2017-11-11

ئەمڕۆ ئیوارە‮ ‬یانەی‮ ‬شەترەنجی‮ ‬خانزاد پاڵەوانێتییەكی‮ ‬شەترەنجی‮ ‬كلاسیكی‮ ‬كراوە بۆ شەترەنجزانانی‮ ‬ناوخۆ لە شاری‮ ‬هەولێر دەكاتەوە و بۆ ئەم مەبەستەش داوا لەسەرجەم شەترەنجزانان دەكات كە دەتوانن بەشداری‮ ‬تێدا بكەن،‮ ‬پاڵەوانێتییەكەش بەسیستمی‮ ‬سویسری‮ ‬حەفت راوند و‮ ‬45 خولەك و‮ ‬10چركە بۆ هەر جوولەیەك‮.‬

سەرچاوەیەك لە‮ ‬یانەی‮ ‬شەترەنجی‮ ‬خانزاد بە خەباتی‮ ‬راگەیاند كە مەبەست لە كردنەوەی‮ ‬ئەو پاڵەوانێتییە لەم كاتەدا زیاتر بۆ ئەوە دەگەڕێتەوە كە بەهۆی‮ ‬ئەو بارودۆخەوە ماوەیەكە شەترەنجزانانی‮ ‬كوردستان لە‮ ‬یاری‮ ‬و پاڵەوانێتیدا دابڕاون و ئەمەش دەرفەتێكە بۆ ئەوەی‮ ‬بەردەوام بن و دانەبڕێن،‮ ‬هەروەها گوتی‮: ‬پاڵەوانێتییەكەش لەكاتێكدا بەڕێوەدەچێت كە رەچاوی‮ ‬كاتەكە و باری‮ ‬قوتابیان كراوە،‮ ‬كە تەنها لە رۆژانی‮ ‬پێنج شەممە و هەینی‮ ‬بەڕێوەدەچێت،‮ ‬واتە رۆژانی‮ ‬پێنج شەممە‮ ‬یەك راوند و رۆژانی‮ ‬هەینیش دوو راوند بەیانیان و ئێواران بەڕێوەدەچێت‮.‬

جێی‮ ‬باسە ئەمە‮ ‬یەكەمین پاڵەوانێتییە كە‮ ‬یانەی‮ ‬شەترەنجی‮ ‬خانزاد دوای‮ ‬هەڵبژاردنی‮ ‬سەرۆك و دەستەی‮ ‬گشتی‮ ‬یانەكە دەكرێتەوە كە دەرفەتێكە بۆ شەترەنجزانان بۆ بەردەوام بوونیان لە بەشداریكردنی‮ ‬پاڵەوانێتییەكان و وەك راهێنانێكیشە بۆ ئەوان‮.‬

 
چاپکردن   Share گه‌ڕانه‌وه‌