2017-11-07

چەپەرێن شەری‮: ‬هەلز عەلی‮ ‬سەلیم ـ خەبات
هەر ژ سالا‮ ‬2014ێ تا ئەڤرۆ پێشمەرگەیێ كوردستانێ د چەپەرێن بەرخودانیێ دانە دژی‮ ‬تیرۆرستێن داعشێ و نوكە ژی‮ ‬حەشدا شەعبی‮ ‬و سوپایێ عیراقێ هەولا داگیركرنا كوردستانێ دكەن،‮ ‬ژبەر ڤێ ئێكێ پێشمەرگە دبێژیت‮ (‬دێ ئاخا خوین ژ برسا و ڤێ ئاخێ بەرنادەین ژ ترسا‮)‬،‮ ‬لگۆر ڤی‮ ‬درۆشمی‮ ‬مە ئەڤ راپورتە دروستكریە دا بزانین ئایا پێشمەرگە‮ ‬یێ قانونی‮ ‬و دستوریە ل عیراقێ و كوردستانێ‮ ‬یان نە،‮ ‬دیسان مورالا پێشمەرگە د چ ئاستدایە‮.‬
لیوا بەهجەت سیلكێ،‮ ‬ئەندامێ فەرماندەیا پێشمەرگەیی‮ ‬زێرەڤانی‮ ‬ل چەپەرێن شەری‮ ‬بۆ رۆژنامەیا خەبات گۆت‮: ‬پێشمەرگەیی‮ ‬نەشەر ڤیایە و نە شەرخوازە،‮ ‬لێ دەمێ شەر هاتیە لسەر سنورێن كوردستانێ،‮ ‬هەر ژ دەسپێكا شەری‮ ‬دژی‮ ‬تیرۆستێن داعشێ پێشمەرگە دچەپەرێن بەرخودانیێ دا بوو و داستان توماركرینە،‮ ‬ئەڤە دەستكەفتە ژی‮ ‬ڤەدگەریت بوو بیروباوەرێن پێشمەرگە ب وەلات و ئاخا وی،‮ ‬نوكە ژی‮ ‬حەشدا شەعبی‮ ‬یێ هەولا داگیركرنا كوردستانێ دكەت لێ پێشمەرگە ب هەمان روحیەتا بلند و ب وێرەكانە بەرسڤا داگیركەران ددەت‮.‬
سەركردایەتیا سیاسی‮ ‬و لەشكەری‮ ‬هەولدایە شەر دروست نەبیت و ب هەماهەنگی‮ ‬چەندین دەڤەر رادەستی‮ ‬سوپایێ عیراقێ كرن،‮ ‬لێ دیار بوو حەشدا شەعبی‮ ‬ژی‮ ‬دگەل واندایە و دڤێت كوردستانێ هەمیێ داگیر بكەن،‮ ‬ژبەر هندێ پێشمەرگەیی‮ ‬سنورێن خو موكمكرنەڤە و د ئامادە باشیێ دانە بو هەر هێرشەكێ ژبۆ بەرەڤانیكرنێ ژ ئاخا كوردستانێ،‮ ‬جونكی‮ ‬شەرێ دژی‮ ‬حەشدا شەعبی‮ ‬و سوپایێ عیراقێ شەرێ بیروباوەرایە،‮ ‬لرێكەفتی‮ ‬26/ 10/ 2017ێ،‮ ‬حەشدا شەعبی‮ ‬و سوپایێ عیراقێ ژ دوو لایاڤە هێرش كرە لسەر هێزێن پێشمەرگەیی،‮ ‬لێ بەرسڤان دژۆمنی‮ ‬هاتە دان و زەرەرێن مەزن ڤێ كەتن،‮ ‬كۆ چەندین ئوتومبێلن درعكری‮ ‬و تانك و مدرع و باژەر و هەمەرێن وان ژلایێ پێشمەرگەیڤە هاتینە ژناڤبرن،‮ ‬ب بەرخودانیەكا مەزن و ب روحەكا قەهرەمانە