2017-08-26

یانەی‮ ‬سێلتێكی‮ ‬ئوسكوتلەندی‮ ‬شان بەشانی‮ ‬چەندین‮ ‬یانەی‮ ‬دیكەی‮ ‬توانیان خۆیان بگەیەننە قۆناغی‮ ‬گرووپەكان لەخولی‮ ‬یانە پاڵەوانەكانی‮ ‬ئەوروپا،‮ ‬لەگەڵ ئەوەی‮ ‬لەیاری‮ ‬گەڕانەوە بەرامبەر‮ ‬یانەی‮ ‬ئەستانای‮ ‬كازاخستانی‮ ‬بە‮ ‬4-3گۆڵ دۆڕا لەو‮ ‬یارییەی‮ ‬لەسەر‮ ‬یاریگای‮ (‬ئاستانا ئەرینا‮) ‬بەڕێوەچوو‮، ‬بەڵام‮ ‬یانەی‮ ‬سێلتێك لەیاری‮ ‬چوون سود مەندبوو،‮ ‬كە توانیبووی‮ ‬بەئەنجامی‮ ‬5گۆڵی‮ ‬بێ وەڵام سەركەوتن تۆمار بكات وبەكۆی‮ ‬دووی‮ ‬یاری‮ ‬بەئەنجامی‮ ‬8-4 بگاتە قۆناغی‮ ‬گرووپەكان‮.

‬هەروەها‮ ‬یانەی‮ ‬ناپۆلی‮ ‬ئیتاڵیش توانی‮ ‬بەهەمان شێوە قۆناغی‮ ‬گرووپەكان مسۆگەر بكات،‮ ‬دوای‮ ‬ئەوەی‮ ‬توانی‮ ‬بە ئەنجامی‮ ‬4گۆڵی‮ ‬بێ وەڵام بەهەردوو‮ ‬یاری‮ ‬چوون و هاتن واتا بە2گۆڵ بۆ‮ ‬هەر‮ ‬یارییەك بەسەر‮ ‬یانەی‮ ‬نیسی‮ ‬فەرەنسی‮ ‬سەركەوێت‮، ‬هەروەها هەرچەندە‮ ‬یانەی‮ ‬ئیشبیلیەی‮ ‬ئیسپانی‮ ‬لەم گەڕەدا نەیتوانی‮ ‬لەیاری‮ ‬گەڕانەوەدا سەركەوتن تۆمار بكات و بە2گۆڵ لەگەڵ‮ ‬یانەی‮ ‬باشاكی‮ ‬توركی‮ ‬بەرامبەر بوو،‮ ‬بەڵام بەهۆی‮ ‬یاری‮ ‬چوون كە بە2-1گۆڵ سەركەوتبوون خۆی‮ ‬گەیاندە هەمان قۆناغ‮ ‬لەیانە پاڵەوانەكان‮.

‬هەروەها‮ ‬یانەی‮ ‬ئۆلۆمپیاكۆسی‮ ‬یۆنانیش گەیشتە قۆناغی‮ ‬گرووپەكان دوای‮ ‬سەركەوتنی‮ ‬بەكۆی‮ ‬هەردوو‮ ‬یاری‮ ‬چوون و هاتن بەئەنجامی‮ ‬3-1گۆڵ،‮ ‬بە‮ ‬2-1 و‮ ‬1-0 گۆڵ‮. ‬لەلایەكی‮ ‬دیكەوە‮ ‬یانەی‮ ‬ماریبۆری‮ ‬سلۆڤیكیش توانی‮ ‬یانەی‮ ‬هیۆگیلی‮ ‬ئیسرائیلی‮ ‬ماڵئاوایی‮ ‬پێ بكات،‮ ‬دوای‮ ‬ئەوەی‮ ‬یانەی‮ ‬ئیسرائیلی‮ ‬لەیاری‮ ‬یەكەم بە‮ ‬2-1گۆڵ سەركەوتبوو،‮ ‬بەڵام لەیاری‮ ‬گەڕانەوەدا‮ ‬یانەی‮ ‬ماریبۆر بەگۆڵێكی‮ ‬بێ وەڵام سەركەوتوو خۆی‮ ‬گەیاندە قۆناغی‮ ‬گرووپەكان‮، ‬جێگای‮ ‬وەبیرهێنانەوەیە تیروپشكی‮ ‬قۆناغی‮ ‬گرووپەكان ئەمڕۆ‮ ‬پێنج شەممە لەشاری‮ ‬مۆناكۆی‮ ‬فەرەنسا بەڕێوەدەچێت،‮ ‬دوای‮ ‬ئەوەی‮ ‬ئەنجامی‮ ‬گیشت‮ ‬یارییەكانی‮ ‬خولی‮ ‬شیاندن دەردەكەوێت،‮ ‬كە هەندێك‮ ‬یاری‮ ‬لەشەوی‮ ‬رابردوو بەڕێوەچوون‮. 

 
چاپکردن   Share گه‌ڕانه‌وه‌