2017-12-04

فارس قادر فەقێ عەبدوڵڵا‮❊‬
26‮ ‬ساڵە لێرە و لەوێ گوێبیستی‮ ‬وشەی‮ ‬سەربەخۆیی‮ ‬و مافی‮ ‬چارەی‮ ‬خۆنووسین و بە عەرەبییەكەی‮ (‬حق التقریر المصیر‮) ‬و جیابوونەوە و دەوڵەت و سەربەخۆیی‮ ‬و ئازادی‮ ‬لە هەمووشیان ناخ هەژێنتر و كاریگەرتر و گەورەتر دامەزراندنی‮ ‬دەوڵەتی‮ ‬كوردستانی‮ ‬مەزن دەبین‮. ‬یان هەر چوارپارچەی‮ ‬كوردستان كە گوێمان لێ دەبوو،‮ ‬بە تەوژم دەچەقینە ناو چاومان و هێرشی‮ ‬بۆ دەهێناین،‮ ‬و لە دەست و قاچ و ملمان دەئاڵا كە وای‮ ‬لێهاتبوو مرۆڤ شەرم بكا بچێتە ناو هەموو كۆڕ‮ ‬و كۆبوونەوەیەك،‮ ‬لەبەر ئەوەی‮ ‬لە وشەی‮ ‬سەربەخۆیی‮ ‬و مافی‮ ‬چارەنووس لە هەندێ بازاڕی‮ ‬ساختە و ناڕاستگۆیی‮ ‬و هەڵخەڵتێنراو و بازاڕی‮ ‬گاڵتەجاری‮ ‬سیاسی‮ ‬كەمترت باس بكرابایە،‮ ‬گوێت لێ نەدەگیرا و كاتێكیش ئێمەی‮ ‬پارتی‮ ‬ئۆتۆنۆمیمان دروشم بوو،‮ ‬پێیان دەگوتین وەرنە ئەولا،‮ ‬لاكەون مۆدێلی‮ ‬ئێوە نەماوە‮. ‬دەمانگوت ئەی‮ ‬چی‮ ‬بكەین و چی‮ ‬بڵێین؟ چیتان پێ باشە و ئێوە چی‮ ‬دەڵێن؟ دەیانگوت ئێمە سەربەخۆییمان دەوێ‮. ‬پێیان دەگوتین بۆ ئێوە عەیبە بڵێن ئۆتۆنۆمیمان دەوێت هەر بەو هێندەش لێمان نەگەڕان و تۆمەتیان بۆ درووست دەكردین و گوایە سەر بە فلان و فلان دەوڵەتین،‮ ‬ئەوكاتە پێمان گوتن باشە بەسەرچاو‮ ‬ڕازین،‮ ‬بەڵام چۆن داوای‮ ‬سەربەخۆیی‮ ‬بكەین؟‮! ‬هەرچەندە ئێمە دەمانزانی‮ ‬فشەفشە و تەنها بۆ كێبڕكێی‮ ‬ناشەریفی‮ ‬حزبایەتیانە‮. ‬وەك مەسەلەكە گوتەنی‮ ‬دەمانزانی‮ ‬بەردی‮ ‬گەورە نیشانەی‮ ‬لێنەدانە‮. ‬لەگەڵ ئەوەشدا گوتمان گەر ئێوە لە ئێران دڵنیا و بێشكن كە دۆستمانە،‮ ‬و توركیا گەر بڵێن و بگوترێت برامانە ئەی‮ ‬چی‮ ‬لە سەددام حوسێن بكەین خۆ ناڵێین ئەویش باوكمانە‮. ‬بەڕاستی‮ ‬ئەو سەردەم جورئەتی‮ ‬دەویست تەنها‮ (‬10 تا‮ ‬20‮)‬ كم لە دوژمن دووربێت و داوای‮ ‬مافی‮ ‬چارەی‮ ‬خۆنووسین و سەربەخۆیی‮ ‬بكەیت‮! ‬وەك مامۆستا بەڕێزەكانی‮ ‬ئایینی‮ ‬ئەفەرموون بەڕاستی‮ ‬شوكرانەی‮ ‬خوای‮ ‬دەوێت،‮ ‬دەبێت ئەمە چ جورئەت و جەرگێكی‮ ‬بوێت و پێویست بێت،‮ ‬چ هێز و عەقڵێك لە