2017-12-12

خەبات‮-‬ بڕیار كۆیی
بەڕێوەبەرایەتی‮ ‬پۆلیسی‮ ‬هاتووچۆی‮ ‬هەولێر بڕیاریداوە ژمارەی‮ ‬ترافیكەكانی‮ ‬نێو شاری‮ ‬هەولێر بۆ كەمترین ژمارە كەم بكاتەوە بەپێی‮ ‬گوتەی‮ ‬بەرپرسانی‮ ‬پۆلیسی‮ ‬هاتووچۆ و دەستەی‮ ‬ژینگەش جێبەجێكردنی‮ ‬بڕیارەكە سوودی‮ ‬بۆ كەمكردنەوەی‮ ‬جەنجاڵی‮ ‬و‮ ‬ڕووداوەكانی‮ ‬هاتووچۆ و پاكڕاگرتنی‮ ‬ژینگەش دەبێت‮.‬
فازڵ حاجی‮ ‬حەسەن گوتەبێژی‮ ‬بەڕێوەبەرایەتی‮ ‬پۆلیسی‮ ‬هاتووچۆی‮ ‬هەولێر بۆ(خەبات‮) ‬گوتی‮: "‬بەمەبەستی‮ ‬كەمكردنەوەی‮ ‬جەنجاڵی‮ ‬شەقامە گشتییەكان شاری‮ ‬هەولێر و زیانە ژینگەییەكانی‮ ‬ئۆتۆمۆبێل بەڕێوەبەرایەتی‮ ‬پۆلیسی‮ ‬هاتووچۆی‮ ‬هەولێر بڕیاری‮ ‬كەمكردنەوەی‮  ‬ژمارەی‮ ‬ترافیكەكانی‮ ‬نێو شاری‮ ‬هەولێری‮ ‬داوە و تاوەكو ئێستا توانراوە شەش ترافیكی‮ ‬نێو شاری‮ ‬دابخرێت وبەپێی‮ ‬بەدواداچوونەكانیشمان ئەو بڕیارە بووەتە هۆی‮ ‬كەمكردنەوەی‮ ‬جەنجاڵییەكی‮ ‬زۆر لەو شەقامە گشتییانەی‮ ‬كە كە ترافیكەكانیان داخراون‮".‬
ئاشكراشیكرد كە ئێستا ژمارەی‮ ‬ترافیكەكانی‮ ‬نێو شاری‮ ‬هەولێر تەنیا‮(‬50‮)‬ ترافیكە و نیازیان هەیە كە بۆ كەمترین ژمارە كەمی‮ ‬بكەنەوە گوتیشی‮: "‬ئێستا سەرقاڵی‮ ‬داخستنی‮ ‬ترافیكی‮(‬بەنزینخانەی‮ ‬ئاكار‮)‬ین كە‮ ‬ڕۆژانە بەگشتی‮ ‬و بەیانیان و ئێواران بە تایبەتی‮ ‬جەنجاڵی‮ ‬و قەرەباڵغییەكی‮ ‬زۆری‮ ‬لێ درووست دەبێت و بووەتە هۆی‮ ‬نیگەرانیی‮ ‬شۆفێران‮ ‬،‮ ‬بەڵام بڕیاری‮ ‬داخستنەكە تەنیا لەسەر ئەوە ماوە كە شارەوانی‮ ‬ناوچەكە دەست بكەن بە كردنەوەی‮ ‬شوێنی‮ ‬سوڕانەوەی‮ ‬ئۆتۆمبێل لە نزیكترین شوێنی‮ ‬ترافیكەكە‮".‬
گوتەبێژی‮ ‬پۆلیسی‮ ‬هاتووچۆی‮ ‬هەولێر‮ ‬ڕوونیشیكردەوە كە داخستن و كەمكردنەوەی‮ ‬ژمارەی‮ ‬ترافیكەكان نێو شاری‮ ‬سوودی‮ ‬بۆ كەمكردنەوەی‮ ‬ڕووداوەكانی‮ ‬هاتووچۆش هەیە بەڵام ئامانجە سەرەكییەكە كەمكردنەوەی‮ ‬قەڕباڵغییە كە بەوهۆیەوە كاتێك زۆرتر بۆ شۆفێران دەگەڕێتەوە‮.‬