شەرێ ب سەركەفتیانە هاتە توماركر و‮ ‬پێشمەرگەیی‮ ‬هەردەم دئامادە باشیێ دایە بۆ هەر هێرشەك و مەترسیەكا بكەفیتە سەر سنورێن كوردستانێ ژبۆ بەرەڤانیكرن و پاراستنا ئاخا كوردستانێ،‮ ‬ئەكەر ژلایەنێ سیاسیڤە سەركردە دان و ستاندنێن خۆ بكەن،‮ ‬ئەم وەك پێشمەرگە هەر دئامادە باشیێ داینە دچەپەرێن شەریدا و بەرەدەوامین‮.‬
حەشدا شەعبی‮ ‬بەرسڤا پێشمەرگەیی‮ ‬بجەك و باوەریا و عەقیدەڤە دیت،‮ ‬نوكە ئەو ژی‮ ‬دزانن‮  ‬پێشمەرگەیی‮ ‬خودان چ جورە جەكە،‮ ‬لێ هەر جەكەكێ مە هەبیت مە مبدئەكێ دگەل هەیی‮ ‬ئەو ژی‮ ‬بیروباروەیا مە ب وەلاتێ مە كۆ ژ هەمی‮ ‬جەكەكی‮ ‬مەزنترە‮.‬
‮ ‬موقەدم روكن زەید رێكانی،‮ ‬دناڤ هێزێن لەشكەریدا سەر ب وەزارەتا پێشمەرگەڤە گۆت‮: ‬ئەگەر ل دیرۆكا پێشمەرگەیی‮ ‬ڤەگەرین دێ زانینن پێشمەرگەیی‮ ‬چ جارا هێرش نەكریە،‮ ‬بەلكو بەرەڤانی‮ ‬ژئاخا خو كریە و چ كارێن تیرۆرستی‮ ‬ژی‮ ‬ئەنجام نەداینە،‮ ‬دیسان وەلاتێن زێلهێز سەرەدەریێ دگەل پێشمەرگەیی‮ ‬برێگا وەزارەتا بەرگیریا عیراقێ دكەن،‮ ‬پێشمەرگە دئێتە راهێنانكرن و جەككرن ژلایێ ئەمریكا و ئەلمانیا و هولەندا و سوید‮... ‬هتد،‮ ‬واتە پێشمەرگەیی‮ ‬شەرعیەتا خۆ ل بەغدا و هەولێر هەیە و تا نوكە ئێك وەلات دانپێدان ب حەشدا شەعبی‮ ‬نەكریە،‮ ‬هەر چەندە لگۆر دستورێ عیراقێ هاتیە پەسەندكر ب هزرەكا تائیفی‮ ‬نەك ب هزرەكا نیشتمانی،‮ ‬دیسان پێشمەرگەیی‮ ‬لسالا‮ ‬2003ێ،‮ ‬شەر دژی‮ ‬تیرۆرستێن قاعیدە ل بەغدا و ئەنبار و مووسل كریە،‮ ‬كۆ لوی‮ ‬دەمی‮ ‬عیراقێ چ سوپا نەبوون تا نوكە ژی‮ ‬زێرەڤانێن سەركردەیێن عەرەب ل عیراقێ پێشمەرگە بوو،‮ ‬جونكی‮ ‬عەرەبا باوەری‮ ‬ب ئێك و دوو نەبوو‮.‬
جونكی‮ ‬پێشمەرگەیێ ئاشتیخوازە و هەمی‮ ‬دەولەت دزانن چ جارا نابیتە مەترسی‮ ‬لسەر وان،‮ ‬ژبەر هندێ كەس خو لێ ناكەتە خودان،‮ ‬ئەگەر پەرژەوەندیێن وان نەخازن،‮ ‬ژبەر هندێ دەمێ ئەلمانیا و ئەمریكا جەكددا پێشمەرگەیی،‮ ‬ب هیچ رەنگەكی‮ ‬عیراقێ دژایەتیا ڤێ چەندێ نەدكر،‮ ‬لێ پشتی‮ ‬پەیوەندیێن هەولێر و بەغدا تێكچووین ژنوو دبێژیت ئەڤ جەكە نەیێ شەرعییە‮. ‬
