2017-12-17

دڵشاد مستەفا وەسانی

بەغدا داخدارە كە نەیتوانیوە لە كاتێكی‮ ‬دیاریكراودا،‮ ‬تەواوی‮ ‬كوردستان داگیربكاتەوە و كۆتایی‮ ‬بە هەرێمی‮ ‬كوردستان بێنێ،‮ ‬نیگەرانە كە بەرەبەرە دەوڵەتان روو لە هەرێم دەكەن،‮ ‬لەبەرئەوە دەیەوێ گوشارەكانی‮ ‬سەر كوردستان زیاتر بكات،‮ ‬لەم كاتەشدا،‮ ‬گرووپی‮ ‬16 ی‮ ‬ئۆكتۆبەر خەریكی‮ ‬دووبەرەكییە،‮ ‬چەند رۆژێكە پرسیارێك لای‮ ‬خەڵك دەكرێ،‮ ‬ئاخۆ ئەو هەڕەشانەی‮ ‬لاهور جەنگی‮ ‬بۆ جەنگ دەیكات لە بەرژەوەندی‮ ‬كێیە،‮ ‬هۆكار چییە بە حەماسەوە هەڕەشە لە پارتی‮ ‬دەكات؟‮ ‬

هەر هەمووشمان،‮ ‬بەدڵسۆزانی‮ ‬ناو‮ ‬یەكێتیشەوە،‮ ‬پرسیار لە ئاقڵمەندانی‮ ‬یەكێتی‮ ‬دەكەین،‮ ‬بۆچی‮ ‬قسەیەكی‮ ‬خێر ناكەن؟ ئاخر ئەگەر ئامانج‮ ‬لە‮ ‬16ی‮ ‬ئۆكتۆبەر،‮ ‬نەهێشتنی‮ ‬پارتی‮ ‬بێت لە كەركووك،‮ ‬بەشەكەی‮ ‬دیكەی‮ ‬ئامانجەكە كۆدەتای‮ ‬ناو‮ ‬یەكێتی‮ ‬بوو كە تا ئێستا نەهاتۆتەدی،‮ ‬ئەی‮ ‬ئاقڵمەندانی‮ ‬یەكێتی،‮ ‬خۆتان دەزانن‮ ‬16 ی‮ ‬ئۆكتۆبەر وەك بومەلەرزەیەك بۆ‮ ‬یەكێتی‮ ‬وابوو،‮ ‬ئەو هەڕەشانەی‮ ‬لە رێگەی‮ ‬میدیای‮ ‬رەسمی‮ ‬و نارەسمیی‮ ‬یەكێتییەوە بڵاو دەكرێنەوە،‮ ‬بەتایبەتیش دوا هەڕەشەكانی‮ ‬لاهور لە‮ ‬13 ی‮ ‬ئەم مانگە،‮ ‬نیشانەی‮ ‬ئەوەیە هێشتا شوێنەواری‮ ‬بومەلەرزەكەی‮ ‬16 ی‮ ‬ئۆكتۆبەر ماوە،‮ ‬چەند هەڕەشەی‮ ‬ناردراوبن بۆ پارتی،‮ ‬هێندەش تاقیكردنەوەی‮ ‬سەركردایەتی‮ ‬یەكێتییە،‮ ‬ئاخۆ كاردانەوەی‮ ‬چییە؟ چونكە ئێستا سەركردایەتی‮ ‬و مەكتەبی‮ ‬سیاسی‮ ‬قسەناكەن،‮ ‬بەڵام لاهور بەناوی‮ ‬هەموو‮ ‬یەكێتییەوە هەڕەشە و گوڕەشە دەكات،‮ ‬تا مەكتەبی‮ ‬سیاسی‮ ‬و سەركردایەتی‮ ‬و هەموو دڵسۆزانی‮ ‬یەكێتی‮ ‬لێی‮ ‬بێدەنگ بن،‮ ‬كاتژمێری‮ ‬تەواوكردنی‮ ‬كۆدەتایەكە نزیكتر دەبێتەوە‮.‬

