2017-10-15

خەبات‮: هەلز عەلی‮ ‬سەلیم

بەری‮ ‬هاتنا تیرۆرستێن داعشێ و بریارا ئەنجامدانا ریفراندۆمێ ژلایێ سەركردایەتیا سیاسی‮ ‬ڤە ل هەرێما كوردستانێ،‮ ‬خەلكێ دەشتا نەینەوە و دەڤەرێن دەردۆرێ مووسل بریارا چارەنڤیسێ خۆ دابوو،‮ ‬كۆ ببنە پشكەك ژ هەرێما كوردستانێ،‮ ‬بۆ پتر پێزانیان مە ئەڤ دیدارە دگەل‮ (‬عسمەت رەجەب‮)‬،‮ ‬بەرپرسێ لەقی‮ ‬14 یێ پارتی‮ ‬دیموكراتی‮ ‬كوردستان ل مووسل ئەنجامدا‮.‬

عسمەت رەجەب،‮ ‬بەرپرسێ لقی‮ ‬14 یێ پارتی‮ ‬دیموكراتی‮ ‬كوردستان ل مووسل بۆ رۆژنامەیا خەبات گۆت‮:" ‬بەری‮ ‬هاتنا تیرۆرستێن داعشێ و بریارا ئەنجامدانا ریفراندۆمێ ژلایێ سەركردایەتیا سیاسی‮ ‬ڤە ل هەرێما كوردستانێ،‮ ‬خەلكێ دەشتا نەینەوە و دەڤەرێن دەردۆرێ مووسل بریارا چارەنڤیسێ خۆ دابوو كۆ ببنە پشكەك ژ هەرێما كوردستانێ،‮ ‬لێ پشتی‮ ‬جەكدارێن داعش مەزنە باژێرێ عیراقێ‮ (‬مووسل‮) ‬داگیركری،‮ ‬ئەو دەلیڤە دروست نەبوو داخوازیا خۆ بجه بینن،‮ ‬ژبەر هندێ پشتا داعش ژلایێ پێشمەرگەیێ كوردستانێ ڤە هاتیە شكاندن و دەڤەرێن دەرڤەیی‮ ‬هەرێما كوردستانێ هاتینە رزگار كرین و بریارا ئەنجامدانا ریفراندۆما سەربەخۆیا كوردستانێ ژلایێ سەركردایەتیا سیاسی‮ ‬ڤە ل كوردستانێ هاتیەدان،‮ ‬ئێكسەر خەلكێ دەشتا نەینەوا ب هەمی‮ ‬نەتەوە و پێكهاتەیێن خۆ ڤە‮ (‬كورد و عەرەب و توركمان و شەبەك و سریانی‮) ‬ب گەرمی‮ ‬پشكداری‮ ‬پرۆسیسا ریفراندۆمێ بوون،‮ ‬وەك پارێزگەهێن دیتر‮ ‬یێن هەرێما كوردستانێ و ئەنجام ژی‮ ‬گەلەك جهێ رازیبوونێ بوون،‮ ‬ژبەر هندێ خەلكێ وان دەڤەرا ب رێژەیا‮ ‬85% پشكداری‮ ‬ئەنجامدانا ریفراندۆمێ بوون و ب رێژا‮ ‬89% ب بەلێ دەنگدا،‮ ‬سەرارایی‮ ‬ئەوە خەلكێ ئاوارە و خەلكێ دەرڤەیی‮ ‬ساترێن پێشمەرگەیی‮ ‬كۆ رێگیری‮ ‬لێ هاتە كرن و نەشیان پشكدار ببن‮".‬

بەرپرسێ لقی‮ ‬14ە‮ ‬یێ پارتی‮ ‬دیموكراتی‮ ‬كوردستان خویاكر‮:" ‬بەری‮ ‬نوكە حكومەتا هەرێما كوردستانێ و پارتی‮ ‬دیموكراتی‮ ‬كوردستان ژی‮ ‬گرنگی‮ ‬دایە دەڤەرێن دەرڤەیی‮ ‬هەرێمی،‮ ‬ژبەر ڤێ ئێكێ وان دڤیا دگەل هەرێما كوردستانێ ببن،‮ ‬چ گۆمان تێدا نینە پشتی‮ ‬ئەنجامدانا ریفراندۆمێ دێ پتر گرنگی‮ ‬ب ڤان دەڤەرات ئێتەدان،دیسان خەلكێ وان دەڤەرا دخوازن پشكداریێ دپرۆسیسا هەلبژارتنێن پەرلەمانێ كوردستانێ دا بكەن،‮ ‬جونكی‮ ‬خۆ پشكەك ژ هەرێما كوردستانێ دبینن،‮ ‬بێگومان ئەڤ پشكە ژی‮ ‬دێ ئێنە پاراستن‮ ‬و دوێ باوەرێ دا مە دێ ئەڤ بابەتی‮ ‬ئێتە خواندن،‮ ‬لێ ب مخابنی‮ ‬ڤە دەمێ كێمە و ئەگەر هاتوو ئەڤ هەلبژارتنە هاتنە پاشئێخستن دێ ئەو ژی‮ ‬شێن‮ ‬پشكدار بن‮".‬

