2017-09-13

 فارس قادر فەقێ عەبدوڵا‮❊‬

 بەڵێ بڕوابەخۆبوون و مێژووی‮ ‬پاك و ئیرادە هەڵوێست دروستدەكەن،‮ ‬مێژووی‮ ‬پاك و خەباتی‮ ‬بە مانای‮ ‬راستەقینە دوور لەخۆهەڵكێشان و ریایی‮ ‬و سیناریۆی‮ ‬نادروست،‮ ‬ئەمان و ئارامی‮ ‬دەخوڵقینێت لەبەر ئەوەی‮ ‬لە ناخەوە و لە قوڵایی‮ ‬ئێشوئازار و حەزەكانی‮ ‬ئازادیخوازانەوە،‮ ‬چەكەرە دەكات و لە كەش و هەوایەك و زەمینەیەكی‮ ‬پاك و بە ئاوێكی‮ ‬ساف ئاو دەدرێت و بەرهەمدێت،‮ ‬بەرهەمیش دەگرێت،‮ ‬بۆیە ئەم مێژوو و ئەم ناخە خاوێنە،‮ ‬وەك درەختێكی‮ ‬بە بەر و مەزن گەشە دەكات و رەگی‮ ‬دادەكوتێتە ناو ناخی‮ ‬زەوی‮ ‬و و بە هۆی‮ ‬ئەستووری‮ ‬قەد و باڵا و جوڵە و چوونە ناو ناخی‮ ‬زەوی،‮ ‬رەگەكانی‮ ‬هەردەم لەگەڵ قەد و باڵا و لق و پۆپەكان هاوسەنگ و رێكوجوان دەبن،‮ ‬بە پێچەوانەی‮ ‬ئەو دارانەی‮ ‬كورتە باڵان و رەگوڕیشەیان لاوازە و‮ ‬یان كرمنین و لە زۆنگاو ناو ئاو و هەوای‮ ‬پیس دەڕوێین و بە كەمترین گۆڕانكاری‮ ‬یان وشك دەبن‮ ‬یان بەرهەمی‮ ‬ژەهراوی‮ ‬بەرهەمدێنن،‮ ‬بۆ نموونە گەر سەیر بكەین و لە باسی‮ ‬رووەك و زەوی‮ ‬دەربچین و بێینە سەر مرۆڤ و نموونەیەك بێنین لەسەر بڕواو ناخی‮ ‬مرۆڤ لە هەموو لایەنێك بەراوردیان بكەین،‮ ‬لەگەڵ‮ ‬یەكتر دەبینین لە‮ ‬یەك كاتوسات‮ ‬یەك شوێن تووشی‮ ‬دەرئەنجامی‮ ‬پێچەوانەی‮ ‬زۆر سەیر دەبینن،‮ ‬هەروەك ئێستا كە لە راگەیاندنەكان رۆژانە بەر چاومان دەكەوێ و لێرەو لەوێ و لە ناو بە ناو حزب و كەسایەتیەكان،‮ ‬گوێ بیستیان دەبین و دەبینین وەك مەسەلە كوردیەكەی‮ ‬لێدێت كە دەلێت‮ (‬هەر كەس گوێز لە هەمبانەی‮ ‬خۆی‮ ‬دەژمێرێ‮) ‬وە بۆ زیاتر تێگەیشتنی‮ ‬لەم بارودۆخە بە باشم زانی‮ ‬بابەتێك باس بكەم كە دەگوترێت لە كاتی‮ ‬پێغەمبەری‮ ‬ئیسلام محمد(د‮. ‬خ‮) ‬لێبێت رۆژێكیان لە مككە بەرەو مەدینە دەچێ بەر لەوەی‮ ‬بگاتە ناو مەدینە لە رێگا‮ ‬یەكێك دەبینێ پاش سڵاوكردن پرسیاری‮ ‬لێ دەكات و پێ دەڵێ خەڵكی‮ ‬مەدینە چۆنن ئەویش پاش ئەوەی‮ ‬پێغەمبەر‮ (‬د‮. ‬خ‮) ‬دەناسێ پێ دەلێ‮ ‬یا پێغەمبەری‮ ‬خوا لە چ لایەنێك پێغەمبەریش‮ (‬د‮. ‬خ‮) ‬دەفەرمووێ لە لایەنی‮ ‬ئاین و ئەخلاق،‮ ‬دیارە پیاوەكە لە وەڵام دەلێ‮ ‬یا پێغەمبەری‮ ‬خوا چیت پێ بڵێم ئەوەی‮ ‬راستی‮ ‬بێت هەرچی‮ ‬بێ دین و بێ ئەخلاق هەیە لەم شارەیە‮. ‬جا پێغەمبەری‮ ‬خوا‮ (‬د‮. ‬خ‮) ‬لە وەڵامدا دەڵێت راست دەكەیت‮ (‬صدقت‮) ‬ماوەیەكی‮ ‬دیكە دەڕۆن پیاوێكی‮ ‬دیكە دێتە سەر رێگایان بەر لەوەی‮ ‬بگەنە ناوشار هەمان پرسیار لەویشیان دەكات ئەمجارە پیاوی‮ ‬دووەم دەڵێ‮ ‬یا پیغەمبەری‮ ‬خوا چیت پێ بڵێم هەردوولا هەیە بە ئەخلاق و بێ ئەخلاق بە دین و بێ دین،‮ ‬ئەمجارەش پێغەمبەر‮ (‬د‮. ‬خ‮) ‬فەرمووی‮ ‬راستە پاش ئەوەی‮ ‬دەگاتە ناو شاری‮ ‬مەدینە،‮ ‬هەمان پرسیار لە كەسی‮ ‬سێیەم دەكات و كەسی‮ ‬سێیەم دەڵێت‮ ‬یا پێغەمبەری‮ ‬خوا خەڵكی‮ ‬ئەم شارە زۆر بە دین و بە ئەخلاقن،‮ ‬گەر دین و ئەخلاق هەبێت،‮ ‬تەنها لەم شارەیە،‮ ‬دیسان پێغەمبەر(د‮. ‬خ‮) ‬دەفەرمووێ راست دەكەی‮. ‬كەواتە‮ ‬یەك پرسیار سێ وەڵامی‮ ‬پێچەوانەی‮ ‬لە سێ كەسی‮ ‬جیا بۆی‮ ‬دروست دەبێت،‮ ‬دیارە پێغەمبەر(د‮. ‬خ‮) ‬ئەم قسانەی‮ ‬بە ئاسایی‮ ‬وەرگرتووە،‮ ‬بەڵام‮ ‬یەكێك لە‮ ‬یاوەرانی‮(‬اصحابە)كانی‮ ‬دەڵێت‮ ‬یا پێغەمبەری‮ ‬خوا‮ ‬یەك پرسیار سێ وەڵامی‮ ‬جیای‮ ‬بۆ دراوە‮! ‬چۆن دەبێ؟ نابێ دەبێ دوانیان درۆ بكەن،‮ ‬دیارە پێغەمبەر(د‮. ‬خ‮) ‬دەفەرمووێ نەخێر هەرسێكیان راست دەكەن،‮ ‬چونكە هەر‮ ‬یەكەیان خۆیان لەوجۆرە خەڵكانەن تەنها لەوجۆرە خەڵكانەش دەناسن،‮ ‬ئەوەی‮ ‬دەڵێ هەمووی‮ ‬بێ دین و بێ ئەخلاقە،‮ ‬خۆشی‮ ‬یەكێكە لەوان ئەوەی‮ ‬دەڵێ هەردوولا هەیە ئەویش لەگەڵ هەردوولا خۆی‮ ‬گونجاندووە،‮ ‬ئەوەی‮ ‬دەڵێ هەمووی‮ ‬باشن پیاوی‮ ‬خراپ نییە،‮ ‬لەم شارە خۆی‮ ‬یەكێكە