بەندا‮ ‬121 ‬ خالا‮ ‬5‬ ژدستورێ عیراقێ دیاركریە،‮ ‬حكومەتا هەرێما كوردستانێ مافێ دامەزراندنا هێزێن نافخۆ وەك ئاسایش و زێرەڤانێن هەرێمێ هەیە‮.‬
بەدرخان زاویتەیی‮ ‬یاساناس و چاڤدێرێ سیاسی‮ ‬بەحسكر‮: ‬پێشمەرگە لگور دستوری‮ ‬یێ هاتیە پێناسەكرن ب زێرەڤانێن سنوری‮ ‬یێن هەرێما كوردستانێ،‮ ‬پێشمەرگە ژی‮ ‬یێ بەرەڤانیێ ژ سنورێ خۆ دكەت،‮ ‬دیسان وەزراتا پێشمەرگە سەر ب حكومەتا هەرێمێ ڤەیە و‮ ‬یاسایەكا رێكخستی‮ ‬هەیە،‮ ‬واتە پێشمەرگە لەشكەرەكێ نیزامی‮ ‬و دستورییە،‮ ‬مەزنترین بەلگە ژی‮ ‬جەككرن و هنارتنا پێشمەرگەیی‮ ‬بۆ پشكداریكرنێ دخولێن لەشكەریدا ل وەلاتێن زیلهێز،‮ ‬حكومەتا عیراقێ باش دزانیت پێشمەرگەیێ دستوری‮ ‬یە،‮ ‬ژبەر هندێ‮ ‬یێ دان و ستاندنێ دگەل وەزارەتا پێشمەرگە دكەت چ ژ روویی‮ ‬لەشكەری‮ ‬یان سیاسی‮ ‬ڤە بیت‮.‬
عەقید ئازاد سەعید سندی‮ ‬فەرماندێ بەتالیونا ئێك ل سوپایێ چوار سەر ب فەرماندەیا دهۆك ڤە،‮ ‬راگەهاند‮: ‬ئەڤ شەرە نە وەكی‮ ‬یێ داعشێ‮ ‬یە،‮ ‬جونكی‮ ‬داعشێ ب پیا دهاتن و خو دپەقاند‮ ‬یان ب ئوتومبێلێن بێ خیر دهاتن،‮ ‬شەرێ حەشدا شەعبی‮ ‬هەمی‮ ‬ب جەكێ ئەمریكی‮ ‬یە و ب ئەمبرانزا‮ ‬و ب جەكێ گران‮ ‬یێ ئیرانی،‮ ‬لڤی‮ ‬میحوەری‮ ‬بەری‮ ‬چەند رۆژەكا شەرەكێ گران روودا ژ عین عویز و مەحموودیە و خرابكیێ‮ ‬3600 راجمە و توپ و بەركێن‮ ‬128 دانانە پێشمەرگەیی،‮ ‬لێ پێشمەرگەیی‮ ‬زەرەكا مەزن لوان دایە تا‮ ‬60 ‮ ‬تەرمێن وان گەهاندینە ئیرانێ و ژبلی‮ ‬یێن عیراقێ دئەنجامدا سوپایێ عیراقێ دگەل جەتێن ئیرانێ شكەستن خوار،‮ ‬نوكە ئەم‮ ‬یێ شەرێ سێ وەلاتان دكەین‮ (‬عیراق‮- ‬تركیا‮- ‬ئیران‮)‬،‮ ‬شیعە‮ ‬یێ فەتوایی‮ ‬ددەن و وان و ئەو‮ ‬یێ شەرێ مە كوردان دكەن،‮ ‬لێ پێشمەرگەیی‮ ‬ئیرادا وی‮ ‬ب خودێ و ب خەلكێ كوردستانێ موكمە،‮ ‬جونكی‮ ‬نوكە تلەفونا زاخۆ و دهۆك بكەم دێ تژی‮ ‬ڤی‮ ‬میحوەری‮ ‬خوبەخش بن و مل بملێ پێشمەرگەیی‮ ‬ڤە شەرێ دۆژمنان كەن،‮ ‬لێ سوپاس بۆ خودێ تا نوكە مە پێدڤی‮ ‬ب خوبەخشان نەبوویە‮.‬