پەنای‮ ‬ئەم نهێنییە گەورەیەوە بێت‮. ‬لەگەڵ ئەوەی‮ ‬دەمانزانی‮ ‬ڕاست ناكەن و تاكێكە و موزایەداتی‮ ‬سیاسییمان لەگەڵ دەكەن‮. ‬بەڵام ئاسان نەبوو دژیان بوەستین،‮ ‬چونكە شیعارەكەیان زۆر پیرۆز و گەورە بوو و ئاسان نەبوو كە لەگەڵیان نەبی‮ ‬و دژیان بوەستی‮. ‬هەرچەندە دەمانزانی‮ ‬درۆزنن،‮ ‬بەڵام بەڕاستی‮ ‬لە وەتەرێكی‮ ‬حەساسیان دەدا،‮ ‬كەس جورئەتی‮ ‬نەدەكرد بڵێ لەگەڵتان نیم گەر بشت زانیبایە درۆیە‮. ‬بۆیە دەڵێم بەڕاستی‮ ‬حەق وایە ئەم فەترە زەمەنیەی‮ ‬سەرەتای‮ ‬ڕاپەڕین لەپاش ساڵانی‮ ‬1991 بەسەرەوە كە داوای‮ ‬سەربەخۆیی‮ ‬دەكرا ئەم فەترە ناو بنێین بە ساڵە زێڕینەكانی‮ ‬دروشم و ساڵانی‮ ‬موزایەداتی‮ ‬سیاسی‮ ‬و درۆ و فڕوفێڵ و دووڕوویی‮ ‬لە مێژووی‮ ‬گەلی‮ ‬كورد‮. ‬ئەوەش بۆ ئەو كەسانەی‮ ‬كە لە‮ ‬1991‮ ‬داوای‮ ‬سەربەخۆییان دەكرد،‮ ‬لە‮ ‬2017‮ ‬دەڵێن خەتەرە و نانمان نییە و پەرلەمان كارانەبۆتەوە و دوژمنمان زۆرن و دۆستان لەگەڵمان نین‮. ‬
بەڕاستی‮ ‬ئەم ئەكتەرە فەیلەسوفانە دەبێت لەپاش مردنیان مۆمیا بكرێن و بڵێن لەناو قەبریش وازتان لێناهێین و دێینە لاتان،‮ ‬پرسیار دەكەین و پێتان دەڵێن ئەوە چ عەقڵیەتێك بوو لە‮ ‬1991‮ ‬سەربەخۆییتان دەویست و لە كەس نەدەترسان لە‮ ‬2017‮ ‬دژی‮ ‬سەربەخۆیی‮ ‬بوون دەبێت ئەم حیكمەتە چی‮ ‬بێت‮. ‬دەبێ هەر لەبەر ئەوەنەبێت كە‮ ‬ڕێككەوتننامە خیانەتكارییەكەتان واژۆ كردبوو لەگەڵ پاسداران‮. ‬سەفقەی‮ ‬خیانەت تەواو كرابوو؟ پێدەچێت میللەت و ئێمە تێیدا بێئاگابووین،‮ ‬بۆیە ئێوە لەگەڵ سەربەخۆیی‮ ‬نەبوونە و‮ ‬یان لەبەر ئەم هۆیانەش نەبێت ؟‮!‬
وادیارە لە ساڵی‮ ‬1991‮ ‬كورد پەرلەمانی‮ ‬هەبووە،‮ ‬ئێمەی‮ ‬پارتی‮ ‬بیئاگا بووینە لێی‮! ‬یان سەددام‮ ‬ڕووخا بوو بۆیە ئێوە لە بنپاڵی‮ ‬سەددام وا زمان درێژبوون‮. ‬دیارە ئەوكات نزیكەی‮ ‬30‮ ‬قونسوڵییە لە هەولێر هەبووە و سەرووی‮ ‬20‮ ‬زانكۆ هەبووە لە كوردستان‮! ‬بەڵێ دیارە نەوتی‮ ‬خۆشمان دەفرۆشت لە‮ ‬1991‮!