2017-10-09

ڕاپۆرت‮: ‬فاتیح بەرزنجی

هەموو ساڵیك لە رۆژی‮ ‬جیهانیی‮ ‬بەساڵاچوواندا،‮ ‬لە سەرتاسەری‮ ‬دونیا‮ ‬ڕێز لە بەساڵاچووان دەگیرێت و ئاهەنگیان بۆ ساز دەكرێت،‮ ‬لە كوردستانیش ئەو ساڵڕۆژە بە ساردو سڕی‮ ‬دەكرێتەوە،‮ ‬بەڵام لە ساڵانی‮ ‬بەر لەشەڕی‮ ‬داعش و قەیرانی‮ ‬دارایی‮ ‬ئاهەنگی‮ ‬قەشەنگیان بۆ ساز دەكرا‮.‬
لە كۆمەڵگەی‮ ‬بەساڵاچووان ژیان و گوزەرانی‮ ‬بەساڵاچووان چۆنە
هەر كە سەردانی‮ ‬كۆمەڵگەی‮ ‬بەساڵاچووانی‮ ‬هەولێر دەكەیت‮ ‬باڵەخانەیەكی‮ ‬خنجیلانەو دڵگیرە و بەساڵاچووان بە ماڵی‮ ‬خۆیانی‮ ‬دەزانن،‮ ‬لەو ماڵە بەباشترین شێواز خزمەت دەكرێن و بۆتە لانەی‮ ‬ئەو بەساڵاچووانەو لەو كۆمەڵگەیەدا هۆڵی‮ ‬خەوتن و دانیشتن و چێشتخانەو كات بەسەربردنیان هەیە لەوێدا ژمارەیەك بەساڵاچوو قسەیان بۆ كردین‮.‬
سالم شابا پیاوێكی‮ ‬تەمەن‮ ‬70ساڵان‮ ‬بوو گوتی‮: ‬ماوەی‮ ‬سێ ساڵە لەو كۆمەڵگەیە دەژیم و زۆر بەختەوەرم،‮ ‬بەڵام بەداخەوە كەسوكارەكانم سەردانیم ناكەن،‮ ‬ئەگەرچی‮ ‬لەو شوێنە بەختەوەرم و بەباشترین شێوە خزمەت دەكرێم‮.‬
كامیل عەلی‮ ‬یەكێكی‮ ‬دیكەبوو لەو كەسانەی‮ ‬كە لەو شوێنەدا دەژی‮ ‬و گوتی‮: ‬ماوەی‮ ‬ساڵێكە لەو شوێنە دەژیم و بە رووداوی‮ ‬هاتوچۆ تووشی‮ ‬ئەم بارودۆخە بووم،‮ ‬زۆر بەساڵاچوونیم،‮ ‬خاوەنی‮ ‬10 ‮ ‬برام و كەسوكاریشم هەیە بەڵام لەو كۆمەڵگەیە خۆشترین ژیانم هەیەو ئاواتی‮ ‬هەرە گەورەم بینینی‮ ‬دەوڵەتی‮ ‬كوردستانە،‮ ‬لە ساڵڕۆژی‮ ‬بەساڵاچووانیش دەستخۆشی‮ ‬لەوەزارەتی‮ ‬كاروكاروباری‮ ‬كۆمەڵایەتی‮ ‬و بەڕێوەبەرو كارمەندانی‮ ‬كۆمەڵگەكە دەكەم كە خەمخۆری‮ ‬هەموو بەساڵاچووانەو لەو بۆنەیەش شیرینییان پێداین و ساڵیادی‮ ‬بەساڵاچووانیان كردەوەو باروگوزەرانی‮ ‬ژیانمان خۆشەو خواردن و خەوتن و شوێنی‮ ‬حەوانەوەمان زۆر باشەو خزمەتگوزاریەكان لەئاستێكی‮ ‬باشدایەو كێشەو كەموكوڕیمان نییە،‮ ‬داواكارم لە حكوومەتی‮ ‬هەرێم‮ ‬كە قاچێكی‮ ‬دەستكردم لە دەرەوەی‮ ‬وڵات بۆ درووست بكەن تا بتوانم بەو قاچە هاتوچۆ بكەم،‮ ‬چونكە لە هەولێر قاچیان بۆ درووست كردم كەڵكی‮ ‬نەبوو‮.‬
