2017-12-10

خه‌بات: ‬هاوار مورتكەیی

بۆ ئەوە لەدایك بوومە تا شەترەنج بكەم،‮ ‬چونكە ئەو هەستەی‮ ‬كە بەرامبەر شەترەنج هەمە لە هیچ وەرزشێكی‮ ‬تر نیمە،‮ ‬بەتایبەتیش لە پەیوەست بوونم بە راهێنان و مەشقەكان و چوونم بۆ پاڵەوانێتییە جۆراوجۆرەكانی‮ ‬شەترەنج لە هەركوێیەك بووبێت،‮ ‬ئەمە دەستپیكی‮ ‬ئەو دیمانەیە بوو كە فابیۆلا كامپاگنۆلۆ كچە شەترەنجزانی‮ ‬بەرازیلی‮ ‬ئاماژەی‮ ‬پێدا،‮ ‬ئەو لە خیزانێكی‮ ‬شەترەنجزان لەدایك بووە،‮ ‬بۆیە هەر كە چاوی‮ ‬كردۆتەوە بەردەكانی‮ ‬شەترەنجی‮ ‬بینیوەو وینای‮ ‬كردوون،‮ ‬باوكی‮ ‬زۆر شەترەنجی‮ ‬خۆش ویستووە،‮ ‬بۆیە لەجیاتی‮ ‬بووكەلە و‮ ‬یارییەكانی‮ ‬تر،‮ ‬ئەو شەترەنجی‮ ‬خستۆتە بەردەمی،‮ ‬ئەمەش وا بەئاسانی‮ ‬و بێ ئاكام نەبووە،‮ ‬تا فابیۆلا لە خوارتەمەنی‮ ‬18 ساڵیدا توانی‮ ‬ببێتە سێیەمی‮ ‬باشترین شەترەنجزان لە وڵاتی‮ ‬بەرازیل‮.‬

من بۆ شەترەنج لە دایك بووم

فابیۆلا كامباگنۆلۆ‮ ‬Fabiano Cambaglono كە لە‮ ‬4/10/1999 لە ریونگرینیۆ ساك براسیلی‮ ‬بەرازیلی‮ ‬لەدایك بووە،‮ ‬سەبارەت بەسەرەتای‮ ‬ژیانی‮ ‬وەرزشی‮ ‬گوتی‮: ‬یەكەمین شت كە ناسیم لەدوای‮ ‬لەدایك بوونم شەترەنج بوو،‮ ‬دواتر باوكم و خوشكەكەم فێری‮ ‬یاریكردن و دواتر فێری‮ ‬بنەماكانی‮ ‬شەترەنجی‮ ‬كردم،‮ ‬واتە ئێمە لە خێزانەكەدا سێ كەس بووین كە شەترەنجمان دەكرد،‮ ‬یەكەمین پاڵەوانێتیش كە بەشداریم كرد لە ساڵی‮ ‬2011 بوو لە گروپی‮ ‬7 ساڵی،‮ ‬ئەوكات من هیندەباش نەبووم لە شەترەنج بەڵام بۆمن زۆر جیی‮ ‬گرنگ بوو كە تیكەڵ بوونم بوو لەگەڵ شەترەنجزانانی‮ ‬دەرەوەی‮ ‬خێزانەكەم،‮ ‬زۆر دڵم بە شەترەنج خۆشە،‮ ‬نەوەك بەتەنها‮ ‬یاریی‮ ‬شەترەنج،‮ ‬بەڵكو بە راهێنانەكانیش دڵم پێی‮ ‬خۆش دەبێت وەك‮ ‬یاریی‮ ‬كردن پابەندی‮ ‬راهێنانەكانم دەبم،‮ ‬وا هەست دەكەم من بۆ ئەوە لەدایك بوومە تا شەترەنج بكەم‮.‬

ئەوكاتەی‮ ‬شەترەنجم لا خۆشەویستر بوو

فابیۆلا سەبارەت بە چیرۆكی‮ ‬یەكەمین بەشداریكردنی‮ ‬لە پاڵەوانێتییەكی‮ ‬فەرمی‮ ‬گوتی‮: ‬لە بازاڕ‮ ‬دەسوڕامەوە لەناكاو ئاگادارییەكم بینی‮ ‬لەبارەی‮ ‬كردنەوەی‮ ‬پاڵەوانێتییەكی‮ ‬شەترەنج لە شارەكەم،‮ ‬بڕیارم دا بەشداری‮ ‬بكەم،‮ ‬بەشدارییەكەشم بۆ ئەوە نەبوو چاوم لە پلەی‮ ‬یەكەم بێت،‮ ‬بەڵكو وەك دەستپێكێكی‮ ‬خۆم حەزم كرد بەشداری‮ ‬بكەم،‮ ‬ئەوكات تەمەنم بچووك بوو،‮ ‬لەو پاڵەوانێتییە ئاستی‮ ‬منیان بینی‮ ‬و داوایان لێكردم بۆ تیپیك‮ ‬یاری‮ ‬بكەم و راهێنانیان لەگەڵ بكەم،‮ ‬بەمشێوەیە بەردەوامیم لەگەڵیاندا و زیاتر شەترەنجم لا خۆشەویست بوو‮.‬

