2017-11-06

پارێزەر‮- ‬نازم ستۆنی‮ ‬
دۆژمنێن گەلێ مەدبەرێ و نوكەدا بەردەوام بزاڤا دورست كرنا قەیران ودوبەرەكیێ دناڤرێزێن گەلێ كورد دا كریە وگەلەك بزاڤ كرینە ژبۆ ژناڤبرن وتێكدانا برایەتی‮ ‬وئێكرێزیا گەلێ كورد و وێ پێكڤە ژیانا ل كوردستانێ هەیی،‮ ‬بەلێ سوپاس بۆ‮ ‬یەزدانێ دلوڤان وب بزاڤ ودلسۆز وخەمخورێن ڤی‮ ‬ولاتی‮ ‬تا نوكە نەشیاینە دەرزەكێ بێخنە دناڤ برایەتی‮ ‬وئێكرێزیا ڤی‮ ‬وولاتیدا‮. ‬لێ موخابن نوكە ئاگرێ مە وەكو دبێژن،‮ ‬ژ دەهمانا مە بەر بوو مە،‮ ‬لێ ب ئانەهیا خۆدێ ئەڤە ژی‮ ‬دێ بوریت ودێ بیتە رابوریا دیرۆكێ‮. ‬پشتی‮ ‬وەلاتێن هەرێمی‮ ‬زانی‮ ‬ئێدی‮ ‬نەتەوا كورد بەرەڤ سەربەخویێ پێنگاڤان دهاڤێژیت،‮ ‬ونەشێن رێگریێ لێ بكەن،‮ ‬ریفراندوم ب سەركەوتی‮ ‬ب ریڤجوو و كوتایی‮ ‬پیهات هزر دهندێدا كر كێشەكا نافخوی‮ ‬چێكەن و ببیتە رێگر بۆگەهشتن ب ڤێ ئارمانجا ب سەدان سالە كورد خەباتێ بۆ دكەن،وموخابن د رێكا هندەك كەسان ل ناڤ پارت ولایەنین سیاسی‮ ‬كوو ب ساناهی‮ ‬هاتنە خاپاندن ودسەردابرن،‮ ‬خیانەتەكا مەزن ل گەلی‮ ‬كورد كر ب رادەست كرن و فروتنا شاری‮ ‬كەركووكی‮ ‬و خەنجەرەكا مەزن ل پشتەڤە ل هیزین پولایینین پیشمەرگەدا،‮ ‬پرسا سەرۆكایەتییا هەرێمێ‮ ‬یا بویە پرسا راگەهاندنا هەمی‮ ‬پارت ولایەنێن دژی‮ ‬پارتی‮ ‬كار دكەن وب رۆژانە مێزگەرد دهێنە گرێدان وهندەك رۆژنامەنڤێس وبناڤ سیاسەتمەدار بتنێ كارێ وان‮ ‬یێ بویە سەرۆك وپرسا سەرۆكایەتیێ و دەستهەلاتێن سەرۆكی،ول سەر هندێ را،‮ ‬وان پارت ولایەنان چ كاندید بۆ سەرۆكایەتییا هەرێمێ پێشكێش نەكرینە،‮ ‬چونكە مەبەستا وان تێك دانە نەك چارەسەری،‮ ‬نها پاش دانیشتنا پەرلەمانی‮ ‬و ل بەر بارودوخیین سیاسی‮ ‬و هاتنا هیزیین عیراقی‮ ‬و داگیركرنا هندك ناوچا و خییانەتا ناڤخویی،‮ ‬پەرلەمانا كوردستانی‮ ‬ب زورینە بریارا دواخستنا هەلبژاردنا پەرلەمانی‮ ‬دا بەلی‮ ‬جەنابی‮ ‬سەرۆكی‮ ‬قەبول نەكر خولا سەرۆكایەتیا ڤی‮ ‬بهیتە درێژ كرن و ب نامەیەكی‮ ‬داوا ل سەرۆكایەتییا پەرلەمانی‮ ‬كر كوو دەستهەلاتیین سەرۆكی‮ ‬بهینە دابەش كرن ل سەر هەرسی‮ ‬دەستهەلاتیین سەرۆكایەتییا پەرلەمانی‮ ‬و سەرۆكایەتییا ئەنجومەنی‮ ‬وەزیران و ئەنجومەنا دادوەرییدا،‮ ‬پاشان ب بەلاڤ كرنا گرتەیەكا ویدیویی‮ ‬پێشمەرگەبونا خوو دوبارە كرەڤە دووپاتا هندی‮ ‬كر كوو بەرزترین و مەزنترین پلە دەڤ سەرۆكی‮ ‬پێشمەرگایەتیە‮.‬