موقەدم موراد شەرنەخی‮ ‬ئاخڤت‮: ‬ئەڤ شەرە ب هەماهەنگی‮ ‬دناڤبەرا عیراقێ و ئیرانێ دایە و ئارمانج ژناڤبرنا كوردایە،‮ ‬لێ پێشمەرگە سینگی‮ ‬وی‮ ‬گولە و چەپەرە بۆ بەرەڤانیكرنێ ژ ئاخا كوردستانێ و هەر دەم د ئامادە باشیێ دایە و براستی‮ ‬ژی‮ ‬شەرێ بەرەڤانیكرنێ دا دژی‮ ‬حەشدا شەعبی‮ ‬و سوپایێ عیراقێ ب جەكێ ئەمریكی‮ ‬پێشمەرگەیی‮ ‬مەزنترین هێز نیشا جیهانێ دا و بەرسڤا دۆژمنا ب توندیدا،‮ ‬ئەڤ شەرە مەزنترە ژ‮ ‬یێ تیرۆرستێن داعشێ‮.‬
مقدم‮ ‬غەریب سعدو،‮ ‬فەرماندێ فەوجا شەش سەر ب فەرماندەیا دهۆك ڤە دیاركر‮: ‬هەر دەم دبەرهەڤین خۆ گوری‮ ‬ڤێ ئاخێ بكەین،‮ ‬ددووماهیك شەردا وان هزر دكر دێ پێشمەرگەیی‮ ‬ژناڤبەن لێ ب مورال و بیروباوەر پێشمەرگەیی‮ ‬جارەكا دیتر حەشدا شەعبی‮ ‬و سوپایێ عیراقێ شكاندن،‮ ‬دەمێ شەر ل بردێ هاتیەكرن و پێشمەرگەیی‮ ‬سەركەفتنەكا مەزن توماركری،‮ ‬ئێكسەر هەڤسەنگیا سیاسی‮ ‬و لەشكەری‮ ‬هاتە گهورین،‮ ‬ئینا وان ژلایێ محمودیێ عوین عویز و تلسقوف ڤە هەولادا هێرش بكەنە سەر هێزێن پێشمەرگەیی،‮ ‬شەرەكێ گران و دژوار بوو لێ پێشمەرگەیی‮ ‬ب مورالەكا مەزنڤە بەرخودانی‮ ‬كر،‮ ‬جونكی‮ ‬پرۆژەیێ وان گەلەكێ بەرفرەه بوو،‮ ‬كۆ برێكا سحێلا بجێنە دناڤ زاخۆ دا و بگەهنە ئیبراهیم خەلیل،‮ ‬لێ پێشمەرگەیی‮ ‬بەرسڤەكا دژوار دایێ و بدیتنا من شكەستنا وان دڤان شەراندا لسەر ئاستێ عیراقێ و رۆژهەلاتا ناڤین و جیهانێ هەمیێ راگەهاند و كوردا چەسپاند مللەتەكێ خوراگرن ددژوارترین كاوداندا،‮ ‬جونكی‮ ‬ب جەكەكێ بچوویك شەرێ جەكەكێ مەزن دكر وەكی‮ ‬یێ ئەمریكی‮ ‬و بەرسینگێ زێلهترین هێزا تیرورێ گرتی،‮ ‬هەر ئەڤەیە شورەش و دەستكەفت و سەركەفتن و بشێن مللەتان ژناڤببەن و دەلەتا پریڤەبەن‮.‬
