2017-05-17


شوان سەرابی
پاش‮ ‬ئەوەی‮ ‬لە كۆشكی‮ ‬ئەلیزێ ئیمانویل ماكرۆن دەست بە كار بوو،‮ ‬سەرۆكی‮ ‬نوێی‮ ‬فەڕەنسا رایگەیاند‮ ‬یەكەم كاری‮ ‬كە نیازی‮ ‬وایە بكات،‮ ‬سەردانیەتی‮ ‬بۆ ئەڵمانیا و لەوێ لەگەڵ ئەنجێلا مێركل راوێژكاری‮ ‬ئەڵمانیا كۆببێتەوە،‮ ‬هەڵبەت پاش‮ ‬24 ‮ ‬كاتژمێر لە دەبست بەكاربوونی‮ ‬وەكو سەرۆكی‮ ‬فەرەنسا‮ ‬ئیمانۆیل ماكرۆن سەردانی‮ ‬فەرەنسای‮ ‬كرد و لە گەڵ ئەنجیڵامێركل كۆبووەوە‮. ‬ماكرۆن نیازی‮ ‬وایە بە هەماهەنگی‮ ‬ئەڵمانیا پێگەیەكی‮ ‬نوێ بۆ ئەڵمانیا و‮ ‬یەكێتی‮ ‬ئەڵمانیا و دەڤەری‮ ‬یۆڕۆ دروست بكەن‮.‬
لەمبارەیەوە ئیمانوێل ماكرۆن بچوكترین سەرۆك لە مێژووی‮ ‬فەڕەنسا كە لایەنگر و ریفۆرم خوازی‮ ‬ئەوروپا و‮ ‬یەكێتی‮ ‬ئەوروپایە دەڵێ ئیستا كاتی‮ ‬ئەوە هاتووە دووبارە ئەوروپا دابڕێژرێتەوە،‮ ‬چونكە بە داڕشتنەوەی‮ ‬ئەوروپا فەڕەنساو وڵاتانی‮ ‬ئەندام لە‮ ‬یەكێتی‮ ‬ئەوروپاش پارێزراو دەبن،‮ ‬واتە ئەوروپایەكی‮ ‬سەركەوتووترو سیاسەتمەدارتر باشترە لە پێچەوانەوە بەو پێیەی‮ ‬ئامرازێكە بۆ بەهێزبوونی‮ ‬زیاترمان‮. ‬ئەم قسەیەشی‮ ‬لەبەردەم سەدان لەو كەسانە كرد،‮ ‬كە بۆ ئاهەنگی‮ ‬دەورەوتەسلیمەكەی‮ ‬بانگهێشت كرابوون‮. ‬جێی‮ ‬باسە پێشتر فڕانسوا ئۆلاند لە‮ ‬2012 یەكەم سەردانی‮ ‬بۆ ئەڵمانیا كردبوو،‮ ‬پاش ئەوەی‮ ‬ئەویش لە هەڵبژاردنەكانی‮ ‬فەڕەنسا سەركەوتنی‮ ‬بەدەست هێنابوو و لە ئاهەنگی‮ ‬دەست بە كاربوونی‮ ‬رایگەیاندبوو،‮ ‬كە لە‮ ‬یەكەم سەفەرەیدا نیازی‮ ‬وایە سەردانی‮ ‬ئەڵمانیا بكات و لەگەڵ ئەنجێلا مێركل كۆببێتەوە،‮ ‬كە ئەمیش هەر وای‮ ‬كرد‮. ‬لەلای‮ ‬خۆیەوە مێركلیش گومانی‮ ‬نیە،‮ ‬كە هەماهەنگی‮ ‬و هاوكاریەكی‮ ‬پتەو لەگەڵ ماكڕۆن دەكات.