2017-10-17

خەبات‮: ‬هەڵەبجە
بە گوێرەی‮ ‬ئامارەكانی‮ ‬نووسینگەی‮ ‬بەرەنگاربوونەوەی‮ ‬توندوتیژی‮ ‬دژ بە ئافرەتان لە سەیدسادق،‮ ‬رێژەی‮ ‬توندوتیژیەكان دژ بە ئافرەتان لە هەڵكشاندایە و هۆكاری‮ ‬زیادبوونی‮ ‬توندوتیژیەكانیش بۆ‮ "‬كاریگەرییەكانی‮ ‬قەیرانی‮ ‬دارایی‮ ‬و ناسەقامگیری‮ ‬بارودۆخی‮ ‬سیاسی‮ ‬دەگەڕێنرێتەوە‮" .‬
لێپرسراوی‮ ‬نووسینگەی‮ ‬بەرەنگاربوونەوەی‮ ‬توندوتیژی‮ ‬دژ بە ئافرەتان لە سەیدسادق،‮ ‬نەقیب بورهان ئەحمەد لە لێدوانێكدا وردەكاری‮ ‬توندوتیژییەكانی‮ ‬ئاشكرا كرد و گوتی‮: "‬لەماوەی‮ ‬شەش مانگی‮ ‬یەكەمی‮ ‬ئەمساڵدا سەرجەم ئەو دۆسیانەی‮ ‬سەبارەت بە توندوتیژیەكان دژ بە ئافرەتان و خێزان لە سنووری‮ ‬نووسینگەكەی‮ ‬ئێمەدا تۆمار كراون كە سنووری‮ ‬هەریەكە لە پارێزگای‮ ‬هەڵەبجە و قەزاكانی‮ ‬شارەزوور و سەیدسادق و پێنجوێن دەگرێتەوە،‮ ‬بریتین لە‮ ‬111 ‮ ‬حاڵەتی‮ ‬توندوتیژی‮ ‬كە بەراورد بە هەمان ماوە لە ساڵی‮ ‬رابردوودا رێژەكە تا راددەیەك هەڵكشاوە چونكە لە شەش مانگی‮ ‬یەكەمی‮ ‬پارساڵدا،‮ ‬91 ‮ ‬حاڵەتی‮ ‬توندوتیژی‮ ‬لە سنووری‮ ‬نووسینگەكەماندا تۆمار كرابوو‮".‬
گوتیشی‮: "‬بەرزترین رێژەی‮ ‬توندوتیژیەكان بەرامبەر بە ئافرەتان بریتییە لە لێدان كە لەو ماوەیەدا سی‮ ‬و پێنج حاڵەت بووە و پاش ئەویش هەڕەشە و دواتریش جنێودان دێت،‮ ‬بەڵام ساڵی‮ ‬رابردوو رێژەی‮ ‬لێدان لەناو توندوتیژیەكاندا بەرزترە بە چل حاڵەت لە هەمان ماوەدا‮".‬
لێپرسراوی‮ ‬نووسینگەی‮ ‬بەرەنگاربوونەوەی‮ ‬توندوتیژی‮ ‬دژ بە ئافرەتان لە سەیدسادق گوتیشی‮: "‬سەرەڕای‮ ‬ستانداردە جیهانیەكان بۆ ئەنجامدانی‮ ‬تاوان و توندوتیژی‮ ‬دژ بە ئافرەتان و ئەندامانی‮ ‬خێزان لە ئەمساڵدا بە هۆی‮ ‬ناسەقامگیری‮ ‬بواری‮ ‬سیاسی‮ ‬و قەیرانی‮ ‬داراییەوە كاریگەریان لەسەر هەڵكشانی‮ ‬رێژەی‮ ‬توندوتیژیەكان دروستكردووە و تەنانەت بوونەتە هۆی‮ ‬دروستبوونی‮ ‬هەندێك قەیرانی‮ ‬درێژخایەن‮".‬
نەقیب بورهان ئەحمەد راشیگەیاند‮ "‬ئەو ئامارانەی‮ ‬لەبەردەستی‮ ‬ئێمەدایە ئەو كەیسانەن چوونەتە بەردەم پۆلیس و دادگاكان و بوونەتە سكاڵای‮ ‬یاسایی‮ ‬و تۆمار كراون،‮ ‬بەڵام سكاڵای‮ ‬ترمان هەیە كە لە دەرەوەی‮ ‬بنكەكانی‮ ‬پۆلیسن و تۆمار نەكراون،‮ ‬كە لە راستیدا ئەو كەیسانەش رێژەیەكی‮ ‬بەرچاون‮".‬
