2017-08-11

 هێمن هەورامی  بەرپرسی بەدواداچوونی کارە سیاسی و پێوەندییە گشتییەکانی مەکتەبی (سەرۆک بارزانی) لە دیدارێکیدا لەگەڵ باڵیۆزی بەڕازیل لە بەغدا گوتی،  مێژووی کوردستانی عێراق زۆر لەو دەنگانەی تێدابووە کە پێچەوانەی مافی ڕەوای خەڵکی کوردستان دواون، بەڵام بەرگەی تەوژمی گەلیان نەگرتووە.

رۆژی ١٠ی٨ی٢٠١٧ لە مەکتەبی  سەرۆک بارزانی، هێمن هەورامی دیدارێکی سیاسی و دیپلۆماسی لەگەڵ (میگێل جۆنیۆر مەگالهایس)-ی باڵیۆزی بەڕازیل لە عێراق ئەنجام دا. زۆر بە وردی دوایین هەنگاوەکانی پرسی ریفراندۆم و مووسلی دوای داعش و چوونی شاندی کوردستان بۆ بەغدا لەسەر پرسی ریفراندم و کاردانەوە هەرێمایەتی و نێودەوڵەتییەکانی شی کردەوە.
(هەورامی) ئاماژەی بە پەوەندییە ناوچەیی و نێونەتەوەییەکان کرد، کە هەرێمی کوردستان ئەوەی سەلماندووە کە لە ئایندەدا دەوڵەتی کوردستانی فاکتێک دەبێت بۆ سەقامگیری و پێکەوە ژیان لە ناوچەکەدا و دەرچەیەکیش دەبێت بۆ سیستەمی دیموکراسی بۆ پرسە نێونەتەوەییەکان.
هەروەها لەسەر پرسە نێوخۆییەکان ئەوەیشی گوت کە مێژووی کوردستانی عێراق زۆر لەو دەنگانەی تێدابووە کە پێچەوانەی مافی ڕەوای خەڵکی کوردستان دواوون، بەڵام بەرگەی تەوژمی گەلیان نەگرتووە.
بەشێکی دیکەی گفتوگۆکەیان قسەکردنبوو لەسەر بایەخی پێشخستنی پەیوەندی بەرازیل و کوردستان لە دوای ریفراندۆم و ڕەهەندەکانی ئەو پەیوەندییانە، بیروڕایان  ئاڵوگۆر کرد و لە قسەکانی مەگالهایسی باڵوێزی بەڕازیل ئەوەی دەرکەوت، کە بەرازیل بە وردی چاودێری پرۆسەی ریفراندۆم دەکات و بەڕازیل کار لەسەر پەیوەندییەکانی لەگەڵ کوردستانی دوای ڕیفراندۆم دەکات. هەروەها هیوای خواست بە ئاشتییانە پرۆسەی دوای ریفراندۆم بەڕێوەبچێت.
 

 
چاپکردن   Share گه‌ڕانه‌وه‌