رائید بشار فەریق زێباری‮ ‬ئامر سری‮ ‬یێ فەوجا‮ ‬2 یێ دژە تیرۆرا دهۆكێ راگەهاند‮:" ‬پێشمەرگە‮ ‬یێ ب مورالەكا بلند گازی‮ ‬ئازادیا كوردستانێ دكەت،‮ ‬حەشدا شەعبی‮ ‬و سوپایی‮ ‬عیراقێ ب دوو لایەنانڤە هێرشكرە سەر هێزێن پێشمەرگەیی‮ ‬و دئەنجامدا شكەستن دیت و نوكە ژی‮ ‬فەرمانا شەری‮ ‬بهیت پێشمەرگە دێ شیت وان دەڤەرێن هاتیە داگیركرن‮ ‬یان ب هەماهەنگی‮ ‬هاتینە بەردان رزگار بكەنەڤە و داستانان تومار بكەن‮.‬
رائید سامی‮ ‬باپیر ژ هێزا دژە تیرۆرا دهۆكێ گۆت‮: ‬نوكە ل پێشیا چەپەراینە و دبەرهەفین بەرامبەر هەر دوژمنەكی‮ ‬ب راوستین،‮ ‬رادەستكرنا كەركوكێ بۆ دەستێ حەشدا شەعبی‮ ‬و سوپایێ عیراقێ نەخوشیەكا مەزن بوو و پێشمەرگە و هەمی‮ ‬خەلكێ كوردستانێ پێ ئێشا،‮ ‬لێ سەرارایی‮ ‬هندێ خەلكێ مە خوراگر بوو و هەر دەم پێشتەڤانێن پێشمەرگەیی‮ ‬نە و بووینە ئەگەر مورالا پێشمەرگەیی‮ ‬بلند بمینیت،‮ ‬ژبەر باوەریا خەلكێ كوردستانێ ب عەقیدا پێشمەرگەیی‮ ‬و ئەم ژی‮ ‬شیاینە ب توندی‮ ‬بەرسڤا دۆژمنا بدەینەڤە بگرە ژ بردێ تا عین عویز و مەحموودیێ،‮ ‬هیڤیی‮ ‬یە سەركردایەتیا سیاسی‮ ‬پەرژەوەندیێن تایبەت بدانە لایەكی‮ ‬و‮ ‬یێن مللەتی‮ ‬بدانە لایەكی‮ ‬دیتر دا كوردستانێ ژهەر مەترسیەك و پلانەكێ ب پارێزن‮ ‬
پێشمەرگە هاریوان رەشید خویاكر‮: ‬ئەم ژبۆ پاراستنا مللەتێ كوردستانێ ئەڤرۆ دچەپەرێن بەرخودانیێ داینە نە وەك هندەكان بووینە گرێ گرتیێن مللەتێن دۆژمن و مە ژی‮ ‬دەستدرێژی‮ ‬نەكریە لسەر چ مللەتان و دێ بەرسڤا هەر دۆژمنەكی‮ ‬ب مورال ددەین،مە دڤێت كوردستان‮ ‬یا ئارام و ئازاد بیت داكۆ مللەت بیت،‮ ‬سینگێ مە چەپەرە بۆ پاراستنا كوردستانێ و دخوازم خەلكێ مە هەردەم‮ ‬یێ بهێز بی‮ ‬و هاریكار بیت دگەل دەزگەهێن ئەمین‮ (‬پولیس‮- ‬ئاسایش‮- ‬پاراستن‮) ‬دا نافخویا مە ژی‮ ‬یا پاراستی‮ ‬بیت،‮ ‬پێشمەرگە دێ‮ (‬دێ ئاخا خوین ژ برسا و ڤێ ئاخێ بەرنادەین ژ ترسا‮)‬،‮ ‬جونكی‮ ‬ترس و برس نە هەڤالن دگەل پێشمەرگەیی،‮ ‬بتنێ ب سەرپەرشتیا سەرۆكێ پێشمەرگە‮ (‬مەسعود بارزانی‮) ‬دێ هەمی‮ ‬پیلانێن دوژمنان ژناڤبەین‮.‬

 
چاپکردن   Share گه‌ڕانه‌وه‌