2017-11-12

خه‌بات: هاوار مورتكەیی

پاڵەوانێتی‮ ‬یۆرتۆن كەپی‮ ‬جیهانی‮ ‬كە لەشجوانانی‮ ‬17 ولات بەشداریان تێداكردبوو،‮ ‬بەگەورەترین رێژەی‮ ‬بەشداری‮ ‬دەژمێردرێت تا ئێستا،‮ ‬پاڵەوانێتییەكەش لە واشنتۆن بەڕێوەچوو،‮ ‬كچیكی‮ ‬وڵاتی‮ ‬هۆڵەندا پلەی‮ ‬یەكەم و كچێكی‮ ‬ئەمەریكی‮ ‬پلەی‮ ‬دووەم و كچێكی‮ ‬كوردیش پلەی‮ ‬سێیەمی‮ ‬ئەم پاڵەوانێتییە بەدەست دەهێنن،‮ ‬ئاریان سەعیدی‮ ‬ئەو كچە كوردەیە كە بەشداری‮ ‬لەو پاڵەوانێتییەدا دەكات و بە ئاست و نمایشە جوانەكانی‮ ‬هەمووان سەرسام دەكات،‮ ‬ئاریان خان لە قۆناغی‮ ‬شیاندن و سەركەوتن بۆ فایناڵی‮ ‬پاڵەوانێتی‮ ‬یۆرتۆن كەپی‮ ‬نێودەوڵەتی،‮ ‬ركابەری‮ ‬300 كچە لەشجوان جیهانی‮ ‬كرد كە پلیتێكی‮ ‬سەركەوتن بەدەست بهێنێت كە لە ڤێرجینیا ركابەرییەكان بەڕێوەچوو،‮ ‬ئەو كچە كوردە نەوەك هەر پلیتی‮ ‬فاینال،‮ ‬بەڵكو توانی‮ ‬پلەی‮ ‬یەكەم بەدەست بهینێت و سەركەویت بۆ فاینال،‮ ‬لە فاینالیش ئاریان كە لە دریسی‮ ‬سەر سینگی‮ ‬نوسیبووی‮ ‬بژی‮ ‬كوردستان‮ ‬جامی‮ ‬سێیەمی‮ ‬پاڵەوانێتییەكەی‮ ‬بەرزكردەوە‮.‬

رۆژنامەی‮ ‬خەبات پەیوەندی‮ ‬بە ئاریان سەعیدی‮ ‬دەكات لە ئەمەریكا‮ ‬كردوو سەبارەت بەو پاڵەوانێتییە لە لێدوانیكی‮ ‬تایبەتدا گوتی‮: ‬بۆ من زۆر گرنگ بوو كە بتوانم بگەمە فاینالی‮ ‬پاڵەوانیتی‮ ‬یۆرتۆن كەپی‮ ‬لەشجوانی‮ ‬و ئەو دەرفەتەم بۆ بڕەخسێ كە‮ ‬یەكێك لە پلەكانی‮ ‬پێشەوەی‮ ‬جیهانی‮ ‬بەدەست بێنم‮.‬

هەروەها ئاریان سەعیدی‮ ‬گوتی‮: ‬ئەگەرچی‮ ‬ماوەی‮ ‬نێوان پاڵەوانێتی‮ ‬شیاندن و كۆتایی‮ ‬پاڵەوانێتییەكە كەمتر لە هەفتەیەك بوو،‮ ‬كە ماوەی‮ ‬خۆ ئامادەكرن زۆر كەم بوو،‮ ‬بەڵام خۆشبەختانە لەنێو بەناوبانگترین كچانی‮ ‬جیهان من وەكو كچە كوردێك توانیم پلەی‮ ‬سێیەم بەدەست بهێنم لەدوای‮ ‬كچانی‮ ‬هۆڵەندا و ئەمەریكا،‮ ‬كە ئەمەش بۆ من زۆر گرنگ بوو لەنێو‮ ‬17 وڵاتی‮ ‬بەشدار ئەو ئەنجامە باشە بەدەست بهێنم،‮ ‬بەتایبەتیش كە ئەم وەرزشە بەم واییە بۆتە جێی‮ ‬بایەخ و سەرنجی‮ ‬وڵاتان،‮ ‬كە دەبینین لەم چەند ساڵانەی‮ ‬دوایی‮ ‬بەراورد بە ژمارەی‮ ‬بەشداربووان لە رابردوودا زۆر جیاوازی‮ ‬تێكەوتووە و هەوادارانی‮ ‬لەسەرانسەری‮ ‬دونیادا روو لە زیادبووندایە،‮ ‬ئەمە جگە لە بایەخی‮ ‬میدیاكان بەم وەرزشە؟

