‬ئاداری‮ ‬مێژوویی‮ ‬دەكەینەوە كە دەستكەوتێكی‮ ‬گەورەو گرنگی‮ ‬شۆڕشی‮ ‬مەزنی‮ ‬ئەیلوولە لەسەر دەستی‮ ‬باوكی‮ ‬رۆحی‮ ‬نەتەوەیی‮ ‬كورد بارزانی‮ ‬نەمر هاتۆتەدی‮ ‬و لەو رۆژەدا داگیركەران بەفەرمی‮ ‬دانیان بەمافەكانی‮ ‬گەلی‮ ‬كوردستان ناو بووە بنەمایەك ودواتر دەستكەوتەكانی‮ ‬راپەرینی‮ ‬مەزنی‮ ‬بەهاری‮ ‬ساڵی‮ ‬1991 و پێكهێنانی‮ ‬پەرلەمانی‮ ‬كوردستان و حكومەتی‮ ‬هەرێمی‮ ‬كوردستان و راگەیاندنی‮ ‬فیدراڵی‮.‬

دواتر هەردەربارەی‮ ‬ساڵڕۆژی‮ ‬ئازاكردنی‮ ‬شاری‮ ‬هەولێرو فیستیڤاڵی‮ ‬یادەكانی‮ ‬ئادارو نەورۆز چنار سەعد عەبدوڵڵا ئەندامی‮ ‬ئەنجوومەنی‮ ‬سەركردایەتی‮ ‬روونیكردەوە‮: ‬لەو رۆژەدا پیرۆزبایی‮ ‬گەرم ئاراستەی‮ ‬هەموو خانەوادەی‮ ‬سەربەرزی‮ ‬شەهیدان دەكەم،‮ ‬چونكە لەو رۆژەدا ژمارەیەكی‮ ‬زۆر لەخەڵكی‮ ‬ئێمە خوێنی‮ ‬خۆیان رشت بۆ ئەوەی‮ ‬ئەو رۆژە بەچاوی‮ ‬خۆمان ببینین،‮ ‬دواتر پرۆزباییەكی‮ ‬زۆر گەرم ئاراستەی‮ ‬هێزی‮ ‬پێشمەرگە دەكەم چ ئەوانەی‮ ‬كە لە دوێنێدا پێشمەرەگە بوون‮ ‬یاخود ئەوانەی‮ ‬ئێستا لەبەرەكانی‮ ‬جەنگدان و پارێزگاری‮ ‬لەو دەسكەوتانە دەكەن و پیرۆزبایی‮ ‬لەهەموو خەڵكی‮ ‬كوردستان و شاری‮ ‬هەولێر دەكەم،‮ ‬هەرچەندە ئەو بۆنەیە لەدوو بۆنەدا خۆی‮ ‬دەبینێتەوەو زۆر گرنگەو‮ ‬یەكێكیان بریتیە لەواژووكردنی‮ ‬رێكەوتننامەی‮ ‬11ی‮ ‬ئادار كەئەوەشیان دەسكەوتێكی‮ ‬گرنگی‮ ‬مێژوویی‮ ‬بووە بۆ خەڵكی‮ ‬كوردستان و بەلای‮ ‬من ئەو رۆژە رۆژێكی‮ ‬یەكجار خۆش بوو هەرگیز ئەو رۆژەم لەیاد ناچێت،‮ ‬هیوادارین كە جەنابی‮ ‬سەرۆك بارزانی‮ ‬لەئایندەیەكی‮ ‬نزیك دەوڵەتی‮ ‬كوردی‮ ‬رابگەیەنێت‮. ‬

ئامادەكاری‮ ‬بۆ پاراستنی‮ ‬گیانی‮ ‬هاووڵاتیان و بۆنەكان كراوە‮ ‬

لیوای‮ ‬مافپەروەر عەبدولخالق تەڵعەت بەرێوەبەری‮ ‬پۆلیسی‮ ‬پارێزگای‮ ‬هەولێر روونیكردەوە‮: ‬ئامادەباشییەكانی‮ ‬چالاكی‮ ‬و فیستیڤاڵی‮ ‬ئادارو نەورۆز بە تەواوی‮ ‬كراوە،‮ ‬ئێمە هەوڵ دەدەین كە هێمنی‮ ‬و ئارامی‮ ‬بپارێزین و هەموو هێزەكان لەئامادەباشیدانەو بەرنامەی‮ ‬تۆكمەو داڕێژراومان داناوە،‮ ‬پەنا بەخوا لەهەموو رۆژەكانی‮ ‬ئەو فیستیڤاڵە تا كۆتایی‮ ‬لەئەرك وكار دەبین بۆ ئەوەی‮ ‬لەرۆژانی‮ ‬جەژنی‮ ‬نەورۆز بە هێمنی‮ ‬و ئارامی‮ ‬كاتێكی‮ ‬خۆش بەسەر ببەن‮. ‬

 
چاپکردن   Share گه‌ڕانه‌وه‌