‬ بەڵێ وایە دیارە كوردستان هەمووی‮ ‬ئازاد بوو‮. ‬دیارە ئێمە بێئاگا بووینە و كەركووكیش لە دەست كورد بوو ریفراندۆمیشمان كردبوو،‮ ‬بەڵێ وابوو لە ساڵی‮ ‬1991‮ ‬ڕۆژانە سەرۆكی‮ ‬وڵاتێك لە ئەوروپاوە دەهات بۆ هەولێر‮! ‬بەڵێ وابووە فڕۆكەخانەكەی‮ ‬ماڵی‮ ‬فلان و كاكی‮ ‬فلان فڕۆكەی‮ ‬لێدەنیشت‮! ‬و‮ ‬ڕۆژانە سەركردەكانی‮ ‬كورد دەعوەت دەكران و سەرۆك دەوڵەتەكان فەرشی‮ ‬سووریان بۆ‮ ‬ڕادەخستن دیارە وابووە‮! ‬بۆیە ئەوكات ئەم پاڵەوانە منافق و خائین و درۆزن و ئالیانە لە سەربەخۆیی‮ ‬كەمتریان نەدەویست دەبێ وابێت‮! ‬یان ئەم درۆزنانە تەنها ئالەت بوون ئەگینا ئەم پاڵەوانانە گەر هەشبووبن خۆفرۆش و نۆكەری‮ ‬دوژمنان و بێگانان بوونە‮. ‬گەر وانییە دەپرسین و دەڵێین،‮ ‬چۆن دەبێ ساڵی‮ ‬1991‮ ‬كە ئەو دروشمە گەورە و پیرۆزە و ئەو زمانە درێژەیان هەبووە،‮ ‬لە خۆیان و لە داواكردنی‮ ‬دەوڵەتەكەیان نەترسابن؟‮ ‬یان‮ (‬خەونی‮ ‬حوشتر‮) ‬بووە و هیچیتر‮! ‬یان دەبێ فریو و درابن بۆ خزمەتی‮ ‬بێگانە و ئەجێندای‮ ‬دوژمنان،‮ ‬یان‮ (‬جاش تحت الگلب‮) ‬بوون و دەبوایە هەموو شتێك بكەن بۆ ئاغاكانیان و و ئاغاكان ئەو جاشانەیان وا بەخێوكردووە ئەو دەورەیان پێداون وەك ئەكتەرە دەمووچاو داپۆشراوەكان و بەكرێگیراو و پولەكی‮ ‬و خۆفرۆشەكان بۆ خزمەتی‮ ‬گەورەكان ئەو كارەیان دەكرد‮. ‬یان‮ ‬ڕاستییەكەی‮ ‬ئەوە بووە،‮ ‬دوژمنان درووستیانكردوون،‮ ‬ڕێگەیان پێداون هەموو قسەیەك بكەن و بڵێن دژی‮ ‬پارتی‮ ‬و بارزانی،‮ ‬تا پایەی‮ ‬ئەم حزبە لەناو جەماوەر و خەڵك كەم‮ ‬یان لەق بكەن و بە میللەت بڵێن‮. ‬ئەوانە داوای‮ ‬سەربەخۆیی‮ ‬دەكەن،‮ ‬پارتی‮ ‬و بارزانی‮ ‬ڕێگەیان پێنادەن و‮ ‬یان ئەم جاشانە وەك هەردوو حزبە كارتۆنییەكەی‮ ‬سەردەمی‮ ‬بەعسی‮ ‬لێ بكەن،‮ ‬بیانكەن بە دیلی‮ ‬پارتی‮ ‬و رەفیق حزبییە بەعسییەكان بكەن بە بەدیلی‮ ‬پارتی‮ ‬و ماڵی‮ ‬بارزانی‮ ‬كە شوكر بۆ‮ ‬یەزدان‮ ‬یاریەكی‮ ‬دۆڕاوی‮ ‬دوژمنان و ئەم تاقمە خۆفرۆشە بوو ئەمڕۆ بۆ میللەت ئاشكرا بوو و شكستی‮ ‬هێنا‮. ‬
