2017-10-31

سیناتۆری کۆماریخوازی ئەمریکا، (جۆن مەککین)، ستایشی بڕیاری (سەرۆك بارزانی) دەکات بۆ واز‌‌هێنان لە دەسەڵات و دەڵێت، وەک دەوڵەتمەدارێکی بوێر بڕیاری داوە.

لە بەیاننامەیەکدا، (جۆن مەککین) دەڵێت: ''بارزانی وەك دەوڵەتمەدارێکی بوێر بڕیاری داوە و پێگەی خۆی بۆ خزمەت بە خەڵکەکەی بەکار هێناوە، هیواش دەخوازێت گواستنەوەی دەسەڵات ببێتە هۆی چارەکردنی گرژییە بەردەوامەکان و ڕێخۆشکەر بێت بۆ هەڵبژاردنێکی ڕێکوپێك لە هەرێمی کوردستان و عێراق بەگشتی.''

ئاماژەیشی بەوە دا، بەردەوام دەبن لە پاڵپشتیکردنی گفتگۆ لە نێوان هەولێر و بەغدا و پاراستنی کوردستان لە دژی ‌ئەو هێرشانەی بە هاوکاریی دراوسێکان دەکرێتە سەریان.
(مەکكین) هەروەها دەڵێت، بەردەوام دەبن لە پاڵپشتیکردنی کوردستان لە شەڕی ئەو هێزانەی دەیانەوێت ناسەقامگیری لە کوردستان دروست بکەن.

(مەکكین) دەشڵێت: ''خەڵکی هەرێمی کوردستان دۆستی ڕاستەقینەی ئێمەن و شایانی ئەوەن لەم کاتە سەختانەدا ئەمریکا پشتیوانییان لێ بکات.''

 
چاپکردن   Share گه‌ڕانه‌وه‌