‮(‬عسمەت رەجەب‮) ‬راگەهاند‮:" ‬ئەم دگەل هەر هێزەكێ نە دژی‮ ‬تیرۆرستێن داعشێ ب راوستیت،‮ ‬لێ دڤێت هەمی‮ ‬تشت ب هەماهەنگی‮ ‬بیت،‮ ‬پێشمەرگەیی‮ ‬هەماهەنگیا وێ دگەل هێزێن لشكەرێ عیراقێ بوویە،‮ ‬بەری‮ ‬رزگاركرنا مووسل پەیمانەك دناڤبەرا هێزێن پێشمەرگەیی‮ ‬و لشكەرێ عیراقێ دا هەبوو،‮ ‬یا لسەر ملێن پێشمەرگەیی‮ ‬هاتە بجهئینان و داستان و سەركەفتنێن مەزن توماركرن هەبوونا حەشدا شەعبی‮ ‬سەرپێجیەكی‮ ‬یە دئێتەكرن،‮ ‬جونكی‮ ‬هیچ پەیمان لسەر نەهاتینە كرن،‮ ‬دهەمان دەمدا حەشدا شەعبی‮ ‬ئاریشەیان بۆ خەلكێ دەڤەرێن دەرڤەیی‮ ‬هەرێمێ و مووسلێ دروست دكەت‮".‬

راستە خوپشاندانەك ل ناڤ باژێرێ مووسل هاتە ئەنجامدان،‮ ‬بەلێ برێژەكا گەلەك كێم خەلك پشكدار بوون،‮ ‬ئەو ژی‮ ‬نە خەلكێ مووسل بوون،‮ ‬لێ ژلایێ لایەنگر و كارمەندێن حەشدا شەعبی‮ ‬ڤە ئەم كریارە هاتبوو ئەنجامدان،‮ ‬ئەڤێ چەندێ خەلكێ مووسل دلگران كربوو و ئەو خەلكە بخۆ ژی‮ ‬یێ رازی‮ ‬نەبوو وەك بەرپرسێ لەقێ مووسل زەلالكری‮:" ‬گەلەك بریار ژلایێ پەرلەمان و حكومەتا بەغدا ڤە دژی‮ ‬كورد و كوردستانیان و ددەمەكێ كورتدا هاتنە دان،‮ ‬لێ نائێنە بجهئینان بتنێ دێ مینن نڤیسین لسەر لاپەرەكی‮ ‬و چ مەترسی‮ ‬بۆ نابیت‮".‬

دەربارەیی‮ ‬ئاوارەیان عسمەت رەجەب دا دیاركرن‮:" ‬ژبلی‮ ‬ئاوارەیێن مووسل پێشوازی‮ ‬ل ئاوارەیێن ئەنبار و سەلاحەدین ژی‮ ‬ژلایێ كوردان ڤە هاتنە كرن،‮ ‬دهەمان دەمدا ئەم د هاریكار بووین بۆ ڤەكرنا رێڤەبەرێن حكومی‮ ‬ل هەرێما كوردستانێ،‮ ‬دیسان ڤەكرنا زانكۆیا مووسل و ڤەكرنا ب دەهان قۆتابخانان بۆ زارۆكێن ئاوارە دا بێ بەهر نەبن ژ خواندنێ ب پێشتەڤانیا سەرۆكێ حكومەتا هەرێما كوردستانێ‮ (‬نیجیرڤان‮ ‬بارزانی‮)‬،‮ ‬دهەمان دەمدا هندەك دەڤەر هەبوون وەك ئیدارە سەر ب حكومەتا عیراقێ ڤە بوون لێ وەك دورهێل حكومەتا هەرێما كوردستانێ ئیدارەكرنا وان دكر،‮ ‬وەك‮ (‬مخمور و شێخان و شنگال‮ .. ‬هتد‮)‬،‮ ‬دەڤەرێن دەڤەرێ هەرێمێ ژی‮ ‬ب دەنگێ خەلكی‮ ‬چارەنڤیسێ خۆ دیاركرن،‮ ‬سەرۆكێ حكومەتا هەرێما كوردستانێ ژی‮ ‬نڤیسینگەهەكا تایبەت بۆ ئازادكرنا رەڤاندرایێن كوردێن ئیزیدی‮ ‬تەرخان كر و چەوانیا رزگاركرنا وان ژ دەستێ تیرۆرستێن داعشێ،‮ ‬مە ژی‮ ‬وەك لقی‮ ‬14 یێ پارتی‮ ‬دیموكراتی‮ ‬كوردستانێ كێمتر خەمی‮ ‬بۆ ڤێ چەندێ نەكریە بۆ دیڤچوونێ لسەر وان و كا ل كیژان دەڤەرانە‮".‬

 
چاپکردن   Share گه‌ڕانه‌وه‌