نازانم چ وەڵامی‮ ‬تر هەیە دونیا بە گشتی‮ ‬و و شەقامی‮ ‬كوردی‮ ‬بەتایبەتی‮ ‬پێی‮ ‬ڕازی‮ ‬بێت‮! ‬من وەڵامی‮ ‬ترم نییە لەو وەڵامانە زیاتر ئەو قسانە لە ساڵی‮ ‬1991‮ ‬تا ئێستا تەنها قسەی‮ ‬درۆ و تاكتیكی‮ ‬خیانەتكاری‮ ‬بوونە،‮ ‬بە هەموو شێوازێك تەنها منافەسەی‮ ‬ناشەرعی‮ ‬بوونە،‮ ‬بۆ خزمەتكردنی‮ ‬دوژمنانی‮ ‬كورد بوونە و هیچیتر‮. ‬ئەم قسە زلانە‮ (‬بلقی‮ ‬سەر ئاو بوون‮) ‬منافەسەیەكی‮ ‬ناشەرعی‮ ‬بوون،‮ ‬خافلاندن و مەشغولكردنی‮ ‬عەقڵی‮ ‬كوردبوون،‮ ‬چاندنی‮ ‬تۆوی‮ ‬دووبەرەكی‮ ‬بوون،‮ ‬چاندنی‮ ‬بیر و باوەڕی‮ ‬دژایەتی‮ ‬بوون،‮ ‬درووستكردنی‮ ‬و چاندنی‮ ‬شك و بێ بڕوایی‮ ‬بوون،‮ ‬تەنها بۆ لادانی‮ ‬پارتی‮ ‬و بارزانی‮ ‬بوو،‮ ‬گومانی‮ ‬تێدا نییە و دڵنیام دوژمن ئەوكات و ئێستاش دەزانێت كێشەی‮ ‬كورد لە دەستی‮ ‬پارتی‮ ‬و بارزانییە و هەر بۆیەش لە مێژووشدا زەڕبەی‮ ‬گەورە و دوژمنداری‮ ‬گەورە بەرۆكی‮ ‬پارتی‮ ‬و بارزانی‮ ‬گرتووە‮. ‬بە كورتی‮ ‬و بە كوردی‮ ‬ئەوەی‮ ‬سەروی‮ ‬50‮ ‬ساڵە دەكرێت لە لایەن ئەو خۆفرۆشانە بەناوی‮ ‬كوردایەتی‮ ‬دەركەوت‮. ‬جاشایەتی‮ ‬بووە بە شێوازێك لە شێوازەكان وەك ئەوەی‮ ‬زۆرجار لە بەرنامەكانی‮ ‬بەناو‮ (‬من جیاوازم‮) ‬دەیان بینین،‮ ‬هەر وەك ئەو گاڵتەجاڕییە دەیبینم و بەس،‮ ‬و وەك نوكتەیەك تەشبیهی‮ ‬دەكەم كە گوێبیستی‮ ‬بوومە‮. ‬هەرچەندە كاری‮ ‬ئەم خۆفرۆشانە نوكتە نییە و ماڵوێرانییە‮. ‬دەڵێن‮ ‬یەكێك لە ماڵی‮ ‬خودای‮ ‬گەورە لە كاتی‮ ‬فەریزەی‮ ‬حەج و جێبەجێكردنی‮ ‬ئەركەكانی‮ ‬حەج لە سوڕانەوە لە دەور و پشتی‮ ‬بەردەكە لە ماڵی‮ ‬خودا بە عەكسی‮ ‬خەڵك دەسووڕایەوە،‮ ‬پێیانگوت كاكە تۆ‮ ‬غەڵەتی‮ ‬وەرە وەك خەڵك بڕۆ بۆ پێچەوانەی‮ ‬خەڵك دەسووڕێیەوە؟ گوتبووی‮ ‬كێشە نییە دەمەوێت ناوم و وێنەم پیشان بدرێت لە بەرنامەی‮ (‬من جیاوازم‮) ‬دەربچم و دەمەوێت بچم بۆ بەرنامەكە‮. ‬پێموایە ئەوانەی‮ ‬ئەم خائینانە لە‮ ‬16‮/‬10‮/‬2017‮ ‬كردیان وەك ئەو گەمەیە بە سووك و سادەیی‮ ‬كردیان،‮ ‬بەڵام وانەبوو گەورەتر بوو‮. ‬تەواوكردنی‮ ‬گەمەی‮ ‬ساڵی‮ ‬شەستەكانی‮ ‬ڕابردوو بوو‮! ‬ئەو گەمەیەی‮ ‬26 ساڵ بەر لە ئێستا دەیانكرد بەناوی‮ ‬سەربەخۆیی‮ ‬گەمە نەبوو ماڵوێرانی‮ ‬و ئیبادە و نەمانی‮ ‬كورد بوو‮. ‬بەداخەوە زۆر زەرەری‮ ‬لێداین هیچ نەما نەیكەن دژی‮ ‬پارتی،‮ ‬بە تەوجیهاتی‮ ‬دوژمنان و زۆر‮ ‬ڕۆڵیان پێدرا‮. ‬جارێك جاشایەتی‮ ‬بە ئاشكرا،‮ ‬جارێك بە ناوی‮ ‬خەبات و كوردایەتی،‮ ‬هەموو شێوازێكی‮ ‬دوژمنداری‮ ‬نهێنی‮ ‬و ئاشكرایان بەكار هێنا‮. ‬لە كۆتاییدا بەرامبەر بە بارزانی‮ ‬و پارتی‮ ‬خۆیان پێ‮ ‬ڕانەگیرا و گەمەكە تەواو بوو‮. ‬دەكرێت بڵێین لە پاش‮ ‬54‮ ‬ساڵ گەمەكە لە‮ ‬16‮/‬10‮/‬2017‮ ‬كۆتایی‮ ‬هات و ناسنامەی‮ ‬خۆیان كەشفكرد بۆ نەوەی‮ ‬ئێستا و بۆ ئەوانەی‮ ‬بێئاگان لە مێژوو‮. ‬یان پێموایە تەواو هیچ قسەیەكی‮ ‬تریان نەما‮. ‬
ئەگینا خەڵكینە سەرووی‮ ‬26‮ ‬ساڵ بەر لە ئێستا كەسانێك و حزبێك دروشمی‮ ‬سەربەخۆیی‮ ‬هەبووبێت و ئێستا لەگەڵی‮ ‬نەبێت و كێ ئەتوانێ ئەم هاوكێشەیە حەلبكات و شیبكاتەوە؟ دەبێت چ مەبەستێكی‮ ‬تێدابێت لە خیانەتكردن زیاتر‮! ‬و لە درۆ زیاتر‮! ‬لە جاشایەتی‮ ‬زیاتر‮! ‬و لە منافەسەی‮ ‬ناشەریف زیاتر‮!. ‬دەبێت كەس پێناسەیەكی‮ ‬تری‮ ‬هەبێت لەو پێناسەیە زیاتر‮!. ‬تا من بڵێم و خۆم و حزبەكەم بە هەڵە داچووینە،‮ ‬ئێمە لە جیاتی‮ ‬ئەوان داوای‮ ‬لێبوردن لە میللەت بكەین‮! ‬بە تەكید وانییە‮ (‬مانگ لە چواردە حەوجە بە پەنجە نییە‮). ‬خەڵك ئەمڕۆ كاغەزی‮ ‬سپی‮ ‬دەخوێنێتەوە،‮ ‬چیتر ناكرێت و ناتواندرێت میللەت فریو بدەن،‮ ‬گەمەكە خەریكە تەواو دەبێت،‮ ‬گەر لێیان بپرسین و بڵێین‮ (‬خورما دەخۆی‮ ‬یان مێوژ‮) ‬پرسیارەكە دیارە و وەڵام دیارە‮ (‬خورمژ‮) ‬نابێت،‮ ‬جاشایەتی‮ ‬و كوردایەتی‮ ‬بەیەكەوە نابێت‮! ‬مافی‮ ‬چارەی‮ ‬خۆنووسین و سەربەخۆیی‮ ‬هەڤاڵانی‮ (‬ینك‮) ‬لە ساڵی‮ ‬1991‮ ‬كە دروشمیان بوو و كوردستانی‮ ‬مەزنی‮ ‬هەڤاڵانی‮ ‬پارتی‮ ‬كرێكارانی‮ ‬كوردستانی‮ ‬باشوور‮ (‬پ‮. ‬ك‮. ‬ك‮) ‬كوجا مەرحەبا لەگەڵ ئەوەی‮ ‬ئێستا دەكرێ،‮ ‬ئەو فیلمە تەواو‮ (‬ئەگەر دیتت ئەزم ئەگەر نەت دیت دزم‮) ‬ئەو پەندە باوی‮ ‬نەما‮. ‬ئەوەی‮ ‬لە كاتی‮ ‬خۆیدا نەتوانرێت ببینرێت،‮ ‬بەڵام زوو كەشف دەبێت و دەبینرێ‮. ‬ئەمڕۆ دونیا بووە بە گوندێكی‮ ‬بچووك خیانەت ناشاردرێتەوە،‮ ‬و بە ئاسانی‮ ‬حیلە و فڕوفێل لە