2017-10-22

لە دوای‮ ‬هێرشی‮ ‬رۆژی‮ ‬دووشەممەی‮ ‬رابردووی‮ ‬میلیشیا چەكدارەكانی‮ ‬حەشدی‮ ‬شەعبی‮ ‬و ئێرانی‮ ‬بۆ سەر قەزای‮ ‬دووزخورماتوو و پارێزگای‮ ‬كەركووك و خانەقین و‮ ..‬هتد،‮ ‬بەشی‮ ‬زۆری‮ ‬دانیشتووانی‮ ‬ئەو ناوچانە لە ترسی‮ ‬گیانی‮ ‬خۆیان ماڵ و حاڵی‮ ‬خۆیان جێهێشت و بەرەو ناوچەكانی‮ ‬تری‮ ‬هەرێمی‮ ‬كوردستان هەڵاتن‮. ‬لە ئێستادا ژمارەیەك لەو كەمپانەی‮ ‬لە سنووری‮ ‬پارێزگای‮ ‬سلێمانی‮ ‬بۆ ئاوارەكان تەرخان كراون بە رووی‮ ‬ئاوارەكانی‮ ‬كەركووك و خورماتوو كراونەتەوە و بەشێكی‮ ‬ئاوارەكان لەو كەمپانە نیشتەجێكراون‮.

‬كەمپی‮ ‬سوورداش لە قەزای‮ ‬دوكان تایبەت بۆ ئاوارەكانی‮ ‬مووسڵ دروستكراوە،‮ ‬بەڵام ئێستا دراوەتە ئاوارەكانی‮ ‬خورماتوو،‮ ‬نزیكەی‮ ‬250‮ ‬خێزان لەو كەمپە نیشتەجێكراون و لایەنی‮ ‬حكوومەت و رێكخراوە خێرخوازییەكانیش دەستیان بە دابەشكردنی‮ ‬كۆمەك و هاوكاری‮ ‬بەسەر ئەو كەسانەدا كردووە‮. ‬ئەو كەسانە بە گەورە و بچووك‮ ‬،‮ ‬ژن و پیاوەوە نیگەرانن لەو دۆخەی‮ ‬بەسەریان هاتووە و زۆربەیان نایانەوێت ئەوەشی‮ ‬بەسەریاندا هاتووە باسی‮ ‬بكەن و لە دەزگاكانی‮ ‬راگەیاندندا دەربكەون‮. ‬جەمال ساڵح پیاوێكی‮ ‬تەمەن‮ ‬65‮ ‬ساڵانی‮ ‬كوردی‮ ‬دانیشتووی‮ ‬خورماتووە،‮ ‬ئەو ئێستا ئاوارەی‮ ‬كەمپی‮ ‬سوورداش بووە و بە نیگەرانییەوە گوتی‮: ‬ئێمە بۆ خۆمان بەرگریمان لە شارەكەی‮ ‬خۆمان كرد و كەس بەرگری‮ ‬لێنەكردین و هێزەكانی‮ ‬پێشمەرگە چەك و تۆپەكانیان گواستەوە بۆ سلێمانی‮.‬

ئەو باس لەوە دەكات،‮ ‬لە دوای‮ ‬گرتنی‮ ‬شارەكە لەلایەن حەشدی‮ ‬شەعبیەوە دەستیان بە توندوتیژی‮ ‬و هێرش كردنە سەر ماڵی‮ ‬هاووڵاتیان كردووە،‮ ‬ئەو گوتی‮: ‬ئەو ماڵیان بە پێوە نەهێشتووە و هەموویان‮ ‬یان سوتاندووە‮ ‬یان تاڵانیان كردووە و تەقاندویانەتەوە،‮ ‬كەسێكی‮ ‬بەتەمەنمان چووەتەوە شارەكە بەڵام لەلایەن ئەوانەوە ئۆتۆمۆبێلەكەیان لێسەندووە و ئازاریان داوە،‮ ‬یەكێكی‮ ‬تریان كوشتووین‮.‬

ئەحمەد عەلوان گەنجێكی‮ ‬تەمەن‮ ‬31‮ ‬ساڵی‮ ‬دانیشتووی‮ ‬قەزای‮ ‬خورماتووە و خێزاندارە،‮ ‬لە بارەی‮ ‬چۆنێتی‮ ‬ئاوارەبوون و بەجێهێشتنی‮ ‬شارەكەیەوە گوتی‮: ‬شەوی‮ ‬یەكشەممە لەسەر دووشەممە تا سەعات حەوتی‮ ‬بەیانی‮ ‬لەناو شارەكە شەڕبوو،‮ ‬دواتر دەستیان بەهاوان باران كردنیان كردین و لە تاودا فریای‮ ‬ئەوە نەكەوتم دایك و باوكی‮ ‬خۆم رزگار بكەم و دەستم بە گواستنەوەی‮ ‬بریندارەكان كرد،‮ ‬ئەوەی‮ ‬بەسەرمان هات كارەساتێكی‮ ‬مێژوویی‮ ‬بوو،‮ ‬تەنها خۆمان لە شارەكە دەرچووین و هیچ شتێكمان لەگەڵ خۆمان نەهێناوە،‮ ‬لەو سێ رۆژەشدا چەكدارانی‮ ‬حەشدی‮ ‬شەعبی‮ ‬ماڵەكان دەگەڕێن و ئەوەی‮ ‬بەدڵیان بێت دەیبەن و ئەوەی‮ ‬تر بە ماڵەكەوە دەسووتێنن و سوكایەتی‮ ‬زۆر بە كورد دەكەن‮. ‬ئەحمەد عەلوان گوتیشی‮: ‬چەكدارانی‮ ‬حەشدی‮ ‬پێشتریش رقی‮ ‬زۆریان لە دانیشتووانی‮ ‬عەرەبی‮ ‬سونەی‮ ‬خورماتوو بوو،‮ ‬رۆژانە خەڵكیان دەفڕاندن و بە پارە بەریان دەدان و خەڵكێكی‮ ‬زۆریشیان لێكوشتن،‮ ‬ئێستاش ئەوەی‮ ‬بە ئێمەیان كرد بەهیچ كەسێكی‮ ‬تریان نەكردووە‮.‬

 
چاپکردن   Share گه‌ڕانه‌وه‌