ساڵح حوسێن پیاوێكی‮ ‬بەساڵاچووی‮ ‬تەمەن‮ ‬65 ‮ ‬ساڵان بوو،‮ ‬گوتی‮: ‬لەگەڵ ئەوەی‮ ‬بەساڵاچووم‮ ‬نابیناشم،‮ ‬بەڵام خزمەتگوزاییەكانی‮ ‬ئێرە زۆر باشەو سێ ژەمی‮ ‬خواردن و پێخەفی‮ ‬پاك و خاوێن وهۆڵی‮ ‬دانیشتن و جلوبەرگ و خەرجی‮ ‬ڕۆژانەو شووشتن بۆ ئێمە دابین كراوە‮.‬
رەحمان بەكر تەمەن‮ ‬75 ‮ ‬ساڵان گوتی‮: ‬ساڵانێكی‮ ‬زۆر لە شاری‮ ‬بەغدا دەژیام و پیشەم كارەباچی‮ ‬بوو،‮ ‬لەو شارەدا نەمتوانی‮ ‬درێژە بە ژیان بدەم،‮ ‬بۆیە رووم كردە شاری‮ ‬هەولێرو ماوەیەكە لەو كۆمەڵگەیە دەژیم و خۆشترین ژیانم هەیەو باشترین خزمەتگوزاری‮ ‬لەو شوێنەدا هەیە،‮ ‬كەسوكارم هەیە،‮ ‬بەڵام ئەو شوێنەم لا خۆشترەو هیوادارم حكوومەتی‮ ‬هەرێم زیاتر ئاوڕ‮ ‬لە بەساڵاچووان بدرێتەوەو كاریان بۆ بكرێت‮.‬
یونس حەوێز تەمەن‮ ‬54‮ ‬ساڵان گوتی‮: ‬كەسوكارم هەیەو حەزناكەن لەلایان بم،‮ ‬بۆیە بەناچاری‮ ‬هاتمە ئەو كۆمەڵگەیەو ژیان لەو شوێنە لەگەڵ بەساڵاچووان زۆر خۆشەو كاتەكانی‮ ‬ژیانمان بە قسەی‮ ‬خۆش و سەیركردنی‮ ‬تەلەفزیۆن‮ ‬بەسەر دەبەین،‮ ‬ئەو شوێنە لەماڵەوە خۆشترەو ماڵێكی‮ ‬ئارام و هێمنەو هەموو فەرمانبەران خزمەتی‮ ‬ئێمە دەكەن و لێرە هەرگیز هەست بەتەنیایی‮ ‬ناكەین‮.‬
برایم حەمەدەمین زیاتر لە سی‮ ‬ساڵە لەو خانەییەو دەڵێت‮: ‬بەختەوەرم كە ئەو هەموو ساڵانە لەو خانەیە دەژیم و هەر لەو خانەیەش ژنیان بۆ هێنام‮.‬
عەواتیف تۆما‮ ‬یوسف دەڵێت‮: ‬من كچێكی‮ ‬مەسیحی‮ ‬بووم‮ ‬و بوومەتە ئیسلام و ماوەی‮ ‬7 ‮ ‬ساڵە لێرە كاردەكەم و چارەسەری‮ ‬بەساڵاچووان دەكەم،‮ ‬شەو و رۆژ خزمەتیان دەكەین بە كارەكەمان خۆشحاڵین‮.‬
