2010-05-15

سەردەشت حەمەساڵح
بڕیارم دابوو بۆ ماوەیەكی زۆر نەنووسم،‮ ‬بەڵام ئەم رووداوە ویژدانی وروژاندم و بڕیارمدا رای خۆم دەربڕم‮..‬رووداوی شەهیدكردنی خوێندكارو‮ ‬ڕۆژنامەنووس‮ (‬سەردەشت عوسمان‮) ‬نەك هەر كورد،‮ ‬بەڵكو هەموو مرۆڤدۆستێك ئازار دەدات،‮ ‬هەڵبەت بەندە نەك هەر دژی كوشتنی ڕۆژنامەنووسم،‮ ‬بەڵكو دژی كوشتنی هەموو مرۆڤێكم،‮ ‬تەنانەت دژی كوشتنی هەموو گیانلەبەرێكم‮. ‬شەهیدكردنی كاكە سەردەشت،‮ ‬ئێشێكی بەسوێی لەدڵم دا،‮ ‬بەڵام هەندێ لە هەڵوێستەكان وادەكات خوێنی كاكەی ناوبراو كاڵ بێتەوە‮.‬
بەكارهێنانی رای گشتی بۆ مەرام،‮ ‬كارەسات دەخوڵقێنێ. دیومانە لەمێژووی وڵاتانی دنیا بەهەڵەبردنی رای گشتی چ دۆخێكی خوێناویو نالەباری خوڵقاندووە،‮ ‬هەڵبەت دەكرێ لەسیاسەتدا كاری جۆراوجۆر پراكتیزە بكرێت،‮ ‬بەڵام ئەو كارە جۆراوجۆرانە لەرێگەی ئۆرگانو كەوادری لایەنە سیاسیەكەوە بێت،‮ ‬نەوەك بویسترێ خەڵك‮ ‬یان جەماوەر بكرێتە داردەست‮ ‬یان بڵێین بكرێتە ئاگری شەمەندەفەرێك كە كەسانێك بۆ بەرژەوەندی تایبەت بیانسوتێننو بیانخەكار‮. ‬رەنگە ئەوەی ئاماژەم پێدا روون بێت ئەز دەمەوێ چی بڵێم‮..‬
زۆرێك لە كاردانەوەكانی ئەم رووداوە بەوێستگەیەكی هەڵەدا دەڕۆن،‮ ‬بەجۆرێك كەسانی تیرۆریستو پیاوكوژو ژنكوژیش هەڵوێست دەردەبڕنو تەنها بۆ تێكدانی دۆخی كوردستان دەیانەوێ لەم رێگەیەوە حیزبێك تۆمەتبار بكەنو بگرە گەیاندویانەتە تاوانباركردنیش،‮ ‬وەك ئەوەی حاكم بنو بەڵگەی بەڵگەنەویستیان لەبەردەستدا بێت‮.‬
داوای ئازادی دەكرێتو كەچی بێبەڵگە گوللە بەتاریكییەوە دەنێن!؟ كێشەی سەرەكی لەپیادەكردنی ئازادیدا لەم وڵاتەدا،‮ ‬پەیوەستە بەهەموو لایەكەوە،‮ ‬ئەوە تەنها‮ ‬یەكێتیو پارتی نین كە كەموكوڕیان هەیە لە پراكتیزەكردنی دیموكراتیدا،‮ ‬بەڵكو هەموومان لەو كەموكوڕیانەدا بەشدارین،‮ ‬كێشەی سەرەكی ئەوەیە كە تێنەگەیشتن هەیە لە ئازادی؟ لەدیموكراسی؟ هەروەها كەموكوڕییەكانی‮ (‬یاسا)ش،‮ ‬هۆكارێكی دیكەن‮.‬
ئەگەر‮ ‬یاسایەكی عادیلانە هەبێتو بێلایەن كاربكات،‮ ‬كەس ناتوانێ یاسا بشكێنێ؟ لەم رووداوەدا بینیمان نوسەرو رۆشنبیرو‮ ‬ڕۆژنامەنووسان لەهەمووان زیاتر‮ ‬یاساشكێنن‮!.‬
هێشتاو هەتا نووسینی ئەم وتارە ئاشكرا نییە كە ئایا ئەوەی روویداوە كارێكی تیرۆریستییە،‮ ‬یاخود رووداوێكی كتوپڕبووە؟ راستە بەبەرنامە ئەو كارە كراوە،‮ ‬بەڵام ئەی هۆكار چییە؟ هێشتا كەسوكاری كاكە سەردەشتیش نایزانن‮. ‬بۆیە ئەو هەوڵانەو ئەو هەڵمەتانە بۆ سەر پارتیو حكومەت نارەوایەو دیارە لەلایەن لایەنێكەوە دەمەزەرد دەكرێن‮.‬
