2017-11-12

خەبات‮:‬ بڕیار كۆیی

بەهۆی‮ ‬قەیرانی‮ ‬دارایی‮ ‬و بارودۆخی‮ ‬ئێستای‮ ‬هەرێمی‮ ‬كوردستان كڕین و فرۆشتنی‮ ‬ئۆتۆمۆبێل لە پێشانگاكانی‮ ‬ئۆتۆمۆبێل لە هەرێمی‮ ‬كوردستان كەمی‮ ‬كردووە و بەپێی‮ ‬گوتەی‮ ‬كاسبكارانی‮ ‬پێشانگاكانی‮ ‬ئۆتۆمۆبێل ئێستا خواست لەسەر كڕینی‮ ‬ئۆتۆمۆبێلی‮ ‬كیلۆمەتر سفر زۆر كەمی‮ ‬كردووە و بەمەش‮ ‬ڕێژەی‮ ‬هاوردەكردنی‮ ‬ئۆتۆمۆبێلی‮ ‬تازە بۆ‮ ‬هەرێمی‮ ‬كوردستان وەكو پێشووتر نییە و كەمی‮ ‬كردووە‮.‬

سیروان‮ ‬ڕواندزی‮ ‬كە كاری‮ ‬كڕین و فرۆشتنی‮ ‬ئۆتۆمۆبێلی‮ ‬بەكارهاتوو دەكات لە نێو بازاڕی‮ ‬پێشانگاكانی‮ ‬ئۆتۆمۆبێل لە شاری‮ ‬هەولێر ئاماژە بۆ‮ ‬ئەوە دەكات كە زیاتر لە مانگێكە بەهۆی‮ ‬بارودۆخی‮ ‬هەرێمی‮ ‬كوردستان و شەڕی‮ ‬پێشمەرگە و چەكدارانی‮ ‬حەشدی‮ ‬شەعبی‮ ‬و هێزە عێراقییەكانەوە بازاڕیان نییە و‮ ‬ڕۆژانە ژمارەیەكی‮ ‬كەم كڕین و فرۆشتنی‮ ‬ئۆتۆمۆبێل لە پێشانگاكەیان تۆماردەكرێت بەڵك و هەندێك‮ ‬ڕۆژ هیچ كڕین و فرۆشتنێك ئەنجام نادرێت‮. ‬

ئەو كاسبكارە ئاماژە بۆ‮ ‬ئەوەش دەكات كە لە ساڵانی‮ ‬ڕابردوو و تاوەكو پێش چەند مانگێكیش خەڵك ئارەزوویان لە ئۆتۆمۆبێلی‮ ‬كیلۆمەتر سفر بووە و خواستێكی‮ ‬زۆری‮ ‬لەسەر بووە كەمتر لە ئێستا خواست لەسەر ئۆتۆمۆبێلی‮ ‬بەكارهاتوو هەبوو بەڵام ئێستا بە دەگمەن كەسانێك ئۆتۆمۆبێلی‮ ‬كیلۆمەتر سفر دەكڕن ئەمەش بەهۆی‮ ‬خراپی‮ ‬باری‮ ‬دارایی‮ ‬هاووڵاتیانەوەیە‮.‬

نەشوان‮ ‬ڕەشید كە لە‮ ‬یەكێك لە پێشانگاكانی‮ ‬تایبەت بە فرۆشتنی‮ ‬ئۆتۆمۆبێلی‮ ‬كیلۆمەتر سفربەكارنەهاتوو‮ ‬كار دەكات دەڵێ‮: "‬بەهۆی‮ ‬بێبازاڕیمانەوە بەنیازین لەمەودوا تەنیا ئۆتۆمۆبێلی‮ ‬بەكارهاتوو بكڕین و بفرۆشین ئەمەش بەهۆی‮ ‬نزمی‮ ‬نرخەكەی‮ ‬لەچاو ئۆتۆمۆبێلی‮ ‬كیلۆمەتر سفر چونكە خەڵك ئێستا باری‮ ‬داراییان خراپە و ناتوانن پارەی‮ ‬زۆر بە ئۆتۆمۆبێل بدەن‮".‬

ئاماژەی‮ ‬بۆ‮ ‬ئەوەش كرد كە ئێستا‮ ‬ڕێژەی‮ ‬هاوردەكردنی‮ ‬ئۆتۆمۆبێلی‮ ‬تازە و كیلۆمەتر سفر كەمی‮ ‬كردووە ئەمەش هەر بەهۆی‮ ‬كەمی‮ ‬خواستە لەسەر ئەو جۆرە ئۆتۆمۆبێلانە‮ .‬

ئیبراهیم هیرانی‮ ‬پسپۆری‮ ‬ئابووری‮ ‬لەبارەی‮ ‬هۆكاری‮ ‬كەمبوونەوەی‮ ‬لەسەر خواستی‮ ‬ئۆتۆمۆبێلی‮ ‬بەكارنەهاتووەوە ئاشكرایكرد كە هۆكارەكەی‮ ‬دەگەڕێتەوە بۆ‮ ‬ئەوەی‮ ‬نرخی‮ ‬هەندی‮ ‬ئۆتۆمۆبێلی‮ ‬بەكارنەهاتوو دوو هێندەی‮ ‬ئۆتۆمۆبێلێ بەكارهاتووە و ئێستاش بەهۆی‮ ‬قەیرانی‮ ‬دارایی‮ ‬و بارودۆخی‮ ‬هەرێمی‮ ‬كوردستانەوە و پارەیەكی‮ ‬كەم لەدەستی‮ ‬هاووڵاتیان بە گشتی‮ ‬و فەرمانبەرانی‮ ‬حكوومەت بە تایبەتی‮ ‬هەیە بۆیە ناچارن ئۆتۆمۆبێلی‮ ‬كۆن و بەكارهاتوو بكڕن‮.‬

سەبارەت بە كەمبوونەوەی‮ ‬ڕێژەی‮ ‬هاوردەی‮ ‬ئۆتۆمۆبێلی‮ ‬كیلۆمەتر سفرەوە ناوبراو گوتی‮: "‬كاریگەری‮ ‬لەسەر داهاتی‮ ‬ناوخۆ‮ ‬دەبێت،‮ ‬بەڵام بە دوو شێوە‮ ‬یەكەمیان بەهۆی‮ ‬ئەوەی‮ ‬بڕێك كەمتر پارەی‮ ‬هەرێمی‮ ‬كوردستان دەچێتە دەرەوە ئەمە سوودی‮ ‬بۆ‮ ‬داهاتی‮ ‬ئێمە هەیە و پارەیەكی‮ ‬زیاتر لە ناوخۆ‮ ‬دەمێنێتەوە،‮ ‬بەڵام لایەنێكی‮ ‬دیكەی‮ ‬بابەتەكە بریتییە لە ئەوەی‮ ‬بەو هۆیەوە ژمارەیەك كاسبكار بێكار دەمێننەوە و چونكە بژێوی‮ ‬ژیانیان لەسەر فرۆشتنی‮ ‬ئۆتۆمۆبێلی‮ ‬تازە و كیلۆمەتر سفرە بەمەش رێژەی‮ ‬بێكاری‮ ‬زاتر دەبێت‮".‬

 
چاپکردن   Share گه‌ڕانه‌وه‌