2017-12-03

خه‌بات: ‬هاوار مورتكەیی

راسمیتا كوماری‮ ‬پاترۆ كچە شەترەنجزانێكی‮ ‬وڵاتی‮ ‬هیندە،‮ ‬بەشێوەیەك شەترەنجی‮ ‬خۆش دەوێ كە وەك هاوڕێی‮ ‬سەیری‮ ‬دەكات و دەڵێت تا مردن لەگەڵی‮ ‬دەبم،‮ ‬راسمیتای‮ ‬تەمەن‮ ‬16 ساڵ كە لە شاری‮ ‬ئۆدیشا دەژیت،‮ ‬لە وەلامی‮ ‬چەند پرسیارێكی‮ ‬رۆژنامەی‮ ‬خەبات ئاماژەی‮ ‬بە خۆشەویستی‮ ‬خۆی‮ ‬بۆ شەترەنج و خەونی‮ ‬داهاتووی‮ ‬لەم‮ ‬یارییەدا دا و رایدەگەیەنێت كە شەترەنجی‮ ‬زۆر حۆش دەوێت‮.‬

راسمیتا كە خاوەنێ ریتینگی‮ ‬1060ی‮ ‬پۆلینی‮ ‬یەكێتی‮ ‬شەترەنجی‮ ‬نێودەوڵەتییە گوتی‮: ‬لە مناڵییەوە شەترەنج دەكەم،‮ ‬بەو پێیەی‮ ‬خانەوادەكەم زۆر بایەخ بەو‮ ‬یارییە دەدەن و بەردەوام ئێمە لە ماڵەوە شەترەنج دەكەین،‮ ‬بەتایبەتیش لەگەڵ باوكم كە شەترەنجزانیكی‮ ‬بەتوانایە،‮ ‬بەلام درەنگ بەشدارییم لە پاڵەوانێتییەكان كرد و خۆشبەختانە لە دوای‮ ‬چەند دەسكەوتیكی‮ ‬ناوخۆ لەسەر ئاستی‮ ‬شارەكەم و هەروەها لەسەر ئاستی‮ ‬هیند،‮ ‬توانیم پۆلینی‮ ‬نیودەوڵەتی‮ ‬بەدەست بهێنم‮.‬

Rasmita Kumari Patro ‮ ‬هیندییە دەڵێت‮: ‬وەك پێویست نەمتوانییە هەموو كاتەكانی‮ ‬خۆم بۆ شەترەنج تەرخان بكەم،‮ ‬چونكە قوتابیم و لە زانكۆ دەخوێنم،‮ ‬بەڵام ئەمەش ئەوە ناگەیەنێت كە شەترەنجم خۆش نەوێت،‮ ‬نەخێر شەترەنج بۆ من وەك هاوڕێ وایە و تا مردن لەگەڵی‮ ‬دەبم،‮ ‬چونكە كاتێك شەترەنج دەكەم وا هەست دەكەم لەگەڵ هاوڕێیەكی‮ ‬نزیكمم،‮ ‬هەوڵ دەدەم لەگەڵ خوێندنەكەم درێژە بە شەترەنجیش بدەم،‮ ‬ئەمەش نەوەك بۆ دەسكەوتێك،‮ ‬بەڵكو تەنها لەبەر ئەوەی‮ ‬شەترەنجم خۆش دەوێت،‮ ‬هەر لە رێگای‮ ‬شەترەنجەوە دۆستایەتی‮ ‬و هاورێیەتییەكی‮ ‬زۆرم پەیدا كردووە،‮ ‬شەترەنج بۆ من ژیانە و لەو رێگایەوەش دەمەوێت بە خواستەكانم بگەم‮.‬

جێی‮ ‬باسە راسمیتا كوماری‮ ‬پاتۆ تا ئێستا لەسەر ئاستی‮ ‬وڵاتی‮ ‬هیند و لە پاڵەوانێتییەكانی‮ ‬خوار تەمەنەكانی‮ ‬خۆی‮ ‬كە بەشداری‮ ‬كردووە،‮ ‬توانیویەتی‮ ‬12 جار پلەكانی‮ ‬یەكەم و دووەم و سییەم بەدەست بهینێت كە‮ ‬5 جار بەشداری‮ ‬لەسەر ئاستی‮ ‬وڵاتی‮ ‬ئاسیا بووە كە لە وڵاتەكەی‮ ‬خۆی‮ ‬بەڕێوەچووە‮.‬

 
چاپکردن   Share گه‌ڕانه‌وه‌