منداڵیش ناكرێت‮. ‬گوایە دەوترێت باڵێك لەناو‮ (‬یەكێتی‮) ‬ئەم خیانەتەیان كرد،‮ ‬لێرە و لەوێ هەندێ ناویتر دەگوترێت،‮ ‬كە ناكرێ ئەمانە باڵ بن گەر بە تەنیاش بن ئەمانە زۆر كەمن نابن و بە سەدا‮ ‬یەكی‮ ‬یەكێتی،‮ ‬چونكە لە هەر مەركەزێك بن‮ ‬ڕەقەم نین،‮ ‬دیارە لە ژیانی‮ ‬حزبایەتیش كێ‮ ‬ڕەقەمە گەر وەك حزب پێناسەیان بكەین،‮ ‬و ئەگەر بە بنەماڵەیی‮ ‬بێت كەسانێك دەیان ساڵ لافی‮ ‬بنەماڵەیی‮ ‬لەسەر پارتی‮ ‬لێدەدەن،‮ ‬كە ئێمەی‮ ‬پارتی‮ ‬حەساسییەتمان لەگەڵ ئەو قسەیە نەبووە و شانازیش بە ماڵی‮ ‬بارزانەوە دەكەین‮. ‬كەواتە دەبێت بێینە بنباڵی‮ ‬ئەوەی‮ ‬كە لە مێژوو هەموویان‮ ‬غەدریان لە پارتی‮ ‬كردووە،‮ ‬و دەبێ داوای‮ ‬لێبووردن بكەن كە زۆر هەڵەیان كردووە ئەگەر پارتی‮ ‬حزبی‮ ‬بنەماڵەش بێت،‮ ‬شانازی‮ ‬بە بنەماڵەكەی‮ ‬خۆی‮ ‬دەكات و شەرمی‮ ‬بە‮ ‬ڕابردوو و مێژووی‮ ‬خۆی‮ ‬نییە‮. ‬و گەر بڵێین قبووڵمان نییە‮ ‬یان بگوترێت و بڵێین هەموو سەركردایەتی‮ (‬یەكێتی‮) ‬دەستیان هەبووە لەو پیلانە خیانەتكارییە و نامەیەك هەیە و كەشف بووە لە راگەیاندنەكان كەوا ئەم خیانەتە بە ئاگاداری‮ ‬38 لە ئەندامانی‮ ‬سەركردایەتی‮ (‬یەكێتی‮) ‬ئەنجام دراوە‮. ‬جا دوا وەڵام لای‮ ‬خۆیانە كامیان هەڵدەبژێرن مێژوو رۆحمیان پێ ناكات‮. ‬گەر وەڵام نەدەنەوە لەم چەند پرسیارە خۆیان دەستیان هەبووە لەم خیانەتە كە سەركردایەتی‮ ‬و حزب بە گشتی؟‮ ‬یان بنەماڵەن و حزب بە گشتی؟‮ ‬یان چەند خۆفرۆشێك سزا دەدەن و خۆیان بێئاگان؟ ئەم سێ پرسیارە‮ ‬یەكیان دەبێ‮ ‬ڕاست بێت و وەڵام بدرێتەوە،‮ ‬بەتایبەتی‮ ‬لە بەردەم هەڤاڵان و دۆست و لایەنگران و برایانی‮ (‬یەكێتی‮) ‬و بۆ دەرچوون لەم دۆخە‮. ‬
‮ ‬بەپێی‮ ‬زانیاری‮ ‬من ئەوەی‮ ‬شارع ئاگادارە ئەم خیانەتە لە لایەن چەند خۆفرۆشێك ئەنجام دراوە كە بە پەنجەی‮ ‬دەست دەژمێردرێن و بەڵام داخەكەم‮! ‬شوكر بۆ‮ ‬یەزدان زۆر كەمن هەموویان نین،‮ ‬بەڵام لەگەڵ ئەوەشدا بەداخەوە كارێكی‮ ‬زۆر گەورەیان كرد سوودیان لە هەڵەی‮ ‬مێژوو وەرنەگرت كە باوك و باپیریان بەڵێنیان دابوو دووبارەی‮ ‬نەكەنەوە