2017-10-12

وه‌زاره‌تی پێشمه‌رگه‌، به‌رپرسانی باڵای ئه‌مه‌ریكا له‌ جموجۆڵی سه‌ربازیی هێزه‌كانی عێراق له‌ نزیك سه‌نگه‌ره‌كانی پێشمه‌رگه‌ له‌ باكووری مووسڵ و باشووری كه‌ركووك ئاگادار ده‌كاته‌وه‌.
وەزارەتی پێشمەرگەی هەرێمی کوردستان لە راگەیێندراوێکدا بڵاویکردەوە، سەربەست لەزگین، بریکاری وەزارەتی پێشمەرگە و کین کرووز، کۆنسوڵی ئەمریکا لە هەرێمی کوردستان لەبارەی هێڵەکانی تەماسی نێوان هێزی پێشمەرگە و هێزەکانی عێراق و هەماهەنگی نێوان هێزی پێشمەرگە و سوپای ئەمریکا کۆبوونەته‌وە.

بەپێی راگەیێندراوەکە، بریکاری وەزارەتی پێشمەرگە رایگەیاندووە، هێزەکانی عێراق لە نزیک سەنگەرەکانی پێشمەرگە لە شنگال، باکووری موسڵ و باشووری کەرکووک دەستیان بە جموجۆڵی سەربازیی کردووە و نیازپاکییەک لەو جموجۆڵانە نابینن.

هه‌روه‌ها داوای لە کۆنسوڵی ئەمریکاش کرد، رێگه‌ لە هەر پێشهاتێکی نەخوازراو بگرن، کە ببێتە هۆکاری تێکچوونی رەوشەکە. لەبەرامبەریشدا، کۆنسوڵی ئەمریکا گوتی، لەنزیکەوە ئاگاداری رەوشەکەن و داواشیکرد، هەمووان دانبەخۆیاندا بگرن و رێگەنەدەن رووداوی نەخوازراو رووبدات.

 
چاپکردن   Share گه‌ڕانه‌وه‌