2017-09-09

بەهار حەسكۆ خەڵكی‮ ‬شاری‮ ‬قامیشلۆی‮ ‬رۆژئاوای‮ ‬كوردستانە،‮ ‬خوێندنی‮ ‬لە بەشی‮ ‬ئادابی‮ ‬زمانی‮ ‬ئینگلیزی‮ ‬زانكۆی‮ ‬حەلەب بووە،‮ ‬دوای‮ ‬رووداوەكانی‮ ‬ساڵی‮ ‬2013ی‮ ‬سوریا رووی‮ ‬لە هەندەران كرد و ماوەی‮ ‬ساڵێك لە توركیا ماوەتەوە،‮ ‬ئینجا رووی‮ ‬لە وڵاتی‮ ‬سوید كرد و ئێستا قوتابی‮ ‬ماستەری‮ ‬ئاداب ئینگلیزییە،‮ ‬جگە لەمە لە چەندین بواری‮ ‬دیكە بەشداریی‮ ‬لە كۆرسی‮ ‬جۆراوجۆر كردووە،‮ ‬بەڵام هەمیشە میوزیك لە هزر و خەیاڵیدا بووە‮.‬

بەهار لە بارەی‮ ‬گرنگی‮ ‬ئەنجامدانی‮ ‬ریفراندۆم لە كوردستان بەم شێوەیە رای‮ ‬خۆی‮ ‬دەربڕی‮: ‬كورد لە هەر شوێنێكی‮ ‬ئەم جیهانە بێت خەونی‮ ‬هەرە گەورەی‮ ‬ئەوەیە لە ژیانی‮ ‬خۆیدا دەوڵەتی‮ ‬كوردی‮ ‬ببینێت جا لە هەر پارچەیەكی‮ ‬وڵاتی‮ ‬پارچە پارچە كراومان بێت،‮ ‬بۆیە بە تامەزرۆییەوە چاوەڕوانی‮ ‬رۆژی‮ ‬ئەنجامدانی‮ ‬ریفراندۆمی‮ ‬باشووری‮ ‬كوردستان دەكەین و هیوادارین ئەم ساڵ ببێتە ساڵی‮ ‬خۆشی‮ ‬و شادی‮ ‬بۆ هەموومان و لە نزیكەوە ئەو رۆژە ببینین كە كوردستانیش ببێتە دەوڵەتێكی‮ ‬سەربەخۆو ئێمەش لەو ستەم و زۆردارییەی‮ ‬چەندین ساڵەی‮ ‬داگیركەران رزگار بین،‮ ‬هیوادارم ئەو كەسانەی‮ ‬مافی‮ ‬بەشداریكردنیان هەیە لە ریفراندۆم بە خۆشی‮ ‬و شادییەوە لەسەر سندوقەكان ئامادە بن و بە‮ (‬بەڵێ‮) ‬دەنگ بدەن،‮ ‬وەك وەفایەك بۆ خوێنی‮ ‬سەدان هەزار شەهید كە لەو رێگایە گیانی‮ ‬خۆیان كردۆتە قوربانی‮.‬

بەهار هەروەها دەڵێ‮: ‬كوردانی‮ ‬رۆژئاوا بە گشتی‮ ‬وەك كوردانی‮ ‬هەموو پارچەكانی‮ ‬دیكەی‮ ‬وڵات زوڵم و زۆردارییەكی‮ ‬زۆریان بینیوە بۆیە بە حەسرەتەوە چاوەڕێی‮ ‬ئەوە دەكەن كە كوردستان ئازاد بێت و ئێمەش وەكو هەموو میللەتان بە مافە رەواكانی‮ ‬خۆمان شاد بین،‮ ‬بژی‮ ‬كورد بژی‮ ‬كوردستان‮.‬

 
چاپکردن   Share گه‌ڕانه‌وه‌