2017-08-06

هونەرمەندێن كورد ل هەمی‮ ‬پارچێن كوردستانێ ب دل و جان پشتەڤانیا خۆ بو رەفراندومی‮ ‬دەربڕییە،‮ ‬خانمە هونەرمەندا هێژا ئالین ئێك ژ وان هونەرمەندایە كو ب دەنگێ خوە ێی‮ ‬زەلال چەندین سروود و سترانێن شۆڕشگێڕی‮ ‬پێشكێشی‮ ‬پێشمەرگێن كوردستانی‮ ‬كرینە،‮ ‬دەربارێ رەفراندۆمێ دبێژیت‮:‬ ب نێرینا مە،‮ ‬گشتپرسیا سەرخوەبوونێ، پرسەكە كو ئەو ل گۆری‮ ‬رێككەفتن و پەیمانێن ناڤدەولەتی‮ ‬پرسەكە پاراستی‮ ‬یە‮، ‬لۆما،‮ ‬مافێ گشتپرسیێ مافەكێ رەوایێ هەموو گەلانە‮، ‬نەمازە،‮ ‬وەلاتەك وەك‮ ‬عێراقێ،‮ ‬ئیدی‮ ‬مینا دەولەتكا خوەدان سەروەری‮ ‬تێكچوویە و د راستیێ دە بەغدا ژ لاێی‮ ‬تەهرانێ ڤە برێڤە دچە‮ ‬ئانكۆ، عێراق دەولەتەكە داگیربووییە‮.‬

ئالین هەر لسەر ڤێ مژارێ دبێژیت‮: ‬ئەم باوەرن كو تەڤاهیا دەولەتێن جیهانێ ب ڤێ راستی‮ ‬یێ باش دزانن‮. ‬د ریالیتێ و‮ ‬راستیێ دە ژی،‮ ‬عێراق ژ دەمێ كو‮ ‬ئینگلیزان ئەو داگیركریە‮ (‬1916-1945)  تا نها هەردم خوە د شەر دە دبینە و شەرێ عەرەبێن سوونی‮- ‬شیعی‮ ‬بەردەوامە‮.

‬ل ڤر،‮ ‬ئەگەر ئەم باش ل ئالیێن پۆزیتیڤ‮ ‬یێن رەفەرندوومێ بنێرن، نەتەنێ سوود وێ ل كوردان ببە،‮ ‬لێ بەلێ،‮ ‬هەوقاس سوود وێ تركومانان و كریستیانا ژی‮ ‬ببە‮. ‬ل ڤر سوودێن ستراتیجیك‮ ‬یێن جیۆپۆلیتیك وە ل تركیێ ژی‮ ‬بن و هەروەها ئەڤ گاڤ وێ خزمەتا پاراستنا ئارامی‮ ‬و ئاشتیا تەڤاهیا رۆژهەلاتاناڤین و جیهانێ بكە‮. ‬

رەفەرندووم‮ ‬دكارە د قویناغا كۆنفیدرالیزما سەربخوە رە دەرباس ببە،‮ ‬لێ زەحمەتە كو سەربخوە وەك دو دەولەت د‮ ‬یەك ئەردنیگاریێ‮ (‬جوگرافیێ دە‮) ‬دعێراقێ د بژین‮. ‬لۆما،‮ ‬ئەم دبینن كو‮ ‬گشتپرسی‮ ‬مافەكێ رەوایێ تەڤاهیا وان گەلانە ێین كو ل كوردستانا عێراقێ دژین نو ب تایبەت گەلێ كوردستانێ‮.‬

 
چاپکردن   Share گه‌ڕانه‌وه‌