ناڕۆشنی لەلای جەماوەرو بەگومان بوونی جەماوەر هۆكارەكەی نەبوونی راگەیاندنێكی بێلایەنە،‮ ‬هەڵبەت راگەیاندنی ئازاد زۆرن،‮ ‬بەڵام راگەیاندنی بێلایەن لەكوردستاندا بوونی نییە،‮ ‬خودی كۆمپانیای وشە بەرپرسن لەنەهێشتنی میدیای بێلایەن،‮ ‬چونكە ئەوان رۆچوونەتە ناویانەوە،‮ ‬كە لەئەساسدا ئەوان لایەنێكنو خاوەنی پێگەن بۆیە دەبینین چۆن تێكەڵاویەك لەناویاندا هەیە،‮ ‬كەوابوو حەقە كوردستان میدیایەكی بێلایەنی تیا دروست ببێت،‮ ‬چۆن دروست دەبێت،‮ ‬ئەوە نازانم‮!! ‬
هەڵبەتە كەسانی بێلایەن لەراگەیاندنەكاندا هەن،‮ ‬بەڵام خودی راگەیاندنەكان بێلایەن نەبوون هەتا ئێستا‮!‬
من هەرگیز ناتوانم بڵێم‮ (‬ئاسۆس هەردی) لایەنگرە،‮ ‬نەخێر لەرووداوەكانی بەسەر‮ ‬ڕۆژنامەنووسو رۆشنبیراندا دێت هەمیشە وەك خاوەن كێشە هەڵوێستی هەبووە،‮ ‬لەمێژە لەلای خۆمەوە ناوم ناوە كاكی ڕۆژنامەنووسان،‮ ‬لەراستیشدا بەهەڵە نەچووم،‮ ‬بینیم لەیەكێك لەتەلەفزیۆنە كوردییەكاندا چۆن لەسەر كاكە سەردەشت قسەی دەكرد،‮ ‬بەجۆرێك دەدواو سیماشی هەروا،‮ ‬هەر دەتگوت لەسەر برایەكی خۆی هەڵوەستە دەكات كە رەنگە بۆ براشی وانەبێ.
بۆئەوەی زیاتر لەو مەسەلەیە لانەدەم،‮ ‬داوام وایە نوسەرو رۆشنبیران بەئەركە راستەقینەكانی خۆیان هەستنو خوێنی كاكە سەردەشت پیس نەكەن،‮ ‬من ماوەیەك بەرلەئێستا لەسەر بڵاوبوونەوەی بابەتێك لەگۆڤارەكەمدا گۆڤاری ‮(‬خەڵك‮) ‬ژیانم كەوتە مەترسییەوەو هەڕەشەیان لێكردمو تەنانەت تەقەشیان لێكردم،‮ ‬عەجیب بایەخدار نەبوو لای نوسەرو‮ ‬ڕۆژنامەنووسان،‮ ‬لەلای چەند كەسێكی كەم نەبێ‮!! ‬هەر بۆیەش بڕیارمدابوو بۆ ماوەیەكی زۆر نەنووسم‮.‬
حزبی ئیسلامی هەبوو خەڵكو ئێرانی لەدژم هان دەدا،‮ ‬كەچی ئێستا لەسەر كاكە سەردەشتی رەحمەتی هەڵوێست دەفرۆشێ‮!!‬
كۆمپانیای وشە لەسایتەكەیانەوە دوور لەئەخلاقی ڕۆژنامەنووسی شوێنو كارو كەسەكانی بۆ وڵاتانی پەیوەست بەكێشەكەم ئاشكرا دەكرد‮!‬،‮ ‬لەكاتێكدا من تەنها لەسۆنگەی ئازادی بیروڕاوە مومارەسەی كاری رۆژنامەوانی خۆم دەكرد،‮ ‬ئەوان دژایەتیان كردم،‮ ‬ئەدی خێرە ئەم بازرگانییە بەگیانی كاكە سەردەشتی جوانەمەرگەوە دەكەن؟‮!!‬
حەقوایە بەهەڵوێست بینو دەنگمان بۆ ئەوە بێتو داوا بكەین كە بەردەوامو زوو تاوانبارانی ئەو كردەوەیە دەستگیر بكرێن،‮ ‬نەك كاسبی بەخوێنی ئەو گەنجەوە بكەین‮.‬
لەجێی خۆشیایەتی ئەو پرسیارە بكەین،‮ ‬ئایا تەنها سەردەشت عوسمان رەخنەی گرتووە؟ جا ئەگەر بەرەخنەگرتن بێت بڕوا ناكەم تاقمان دەرچێ? بۆیە پێویستە خوێنی كاكە سەردەشت پیس نەكەین بۆ مەرامی تایبەتو نەیكەینە خامەیەك بۆ بەهەڵەبردنی جەماوەرو خراپ كردنی رای گشتی؟ رۆژگار بەبەریەوە ماوە،‮ ‬دەردەكەوێ تاوانباران كێن،‮ ‬بۆیە پەلە ناكەین لەناوهێنانی كەس‮.‬

 
چاپکردن   Share گه‌ڕانه‌وه‌