ئارمانجا نەیارا و دوژمنان ب دروست كرنا ئاریشان ب هەر رەنگەكێ هەبیت كەسایەتییا سەرۆكییە،‮ ‬چونكە ئەو دزانن سەرۆكی‮ ‬رێزەكا مەزن ل ناڤخۆ و ژدەرڤە‮ ‬یا هەی،‮ ‬وەكو قارەمان ل ناڤخۆ دهێتە نیاسین‮. ‬مە ئەڤ سەرۆكە هەیە كو هەر ل دەمێ ژ دایك بوی‮ ‬دگەل خۆشی‮ ‬ونەخۆشیێن گەلێ خۆە ژیایە،‮ ‬وهەر ل ژیێ14 ‮ ‬سالیێدا چەكێ شەرەفێ هاڤێتیە ملێ خۆ ول رێزێن پێشیێ‮ ‬یێن پێشمەرگایەتیێ بوو،‮ ‬سەرۆك بارزانی‮ ‬ل شورەشا گولانێ پێشمەرگە و سەركردە بوو وخەبات وتێكوشان دژی‮ ‬مەزنترین هێزا دیكتاتوریەتیێ كریە،‮ ‬ودیروك ژی‮ ‬شاهدێ ڤێ چەندێیە‮. ‬بارزانی‮ ‬ب كارێزمایا خۆە شیا پشتەڤانیا پرانیا ولاتێن جیهانێ بۆ كوردستانێ پەیدا بكەت،‮ ‬وهەر بارزانی‮ ‬بوو، شیایی‮ ‬پشتەڤانیا ئەمریكا وهەڤپەیمانییەكێ دژی‮ ‬تیرورستێن داعش پەیدا بكەت وهەر بارزانی‮ ‬بوو شیایی‮ ‬هێزێن پێشمەرگەی‮ ‬بنێریت ژبۆ هاریكاریا برایێن كورد ل كوبانێ،‮ ‬وبدەهان هەلویست وجوامێریێن دیتر بۆ دیروكێ تومار كرینە‮.‬
نوكە ل شوینا هەمی‮ ‬پارت ولایەن رێزێ ل سەرۆك بارزانی‮ ‬بگرن ووەكو لێڤەگەرەك‮ (‬مرجع‮). ‬سەرەدەریێ دگەلدا بكەن،‮ ‬موخابن قولپ دهێنە گرێدانا ژبو ژنافبرنا ناڤ ودەنگ ودەستهەلاتێن وی‮. ‬ویا ژبیر كری‮ ‬كێم كەس هەنە سیما وسالوخەتێن وەكو‮ ‬یێن سەرۆكی‮ ‬هەبن،‮ ‬چونكە ئەم سەرۆكێن جیهانێ و‮ ‬یێن پارت ولایەنێن كوردستانی‮ ‬ژی‮ ‬دبینین،‮ ‬وپرسیار دكەین،‮ ‬سەرۆكێ كیژ وولات وپارت ولایەنێن سیاسی،‮ ‬تڤەنگا خۆ هەلگرتییە وچویە بەرسینگێ شەری،‮ ‬سەرۆكێ كیژك پارت ولایەنی‮ ‬هەیە،‮ ‬كور وبرا وبرازاێن خۆە برینە ئەنیا شەری،‮ ‬كیژ ژوان رۆژەكێ ژ رۆژان چویە دگەل پێشمەرگەی‮ ‬ل سەنگەرێن شەری‮ ‬بەرەڤانی‮ ‬كریە‮ ‬یان هەر چ نەبیت سەرەدانا مالا شەهیدەكی‮ ‬یان بریندارەكی‮ ‬كربیت؟؟ بخۆ گەلەك جاران گوتیە‮: (‬ئەز فێرخوازێ خواندنگەهەكا پیرۆزم،‮ ‬ودخواندنگەها شێخ عەبدولسەلام بارزانی‮ ‬دا ئەز‮ ‬یێ فێری‮ ‬پێكڤە ژیان وقوربانی‮ ‬دانێ بویم ژ پێخەمەت سەربەخۆیا كوردستانێ،‮ ‬وژخواندنگەها شێخ ئەحمەدێ بارزانی‮ ‬فێری‮ ‬رەوشت وبیرو باوەران بویمە وژ خواندنگەها مستەفا بارزانی‮ ‬فێری‮ ‬ژیانا پێشمەرگایەتیێ وگیان بەخشینێ وكوردایەتیێ وخەبات و تێكوشانێ بویمە،‮ ‬خواندنگەها شورەشا ئەیلول وگولانێ ئەز فێری‮ ‬پەیڤا كوردستان‮ ‬یان نەمان كریمە وژ دایكا شەهیدی‮ ‬فێری‮ ‬خوراگری‮ ‬وهەدارێ بویمە،‮ ‬بەلێ ئەز فەخروشانازیێ دبەم ئەز پێشمەرگە بم نەك سەرۆك،‮ ‬چونكە ل هەمی‮ ‬دەمان من پێشمەرگایەتی‮ ‬خۆش تر ڤیایە ژ سەرۆكایەتیێ‮). ‬ئەڤە‮ ‬یە سەرۆكێ مە،‮ ‬ل بەرهندی‮ ‬دبیژم سەرۆكێ پێشمەرگە،‮ ‬پێشمەرگە هە سەرۆك‮.‬

 
چاپکردن   Share گه‌ڕانه‌وه‌