لە پیاوە باشەكان و خراپ ناناسێت‮. ‬بەڵێ گەر بەراوردی‮ ‬بكەین لەگەڵ ئەم بارودۆخەی‮ ‬ئێستا وەك گوتەنی‮ (‬هەر تەیرە و بە دوای‮ ‬رەوی‮ ‬خۆی‮ ‬دەگەرێت‮) ‬باش باش دەناسێ،‮ ‬خراپ خراپ،‮ ‬ئەوانەی‮ ‬مێژوویان پاكە پاك دەناسن،‮ ‬بەرهەمی‮ ‬پاكیشیان دەوێت،‮ ‬بەرهەمی‮ ‬پاكیش لای‮ ‬ئەوان تەنها سەربەخۆیە،‮ ‬ئەوانەی‮ ‬لە ناو كەش و هەوای‮ ‬پیس و خاكی‮ ‬پیس گەورە بوونە كورت بینن،‮ ‬تەنها خۆیان دەبینن و هەموو دونیا دەخەنە ژێرپێیان بۆ ژیان و مانی‮ ‬خۆیان‮. ‬ئەوانەی‮ ‬لە ناوەندن ئینتهازین و پیاوی‮ ‬رۆژن،‮ ‬لەگەڵ سەركەوتوون لەگەڵ ئەوەشدا بۆ ئەوانە مەجالی‮ ‬تێدایە بگەڕێتەوە بەرەی‮ ‬گەل و نیشتمان،‮ ‬بەڵام دوو دڵن،‮ ‬كەواتە با بیر بكەینەوە،‮ ‬بڵێین لە هەرسێ لا دەبێ رێژەكان چۆن بن من پێموایە گەر تەنها رێژەی‮ ‬شەهید بكەین،‮ ‬بە رێژەی‮ ‬خەبات و ماندووبوون بێشك بێ دین و بێ ئەخلاقەكان لەناو دەچن،‮ ‬كەواتە بەری‮ ‬گەل و نیشتمان سەركەوتوون و گەر بەراوردی‮ ‬بكەین لەگەڵ جیهانی‮ ‬باڵندە هەروەك گوتمان هەر تەیرەو بە دوای‮ ‬رەوی‮ ‬خۆی‮ ‬دەگەرێت،‮ ‬راستە‮ (‬قەلە رەشكە و شەمشەمەكوێرە‮) ‬هەیە،‮ ‬بەڵام كوتر و پاساری‮ ‬و بولبل بە هەموو جۆرەكانی‮ ‬و تاوس و مراویش هەیە،‮ ‬بازیش لە ئاسمانەوە حاكمە سەیری‮ ‬هەمووی‮ ‬دەكات تەوازنەكە دەپارێزێت،‮ ‬كەواتە شەمشەمەكوێرە قەلە رەشكە،‮ ‬هەر بەناو بوونیان هەیە،‮ ‬تا باز هەبێت لە ئەنجامدا جوان و خاوێن براوەن و هەڵسەنگاندن و رێژەكان ناكرێت،‮ ‬لە تای‮ ‬تەرازوو بەرامبەر‮ ‬یەكتر دابنرێن،‮ ‬لە هەموو لایەنێك بۆ نموونە گەر خوێنی‮ ‬ئەنفال و كیمیاباران و ئەشكەنجەی‮ ‬ژوورە تاریكەكانی‮ ‬دوژمنان و هەژاران ئاوارە و لێقەوماوان،‮ ‬بخەینە ناو تەرازوو،‮ ‬بێشك رووی‮ ‬رەشی‮ ‬دەنگی‮ ‬دوژمن و نەیاران و خاوەن بیرۆكەی‮ ‬نەخێرەكان دەخەنە ژێر پێیان و زبڵدانی‮ ‬مێژوو،‮ ‬گەر بەراوردی‮ ‬بكەین لەگەڵ خۆفرۆشانی‮ ‬لە رابردوو،‮ ‬بێشك چارەنووسیان زۆر خراپتر دەبێت،‮ ‬لە خۆفرۆشەكانی‮ ‬تر،‮ ‬چونكە زەمەن گۆڕاوە و خەڵك كاغەزی‮ ‬سپی‮ ‬دەخوێنێنەوە لە هەموو زەمەنێكیش و لە كۆتایی‮ ‬هەموو پلان و پیلانێكیش دەنگی‮ ‬حەق و راستی‮ ‬سەركەوتووە نموونەش زۆرن گەر تەنها سەددام بكەین،‮ ‬بە نموونە حەق وایە،‮ ‬ببێت بە دەرس و پەند بۆ گشت مێشك وشكەكان و خۆفرۆشەكان كە هەموومان دەزانین لە هەموو ناوچەی‮ ‬رۆژهەڵاتی‮ ‬ناوەڕاست هێزێك نەبوو،‮ ‬بە قەدەر زەبەلاحی‮ ‬و جەبەرووتی‮ ‬هێزی‮ ‬سەددام بەهێز و زاڵم و زۆردار بێت،‮ ‬بەڵام كە شكا هێزێك نەبوو،‮ ‬بە قەدەر هێزی‮ ‬سەددام لاواز و لەرزۆك بێت،‮ ‬چونكە پاڵپشتی‮ ‬گەل و نیشتمانی‮ ‬لەگەڵ نەبوو،‮ ‬كەواتە دەكرێ بڵێت‮ (‬كل شیئ مبنی‮ ‬علی‮ ‬باگل فهو باگل‮). ‬ كەواتە جسمێكی‮ ‬نامۆ و نەشاز و هاوردە‮ (‬استراد‮) ‬لەناو گەل و نیشتمان پێگە و پشتوانی‮ ‬نییە و نابێتەوە و كاتییە،‮ ‬دەبێت كۆتایی‮ ‬پێ بێت،‮ ‬چ ئەمڕۆ‮ ‬یان سبەی‮ ‬وەك دەیان بابەتی‮ ‬تر لە مێژوو كە روویاندا و بینیمان و ئەوەی‮ ‬دوێنێ دروستكرا فڕێدرا گۆڕەپانەكە بە ناوی‮ ‬كەسانێك بۆ نەخێر بۆ دژایەتی‮ ‬ئیرادەی‮ ‬گەل هەر لایەنێك و هێزێك لە پشتی‮ ‬بێ تەمەنیان لەو دوو سێ هەفتەیە تێناپەرێت،‮ ‬رۆژی‮ ‬25‮/‬9‮/‬2017‮ ‬رۆژی‮ ‬بوڕكانێكی‮ ‬جەماوەرییە،‮ ‬رۆژی‮ ‬تەقینەوەی‮ ‬بەربەستەكانە رۆژی‮ ‬بە زمان،‮ ‬هاتنی‮ ‬لالەكانە رۆژی‮ ‬یەك دەنگی‮ ‬و فرە رەنگییە رۆژی‮ ‬شكانی‮ ‬بەربەستی‮ ‬خوێنی‮ ‬سەدان هەزار شەهیدە رۆژی‮ ‬گری‮ ‬ئاگری‮ ‬سینەی‮ ‬دایكە شەهیدانە رۆژی‮ ‬دروستكردنی‮ ‬دەوڵەتی‮ ‬كوردستانە‮. ‬رۆژی‮ ‬رەشو و رووت و لێقەوماوە،‮ ‬نە رۆژی‮ ‬شادكردنی‮ ‬رۆحی‮ ‬شەهیدانە سەرشۆڕی‮ ‬نەیار و دوژمنانە‮. ‬

 ‮❊ ‬ئەندامی‮ ‬ئەنجوومەنی‮ ‬سەركردایەتی‮ ‬پارێزگای‮ ‬هەولێر‮ (‬پ‮. ‬د‮. ‬ك‮). ‬ 

 
چاپکردن   Share گه‌ڕانه‌وه‌