توێژەری‮ ‬كۆمەڵایەتی‮ ‬كامەران تۆفیق بەڕێوەبەری‮ ‬كۆمەڵگەی‮ ‬بەساڵاچووانی‮ ‬هەولێر گوتی‮: ‬خانەی‮ ‬بەساڵاچووانی‮ ‬هەولێرلەساڵی‮ ‬1979 ‮ ‬دامەزرا ئەو كات شاری‮ ‬هەولێر وەكو ئێستا فراوان نەبووە و ژمارەی‮ ‬دانیشتوانەكەشی‮ ‬زۆر نەبووە،‮ ‬تەنها ئەو بە ساڵاچووانەی‮ ‬وەردەگرت كە ساغ‮ ‬بوون و نەخۆش نەبن و خەڵكی‮ ‬پەككەوتەی‮ ‬وەرنەدەگرت،‮ ‬بەساڵاچوی‮ ‬نەخۆشی‮ ‬ئەلزەهایمەری‮ ‬وەرنەدەگرت،‮ ‬بۆباشتركردنی‮ ‬ژیان و گوزەرانی‮ ‬بەساڵاچووان هەوڵدرا سیستەمێكی‮ ‬دیكە دابنرێت ئەوە بوو لەساڵی‮ ‬2008 ‮ ‬ژمارەیەكی‮ ‬زۆر بەساڵاچووان فڕێ دەدرانە سەر شەقام و كوچەو كۆڵانەكان و بەر دەرگای‮ ‬خانەكانی‮ ‬بە ساڵاچووان،‮ ‬ئەو كات توانیمان بە هاوكاری‮ ‬نەوزاد هادی‮ ‬پارێزگاری‮ ‬هەولێر بەشێك لەسەر ئاستی‮ ‬عێراق و كوردستان بكەینەوە بەناوی‮ ‬بەساڵاچووانی‮ ‬پەككەوتە ئەویش لەساڵی2009 ‮ ‬ئەگەرچی‮ ‬شاری‮ ‬هەولێر‮ ‬ڕۆژ لەدوای‮ ‬رۆژ‮ ‬ڕووی‮ ‬لە فراوانبوون كردووەو ژمارەی‮ ‬بەساڵاچووان زیاد دەكات و ئەو كات باڵەخانەكەمان كۆن بوو،‮ ‬جێگەی‮ ‬ئەو هەموو بەساڵاچووانە نەدەبووەوە،‮ ‬بەڵام دەزگای‮ ‬خێرخوازی‮ ‬بارزانی‮ ‬هەر كە زانی‮ ‬شوێنەكەمان بچووكە ئەو باڵەخانە تازەیەی‮ ‬پێداین،‮ ‬جگە لەوەش هەر دەزگای‮ ‬خێرخوازی‮ ‬بارزانی‮ ‬هەشت فەرمانبەری‮ ‬بۆ دابین كردووین،‮ ‬تا لێرە خزمەتی‮ ‬ئەو بەساڵاچووانە بكەن و مانگانە مووچەی‮ ‬ئەو فەرمانبەرانە400 ‮ ‬هەزار دینارەو بەبەردەوامی‮ ‬خزمەتی‮ ‬بەساڵاچووان دەكەن،‮ ‬بۆ چەندین جاریش دەزگای‮ ‬خێرخوازی‮ ‬بارزانی‮ ‬كەلوپەل و پێداویستیمان پێدەدەن،‮ ‬ئەو بەساڵاچووانەی‮ ‬كەدێنە ئێرە بە پێی‮ ‬مەرج وەردەگیرێن و نابێ تەمەنی‮ ‬لە‮ ‬60 ‮ ‬ساڵان كەمتربێت و شوێنی‮ ‬نیشتەجێبوونی‮ ‬نەبێت و خەڵكی‮ ‬هەرێمی‮ ‬كوردستان بێت و هیچ نەخۆشیەكی‮ ‬گوازراوەی‮ ‬نەبێت‮ ‬ئینجا بەپێی‮ ‬ئەو مەرج و رێنماییانە‮ ‬
وەردەگیرێت و رۆژانەش لەلایەن توێژەری‮ ‬كۆمەڵایەتییەوە،‮ ‬بەدواداچوونی‮ ‬بۆ دەكرێت ئەوانەی‮ ‬كەباسمان كردن‮ ‬یاسای‮ ‬كۆنی‮ ‬ساڵی‮ ‬1985 ‮ ‬بوو ئەوكات بەساڵاچووی