ئاواتمە پاڵەوانێتییەكانی‮ ‬سەر ئاستی‮ ‬بەرازیل بەدەست بهێنم

هەروەها ئەو كچە شەترەنجزانە بەڕازیلیە دەڵێت‮: ‬ئەمساڵ بۆ من ساڵی‮ ‬دەسكەوتەكان بوو،‮ ‬ئەگەر چی‮ ‬هێشتا خەونەكەم بەراستی‮ ‬نەهاتۆتەدی‮ ‬بەڵام كە لە داهاتوودا دەمەوێ ببمە مامۆستایەكی‮ ‬مەزنی‮ ‬شەترەنج لە قوتابخانەكان و قوتابیان فێری‮ ‬شەترەنج بكەم،‮ ‬ئەمسال بەشداریم لە پاڵەوانێتی‮ ‬شەترەنج كرد لەسەر ئاستی‮ ‬بەرازیل و توانیم پلەی‮ ‬سێیەم بەدەست بهێنم لە خوار تەمەنی‮ ‬18 ساڵی،‮ ‬شەترەنج بەلای‮ ‬منەوە دەسكەوت نییە وەك ئەوەی‮ ‬بەقەد خزمەتكردن بێت بەو‮ ‬یارییە،‮ ‬شەترەنج واتە سەلماندن،‮ ‬لەبەر ئەوەی‮ ‬هەمیشە‮ ‬یارییەكی‮ ‬ئاڵۆزە بەتایبەتی‮ ‬كاتێك پلانی‮ ‬یارییەكە ون دەكەیت،‮ ‬ئەمەش ئیرادەیەكت بۆ دینیتە پێشەوە كە خۆ بەدەستەوەبدەیت،‮ ‬لێرەدا پێویستە خۆت بسەلمێنیت و خۆ بەدەستەوە نەدەیت،‮ ‬دیارە ئەمەش هێندە ئاسان نییە و پیویستی‮ ‬بە راهێنانی‮ ‬بەردەوام هەیە،‮ ‬بۆ ئەوەی‮ ‬هیچ كاتێك ئیرادەی‮ ‬خۆبەدەستەوەدان زاڵ نەبیت بەسەرتەوە،‮ ‬بەردەوامیی‮ ‬راهێنانەكانم وای‮ ‬لێكردووم كە ئەمساڵ بەرهەمەكەی‮ ‬ببینم،‮ ‬كە دیارترینیان بردنەوە بووە لە چەند‮ ‬یاریزانێكی‮ ‬بەتوانا كە مەحال بووە بتوانی‮ ‬لێیان ببەیتەوە، پلانم بۆ ساڵی‮ ‬داهاتوو ئەوەیە پاڵەوانێتییەكانی‮ ‬سەر ئاستی‮ ‬بەرازیل بەدەستبهێنم كە بڕیارە پاڵەوانێتی‮ ‬زۆر ئەنجام بدرێت بۆ ئەوەی‮ ‬ببمە ئەندامێكی‮ ‬تیپی‮ ‬ئۆلۆمپیادی‮ ‬بەرازیل و لەوێشەوە بۆ نازناوی‮ ‬پاڵەوانی‮ ‬جیهان‮.‬

هێشتا تۆپی‮ ‬پێ لەبەرازیل زاڵترە بەسەر‮ ‬یارییەكانی‮ ‬تر

دواجار فابیۆلا سەبارەت بە وەرزشی‮ ‬شەترەنج لەبەرازیل بەبەراورد لەگەڵ تۆپی‮ ‬پێ گوتی‮: ‬بەداخەوە هێشتا لە بەرازیل وەك پیویست بایەخ بە‮ ‬یاری‮ ‬شەترەنج نەدراوە،‮ ‬بەبەراورد لەگەڵ تۆپی‮ ‬پێ،‮ ‬لێرە‮ ‬یاریزانی‮ ‬شەترەنج لەسەر خەرجی‮ ‬خۆی‮ ‬و توانای‮ ‬خۆی‮ ‬گەشت دەكات و بەشداری‮ ‬لە پاڵەوانێتییەكاندا دەكات،‮ ‬چونكە لێرە شەترەنج ئەو‮ ‬یارییە جەماوەرییە نییە كە بایەخی‮ ‬پێ بدرێت،‮ ‬چونكە هەمووان دەزانن كە بەرازیل زیاتر بە تۆپی‮ ‬پێ بەناوبانگە و چاوەكان هەموو لەسەر تۆپی‮ ‬پێیە،‮ ‬تەنانەت لە راگەیاندنەكانیش ئەو بایەخە بەشەترەنج نەدراوە،‮ ‬بە نموونە تا ئێستا‮ ‬یارییەكی‮ ‬شەترەنج بەتەواوی‮ ‬پەخش نەكراوە،‮ ‬كەچی‮ ‬یارییەكانی‮ ‬تر لە زۆربەی‮ ‬كەنالەكان پەخش دەكرێت بەڵام هەست دەكرێت لەم چەند ساڵەی‮ ‬دوایی‮ ‬شەترەنج لە بەرازیل گەشەی‮ ‬بەخۆیەوە بینیوە و داهاتوویەكی‮ ‬گەشی‮ ‬هەیە،‮ ‬بەتایبەتیش لە هەبوونی‮ ‬پرۆژەیەكی‮ ‬گرنگ كە بریتییە لە خستنە وانەی‮ ‬شەترەنج بۆ نێو پرۆگرامی‮ ‬خوێندنەوە لە قوتابخانەكان‮.‬

 
چاپکردن   Share گه‌ڕانه‌وه‌