ئەمەش هەمووی‮ ‬بۆ ئەوە دەگەڕێتەوە،‮ ‬كە فەڕەنسا و ئەڵمانیا رۆڵێكی‮ ‬بەرچاو و گرنگیان لە چارەسەركردنی‮ ‬قەیرانەكانی‮ ‬ئەوروپا دا هەیە‮. ‬ماكرۆن بۆ ئەم مەبەستە و بەر لە سەردانەكەی‮ ‬بۆ ئەڵمانیا ئیدوارد فلیپ بە سەرۆك وەزیرانی‮ ‬فەڕەنسا دەست نیشان كرد و هەروەها فیلیپ ئیتیان تەمەن‮ ‬61 ‮ ‬ساڵی‮ ‬باڵوێزی‮ ‬ئێستا ئەڵمانیای‮ ‬بو پۆستی‮ ‬راوێژكاری‮ ‬دیپلۆماتی‮ ‬خۆی‮ ‬دادەمەزرێنێت‮.‬
لەلایەكی‮ ‬تر جان كلۆد‮ ‬یۆنكر سەرۆكی‮ ‬كۆمیسیۆنی‮ ‬ئەوروپا لە تویتەرەكەی‮ ‬پیرۆزبایی‮ ‬لە ماكرۆن كردووە و هیوای‮ ‬خواستووە،‮ ‬كە بە سەركەوتنی‮ ‬ماكرۆن فەڕەنسا لاپەڕەیەكی‮ ‬نوێ هەڵبداتەوەو بەخێریش بۆ ئەوروپا بگەڕێتەوە‮.‬
ماكڕۆن بەوە سەركەوتنی‮ ‬بەدەست هێنا،‮ ‬كە لە هەڵمەتەكانی‮ ‬هەردوو خولی‮ ‬سەرۆكایەتی‮ ‬فەڕەنسا بەڵێنی‮ ‬بە چین و توێژەكانی‮ ‬ناوەند دابوو،‮ ‬كە پێگەی‮ ‬كۆمەڵایەتی‮ ‬و ژیارییان بەهێزبكاتەوە‮. ‬ئەوە بۆیە گوتبووی‮ ‬نەخێر بۆ چەپڕەوی‮ ‬و نە بۆ توندئاژۆیی‮. ‬ماكرۆن ئەزموونێكی‮ ‬سیاسیی‮ ‬قوڵی‮ ‬نیە و حزبیەكی‮ ‬مەزن نییە،‮ ‬بەڵكو ئەو دەیهەوێت چاكسازیەكی‮ ‬قوڵ لە ژیانی‮ ‬سیاسیی‮ ‬فەڕەنسا بكات،‮ ‬كە دابەش بووە بەسەر دوو بەرەدا و‮ ‬10% بێ كاری‮ ‬رووی‮ ‬لەم وڵاتە كردووە سەرباری‮ ‬ئەوەی‮ ‬هێشتا لە باری‮ ‬لەنكاودایە بەهۆی‮ ‬هەڕەشە تیرۆریستیەكانەوە‮. ‬ماكرۆن دوو كاری‮ ‬گرنگی‮ ‬خستۆتە بەرنامەی‮ ‬كاری‮ ‬و لە پێشینەكانیەتی،‮ ‬كە‮ ‬یەكیان پەیوەندی‮ ‬بە ناوەخۆ هەیە و ئەوەی‮ ‬تریان پەیوەندی‮ ‬بە دەرەوە هەیە،‮ ‬یەكەم باشكردنی‮ ‬رەوشی‮ ‬چینی‮ ‬مامناوەندی‮ ‬و نزمكردنەوەی‮ ‬رێژەی‮ ‬بێكاری‮ ‬لە وڵاتدا دووهەمین داڕشتنەوەی‮ ‬سەرلەنوێی‮ ‬یەكێتی‮ ‬ئەوروپاو گەڕاندنەوەی‮ ‬هەیبەتی‮ ‬جاران بۆی‮.‬

 
چاپکردن   Share گه‌ڕانه‌وه‌