خستنەڕووی‮ ‬ئامارەكانی‮ ‬هەڵكشانی‮ ‬توندوتیژیەكان بەرامبەر بە ئافرەتان لە میانی‮ ‬كۆنفرانسێكی‮ ‬هاوبەشی‮ ‬رێكخراوەكان و لایەنە پەیوەندیدارەكان هات كە رێكخراوی‮ ‬هاریكاریی‮ ‬یاسایی‮ ‬ژنان تایبەت بە كێشەكانی‮ ‬بەردەم جێبەجێكردنی‮ ‬یاسای‮ ‬بەرەنگاربوونەوەی‮ ‬توندوتیژی‮ ‬خێزانی‮ ‬لە هەڵەبجە سازی‮ ‬كردبوو‮.‬
سەرۆكی‮ ‬رێكخراوی‮ ‬هاریكاریی‮ ‬یاسایی‮ ‬ژنان،‮ ‬شۆخان حەمەڕەشید دەربارەی‮ ‬پرۆژەكە گوتی‮: "‬ئێمە ماوەی‮ ‬دووساڵە بە شێوەی‮ ‬مەیدانی‮ ‬چاودێری‮ ‬ئیش و كارەكانی‮ ‬هەڵەبجە دەكەین و باكگراوندێكی‮ ‬تایبەتی‮ ‬خۆمان هەیە لەسەر هەڵەبجە هاوشێوەی‮ ‬شارەكانی‮ ‬تر كە ئەنجامی‮ ‬كارەكانمان سەركەوتنی‮ ‬بەدەستهێناوە بۆیە پێمان خۆشە لە هەڵەبجە لە ئەنجامی‮ ‬ئەو چاودێریانەی‮ ‬كە كردوومانە لەسەر جێبەجێكردنی‮ ‬یاسای‮ ‬توندوتیژی‮ ‬خێزانی‮ ‬و لەسەر ئەو كێشە و گرفتانەی‮ ‬لەبەردەم جێبەجێكردنی‮ ‬یاساكەدان،‮ ‬لەدوای‮ ‬ئەوەی‮ ‬هەڵەبجە بوویە پارێزگا،‮ ‬بەڵام هیچ هەنگاوێكی‮ ‬جددی‮ ‬نەنراوە بۆ ئەوەی‮ ‬كە دەزگایەكی‮ ‬گرنگ بۆ تۆماركردنی‮ ‬كێشە خێزانیەكان و كێشەكانی‮ ‬تایبەت بە ژنان،‮ ‬بۆیە ئێمە پلانمان ئەوەیە كە لە داهاتوودا كار لەسەر دروستكردنی‮ ‬فشار بكەین لەسەر لایەنە پەیوەندیدارەكان،‮ ‬كە بەڕێوەبەرایەتیەكی‮ ‬تایبەت بە توندوتیژی‮ ‬دژ بە ژنان و دادگا و دادوەری‮ ‬تایبەت هەبێت بە كێشە خێزانیەكان‮".‬
گوتیشی‮: "‬ناتوانین بڵێین توندوتیژی‮ ‬دژ بە ژنان ناهێڵین،‮ ‬یان بنەبڕی‮ ‬دەكەین بەڵام دەتوانین هەوڵ بدەین بۆ كەمكردنەوەی‮ ‬توندوتیژیەكان‮. ‬لە هەڵەبجە ئامارەكانی‮ ‬توندوتیژی‮ ‬دژ بە ژنان بەراورد بە شارەكانی‮ ‬تر تاڕادەیەك كەمترە،‮ ‬بەڵام بەشێك لە هۆكارەكەی‮ ‬ئەوەیە شوێنێكمان نییە بۆ تۆماركردنی‮ ‬ئەو توندوتیژیانە،‮ ‬دەتوانین بڵێین توندوتیژی‮ ‬شاراوە هەیە،‮ ‬بۆیە ئەگەر بەڕێوەبەرایەتیەكی‮ ‬تایبەت هەبێت دەتوانرێت تۆمار بكرێت،‮ ‬لەبەر ئەوەی‮ ‬ئێستا ئیتر خەڵكی‮ ‬بیروباوەڕی‮ ‬گۆڕاوە بێدەنگ نابێت لە ئاست توندوتیژیەكان لە دژیان،‮ ‬بەوە دەتوانین رێنمایی‮ ‬و هوشیاری‮ ‬پێویستی‮ ‬خێزانی‮ ‬لەنێو كۆمەڵگە بڵاوبكەینەوە و ئاشتەوایی‮ ‬بگێڕینەوە بۆ ناو خێزانەكان‮".‬

 
چاپکردن   Share گه‌ڕانه‌وه‌