ئەوەی‮ ‬ئاریانی‮ ‬زۆر نیگەران كردبوو لەو پاڵەوانێتییەدا ئەوەبوو كە بڕیاریدا بوو لەسەر ستێجی‮ ‬پاڵەوانێتییەكە ئاڵای‮ ‬كوردستان بەرزبكاتەوە،‮ ‬بەڵام لەوكاتەدا دەستی‮ ‬نەكەوتبوو،‮ ‬بۆیە تەنها بەوراگەیشت كە لەسەر دریسی‮ ‬بنوسێت بژی‮ ‬كوردستان،‮ ‬چونكە هیچ سپۆنسەرێكی‮ ‬نییە و هەمووی‮ ‬لەسەر خەرجی‮ ‬خۆی‮ ‬بەشداری‮ ‬دەكات،‮ ‬ئەو كچە لەشجوانە كوردە دەڵێت‮: ‬بەردەوام دەبم لەم وەرزشە و دەمەوێ لەرێگای‮ ‬ئەم وەرزشەوە بەهەموو جیهان بڵێم كە ئافرەتی‮ ‬كوردیش سەرباری‮ ‬هەموو ئەو سنووربەندی‮ ‬و دیاردە كۆمەڵایەتییانەی‮ ‬سنوورەكانیان،‮ ‬خاوەن توانا و بەهرەی‮ ‬خۆیانن و دەتوانن لەهەموو بوارەكانەوە شان لە شانی‮ ‬ئافرەتانی‮ ‬دونیا بدەن‮.‬

لە كۆتاییدا گوتی‮: ‬بۆ پاڵەوانێتی‮ ‬داهاتوو خۆم بەباشی‮ ‬ئامادە دەكەم و دەرفەتی‮ ‬باش لەبەردەممدایە،‮ ‬بۆ ئەوەی‮ ‬ئەمجارە پلەی‮ ‬یەكەم بەدەست بهێنم هەرچەندە ئەمە ئاسان نییە و كاری‮ ‬دەوێت بەتایبەتیش بۆ منی‮ ‬كچە كوردێك كە لە ئەمەریكام و سەرقالی‮ ‬كارو لەهەمان كاتیش خوێندن،‮ ‬بەڵام دەجەنگم بۆ ئەوەی‮ ‬بەم خەونەم بگەم‮.‬

جێی‮ ‬باسە ئاریان تاكە لەشجوانی‮ ‬ئافرەتی‮ ‬كوردە لەو ماوەیە بەسەركەوتوویی‮ ‬دەركەوتووە،‮ ‬جیا لەمەش جومبازێكی‮ ‬بەتوانایە و لەم وەرزەش لەچەندین پاڵەوانێتیدا بە ئاست بەرزی‮ ‬دەركەوتووە،‮ ‬بەڵام ئەوەی‮ ‬جێی‮ ‬سەرنج بێت ئەوەیە كە هیچ كەس و لایەنێك سپۆنسەری‮ ‬نییە لەو پاڵەوانێتییانەدا و لەسەر ئەركی‮ ‬خۆی‮ ‬بەشداری‮ ‬دەكات،‮ ‬ئەمە لەكاتێكدا كە قوتابی‮ ‬كۆلێژە و كاریش دەكات‮.‬

 
چاپکردن   Share گه‌ڕانه‌وه‌