پەككەوتەی‮ ‬وەرنەدەگرت،‮ ‬چونكە لەگەڵ سیستەمەكە نەدەگونجا،‮ ‬تاوای‮ ‬لێهات لە ساڵانی‮ ‬2010 ‮ ‬و‮ ‬2011‮ ‬پێداچوونەوەمان كرد بۆ دانانی‮ ‬سیستەمێكی‮ ‬تازەو ماوەی‮ ‬زیاتر لە ساڵێكی‮ ‬پێویست بوو تا ئەو سیستەمە تەواوبوو لەساڵی2013 ‮ ‬ڕەزامەندی‮ ‬لەسەر دراو لە وەقائیعی‮ ‬كوردستان بڵاوبووە كە بەپێی‮ ‬ئەو سیستەمە كۆمەڵگەی‮ ‬بەساڵاچووان لە شارەكانی‮ ‬كوردستان بكرێتەوەو دوو بەش لەخۆ بگرێت و بریتی‮ ‬بێت لە بەشی‮ ‬بەساڵاچووی‮ ‬ئاسایی‮ ‬و بەشی‮ ‬بەساڵاچووی‮ ‬پەككەوتە بە ساڵاچووی‮ ‬ئاسایی‮ ‬ئەوانەن،‮ ‬كە دەتوانن كاربكەن و خۆیان خزمەتی‮ ‬خۆیان بكەن و بەساڵاچوی‮ ‬پەككەوتەش ئەوانەن كەلە‮ ‬ڕووی‮ ‬جەستەییەوە ناتوانن خزمەتی‮ ‬خۆیان بكەن و پەككەوتەن و نەخۆشی‮ ‬ئەلزەهایمەریان هەبێت و نەخۆشی‮ ‬درێژخایەنیان هەبێت وەكو نەخۆشی‮ ‬شەكرەو‮..‬هتد،‮ ‬ئەوانە ناتوانن خزمەتی‮ ‬خۆیان بكەن و ژمارە بەساڵاچووان جێگیر نییە لە ئێستادا ژمارەیان دەگاتە82 ‮ ‬بەساڵاچوو هەوڵەكانی‮ ‬ئێمە گەڕاندنەوەی‮ ‬بەساڵاچووەكەیە بۆ ناوكەس و كاری‮ ‬خۆی‮ ‬وهەندێ كەسمان گە‮ ‬ڕاندۆتەوەنێو كەس و كاریان و بۆ ماوەی‮ ‬سێ مانگ توێژەری‮ ‬كۆمەڵایەتی‮ ‬ئێمە لە نزیكەوە چاودێری‮ ‬ئەو بەساڵاچووە دەكات تا دڵنیانەبێتەوە لەبارودۆخی‮ ‬ئەو‮ ‬هەر بەردەوام دەبێت لەچاودێری‮ ‬كردنی‮.‬
‮ ‬كامەران تۆفیق بەڕیوەبەری‮ ‬كۆمەڵەگەی‮ ‬بەساڵاچووان گوتی‮: ‬قەیرانی‮ ‬دارایی‮ ‬وای‮ ‬كردووە كە ئاهەنگ بۆ جەژنی‮ ‬بەساڵاچووان بەفراوانی‮ ‬لەكوردستان بكرێتەوە،‮ ‬بەڵام لەگەڵ ئەوەش ئێمە لە جەژنەدا شیرینیمان بە سەردا دابەشكردن تا بەساڵاچووان دڵخۆشبن قەیرانی‮ ‬دارایی‮ ‬وای‮ ‬كردووە كە جەژنی‮ ‬بەساڵاچووان بەساردی‮ ‬بكرێتەوە ئامانجی‮ ‬سەرەكی‮ ‬ئێمە دانەبڕانی‮ ‬بەساڵاچووانە لە كۆمەڵگای‮ ‬كوردستان و بەشداری‮ ‬لە هەموو بۆنە ئایینی‮ ‬و نەتەوەییەكان بكات نمووتەش بۆ ئەوە بەشداریكردنی‮ ‬بەساڵاچووان بوو لەڕۆژی‮ ‬25/9 ‮ ‬ڕۆژی‮ ‬سەربەخۆیی‮ ‬كوردستان و هەموویان بەشداریان كرد لەو پرۆسە مێژووییەدا و سندوقی‮ ‬تایبەتیان بۆ دانرا‮.‬

 
چاپکردن   Share گه‌ڕانه‌وه‌