و ئەو قودسەی‮ ‬مامجەلال شانازی‮ ‬پێدەكرد،‮ ‬بە دەستی‮ ‬ڕۆڵەی‮ ‬خۆی‮ ‬لە‮ ‬16‮/‬10‮/‬2017‮ ‬پێشكەش بە دوژمنان كرا بەر لەوەی‮ ‬چلەی‮ ‬40ی‮ ‬ماتەمینی‮ ‬مامجەلال تەواو بێ قودسەكەی‮ ‬مامە فرۆشرا لە لایەن چەند خۆفرۆشێك،‮ ‬بەداخەوە هەزارجار بەداخەوە كوڕێكی‮ ‬خۆی‮ ‬كە دەستی‮ ‬تێدا بوو‮. ‬هەرچەندە بە پێی‮ ‬زانیاری‮ ‬بەرنامەی‮ ‬ئەم خیانەتەش زۆر گەورەتر بوو،‮ ‬بەڵام پێیان نەكرا هەر كەركووك نەبوو،‮ ‬بەڵكو سەرتاسەری‮ ‬كوردستانی‮ ‬باشوور بوو،‮ ‬وە سەری‮ ‬هەڤاڵانی‮ ‬باوك و براشی‮ ‬مەبەست و داوا بوو،‮ ‬ئەم كودەتای‮ ‬لەسەر كورد بوو،‮ ‬لەسەر پارتی‮ ‬و بارزانی‮ ‬بوو،‮ ‬لەسەر بەشێكی‮ ‬گەورە و شۆڕشگێڕی‮ ‬برایانی‮ ‬یەكێتیش بوو‮. ‬بۆیە وای‮ ‬دەبینم ئەم كودەتایەی‮ ‬ئەم چەند خۆفرۆشانە ئەم چەند پرسیارە دێنە بەر دەممان‮: ‬
1-ئەگەر‮ ‬یەكێتیی‮ ‬خائینەكان سزا نەدا و ریسوایان نەكات،‮ ‬دەبێ دواڕۆژی‮ ‬بەچی‮ ‬بگات؟ ئەی‮ ‬كورد بەگشتی‮ ‬چیان پێ دەڵێت؟
2-نابێ‮ ‬یەكێتی‮ ‬ئەم هەڵەیە بكات بۆ پاراستنی‮ ‬ئەم خائینانە خۆی‮ ‬بكات بە خاوەنی‮ ‬ئەم كارە شەرمەزارییە؟ ئەگەر وایكرد چارەنووسی‮ ‬دەبێت بە چی‮ ‬بگات؟
3-دەبێت بۆ كورد بەگشتی‮ ‬ئەمجارەیان كۆتا جار نەبێت بۆ پەند وەرگرتن لە هەڵەی‮ ‬مێژوویی‮ ‬و نەفرەتكردن لە خیانەت؟
4-دەبێ بە هۆی‮ ‬ئەم خیانەتەی‮ ‬ئەم گرووپە و گەلەكۆمەی‮ ‬دوژمنان و بەناو دۆستانی‮ ‬وەك‮ (‬حەشدی‮ ‬شەعبی‮ ‬و پاسدارانی‮ ‬ئێران و حزبوڵڵای‮ ‬لوبنانی‮ ‬و گڵۆپی‮ ‬سەوزی‮ ‬توركی‮ ‬و ئەمەریكی‮ ‬و ئینگلیزی‮) ‬ئێمەی‮ ‬كوردیش بیر لە‮ ‬یەكگرتن نەكەینەوە؟‮ ‬یان هەروا بە پەرتەوازەیی‮ ‬دەمێنینەوە‮.‬
5-دەبێ ئەم هەڵانەی‮ ‬لە مێژووكراون كە‮ ‬یەك سەدەیە تاكو ئێستا جارێكی‮ ‬تر روومان هەبێت بە میللەت بڵێین بمانبوورن!؟ ئەمە سیاسەتە‮ ‬یان‮ ‬16‮/‬10‭/‬2017‮ ‬دەكرێت بە وەرچەرخانێك بۆ كێشەی‮ ‬كورد و بە لای‮ ‬كەم بۆ نەفرەتكردن لە خیانەت و‮ ‬یەكگرتنی‮ ‬یەكجارەكی‮. ‬
‮❊ ‬ئەندامی‮ ‬ئەنجوومەنی‮ ‬سەركردایەتی‮ ‬پارێزگای‮ ‬هەولێر‮ (‬پ‮. ‬د‮. ‬ك‮).‬

 
چاپکردن   Share گه‌ڕانه‌وه‌