سەبارەت بە سوودەكانی‮ ‬كەمكردنەوەی‮ ‬ترافیكەكان بۆ ژینگە لوقمان شێروانی‮ ‬گوتەبێژی‮ ‬دەستەی‮ ‬پاراستن و چاككردنی‮ ‬ژینگەی‮ ‬هەرێمی‮ ‬كوردستان بۆ(خەبات‮) ‬گوتی‮: "‬هەر ئۆتۆمبیلێك‮ ‬یەك خولەك كەمتر كار بكات كاریگەری‮ ‬لە سەر پیسنەبوونی‮ ‬ژینگەیە هەیە‮. ‬بۆیە ئەگەر راوەستان لە ترافیكەكان زۆر تربێت لە پێچكردنەوەی‮ ‬كەواتە نەمانی‮ ‬ترافیكەكان سوودی‮ ‬ژینگەیی‮ ‬زۆرە لە هەمان كاتدا لە كاتی‮ ‬وەستانی‮ ‬ئۆتۆمۆبێل لە ترافیكەكان شوفێرەكان دەست بە خاوێن كردنەوەی‮ ‬ناو ئۆتۆمبیلەكانیان دەكەن و زۆربەی‮ ‬كەڵوپەلە زیادەكانی‮ ‬ناو ئۆتۆمبیل فڕێ دەدەن سەر شەقامەكان و وێرای‮ ‬پیسكردنی‮ ‬ژینگە سەری‮ ‬زێرابەكان دەگرێت و ناهێلێت لە كاتی‮ ‬بارانبارین ئاو بچێتە زێرابەكانەوە‮ . ‬بۆیە داخستنی‮ ‬ترافیكە جەنجاڵەكان سوودی‮ ‬بۆ ژینگە زۆرە‮".‬
سلێمان‮ ‬ڕەشید شۆفێری‮ ‬تەكسییە و لە نێو شاری‮ ‬هەولێر كاردەكات سەبارەت بە داخستنی‮ ‬ترافیكەكان دەڵێ،‮ ‬ئەو ترافیكانەی‮ ‬لەماوەی‮ ‬ساڵی‮ ‬ڕابردوو لەنێو شاری‮ ‬هەولێر داخراون و شەقامەكانیان بە بەردەوام كراونەتەوە ئێستا بوونەتە شەقامی‮ ‬گشتیی‮ ‬خێرا ئەمەش خواستی‮ ‬هەموو شۆفێرێكە بەڵام ئەوەی‮ ‬پێویستە بەڕێوەبەرایەتی‮ ‬پۆلیسی‮ ‬هاتووچۆ بیری‮ ‬لێبكاتەوە درووستردنی‮ ‬تاسە لە نزیك ئەو شوێنەی‮ ‬كە پێشووتر ترافیك بووە بۆ ئەوەی‮ ‬ئەو شۆفێرانەی‮ ‬نیازییان ئەوەیە بچنە سایدی‮ ‬بەرامبەر بە سانایی‮ ‬بسوڕێنەوە و‮ ‬ڕووداوی‮ ‬هاتووچۆ‮ ‬ڕوو نەدات‮.‬
ئەو شوفێرە كە بەپێی‮ ‬گوتەی‮ ‬خۆی‮ ‬زیاتر لە‮ ‬15 ‮ ‬ساڵە كاری‮ ‬شۆفێری‮ ‬تەكسی‮ ‬دەكات دەشڵێ باشترین چارەسەر بۆ كەمكردنەوەی‮ ‬شەقامە گشتییەكان درووستكردنی‮ ‬بەرزە پرد و ژێر پردە هەروەها كردنەوەی‮ ‬شەقامی‮ ‬تازەیە‮.‬

 
چاپکردن   Share گه‌ڕانه‌وه‌