2017-11-14

خەبات-مەریوان نەقشبەندی‮:‬
سیاسەتوان و سەركردەی‮ ‬ناسراوی‮ ‬لوبنان سەمیر جەعجەع داوا لەحزبوڵای‮ ‬لوبنان دەكات پێش ئەوەی‮ ‬وڵاتەكە رووبەڕووی‮ ‬كارەسات بێتەوە بارودۆخی‮ ‬خۆی‮ ‬و شێوازی‮ ‬كاركردنی‮ ‬لەم وڵاتەدا راست بكاتەوە‮. ‬سەمیر جەعجەع لە لێدوانێكی‮ ‬تایبەت بە رۆژنامەی‮ ‬خەبات باسی‮ ‬رۆڵی‮ ‬خراپی‮ ‬ئێران و گروپە هاومەزهەب و هاوپەیمانەكانی‮ ‬لە رۆژهەڵاتی‮ ‬ناوەڕاست دەكات و دەڵێ‮: ‬هۆكاری‮ ‬دەستلەكاركێشانەوەی‮ ‬سەعد حەریری‮ ‬لە سعودیەوە ئاماژەیەكی‮ ‬روونە بۆ رۆڵی‮ ‬راستەوخۆ و كاریگەریی‮ ‬حزبوڵا لە لوبناندا كە خەریكە وڵات دەكاتە موستەعمەرەیەكی‮ ‬ئێران و بەیەكجار كولتوور و سیاسەت و هەموو تایبەتمەندیە مەزهەبیەكانی‮ ‬ئێران بەسەر هەموو خەڵكی‮ ‬لوبنان ساغ‮ ‬دەكاتەوە‮. ‬گوتیشی‮: ‬ئێستا خەریكە لوبنان دەتەقێتەوە و ئەگەر بەزووترین كات حزبوڵا نەبێتەوە بەحزبێكی‮ ‬سیاسی‮ ‬مەدەنی‮ ‬لوبنانی‮ ‬و لە ئەجێنداكانی‮ ‬ئێران دوورنەكەوێتەوە ئەوا دەبێ چاوەڕێی‮ ‬ئایندەیەكی‮ ‬نادیار بكەین بۆ لوبنان‮. ‬بۆیە سەمیر جەعجەع داوای‮ ‬لەحەسەن نەسرولڵا كرد بەزووترین كات و تا كارلەكار نەترازاوە خۆی‮ ‬راست بكاتەوە و ناوچەكە لەشەڕێكی‮ ‬كارەساتبار دووربخاتەوە،‮ ‬لەكۆتایی‮ ‬قسەكانیشیدا جەعجەع گوتی‮: ‬من دڵنیام ئەگەر هەژموونی‮ ‬ئێران لەسەر حزبوڵا لابچێت ئەوا سەعد حەریری‮ ‬دەگەڕێتەوە لوبنان و لەدەستلەكاركێشانەوەكەشی‮ ‬پاشگەز دەبێتەوە‮. ‬

 
چاپکردن   Share گه‌ڕانه‌وه‌