ماوەیەكە هەر لە میدیای‮ ‬یەكێتییەوە،‮ ‬قسە لەسەر گۆڕینی‮ ‬سەركردایەتی‮ ‬یەكێتی‮ ‬بە نەوەی‮ ‬نوێ و گەنج دەكرێت،‮ ‬مەبەستیش ئەو گەنجانەن كە سەركردایەتی‮ ‬ناپاكییەكەی‮ ‬16 ی‮ ‬ئۆكتۆبەریان كرد،‮ ‬جا ئاقڵمەندانی‮ ‬یەكێتی،‮ ‬ئەگەر ئێوە،‮ ‬وەك میدیای‮ ‬خۆتان بە قسەی‮ ‬گرووپی‮ ‬رێككەوتنی‮ ‬ژێربەژێر،‮ ‬پێتان دەڵێ دەموچاوی‮ ‬سواو و بەسەرچوو،‮ ‬بەو ئەزموونەی‮ ‬خۆتان،‮ ‬كەڵكتان بۆ‮ ‬یەكێتی‮ ‬و ئەم قۆناغە نەماوە،‮ ‬ئەوە بەڕاستی‮ ‬هەر خۆتان كاتی‮ ‬كۆتایی‮ ‬هاتنتان بەناوی‮ ‬نوێبوونەوە رادەگەیەنن،‮ ‬ئەگەرنا هەقە بێنە دەنگ،‮ ‬چونكە بێدەنگی‮ ‬نیشانەی‮ ‬رازیبوونە،‮ ‬بەڵام پرسیار ئەوەیە،‮ ‬ئایا كوردستان پێویستی‮ ‬بە كێ هەیە،‮ ‬ئەو گەنجانەی‮ ‬هەڵگری‮ ‬ڤایرۆسی‮ ‬دووبەرەكین،‮ ‬یان كەسانی‮ ‬ئەزمووندیدەی‮ ‬قاڵبوو؟‮ ‬

مەبەستی‮ ‬ئەو گرووپە كە بریتییە لە هاوكاریكردنی‮ ‬بەغدا و تاران بۆ نەهێشتنی‮ ‬هەرێم لەپێناوی‮ ‬گرتنەدەستی‮ ‬سەركردایەتی‮ ‬یەكێتی،‮ ‬هێشتا بەتەواوی‮ ‬نەهاتۆتە دی،‮ ‬ئەم هەڕەشانە ئاماژەن بۆ تەواوكردنی‮ ‬قۆناغەكانی‮ ‬دیكەی‮ ‬پیلانگێڕییەكە،‮ ‬لەوانەیە لەگەڵ بەكارهێنانی‮ ‬شەقام كە چەند رۆژێكە بزووتنەوەی‮ ‬گۆڕان باسی‮ ‬دەكات،‮ ‬ئەم هەڕەشانەش ببنە هۆیەك بۆ ئاڵۆزكردنی‮ ‬زیاتری‮ ‬بارودۆخی‮ ‬كوردستان،‮ ‬پێدەچێ ئەوەی‮ ‬بە پەلاماری‮ ‬سەربازی‮ ‬نەكرا،‮ ‬بگوازرێتەوە شەقام كە بەهاوكاری‮ ‬بەغدا و تاران پلانی‮ ‬بۆ داندراوە،‮ ‬تا ببێتە هۆی‮ ‬خوێن رشتنێكی‮ ‬زۆر،‮ ‬بۆ ئەوەی‮ ‬بەپێی‮ ‬نەخشەكە،‮ ‬عەبادی‮ ‬بكرێتە فریادڕەس و بەناوی‮ ‬ئەوەی‮ ‬بەهانای‮ ‬خەڵكی‮ ‬ناڕازییەوە دێت،‮ ‬هەوڵی‮ ‬بەدیهێنانی‮ ‬ئامانجەكەیان كە نەهێشتنی‮ ‬هەرێمە بدەن،‮ ‬بۆیە نە گۆڕانكاریی‮ ‬حكوومەت و نە نوێبوونەوەی‮ ‬حزب،‮ ‬بەهەڵگرانی‮ ‬ڤایرۆسی‮ ‬دووبەرەكی‮ ‬ناكرێت،‮ ‬رێگریكردن لەو پشێوییەی‮ ‬بەڕێوەیە بەرپرسیاریەتییەكی‮ ‬گەورەیە‮.‬

 
چاپکردن   Share گه‌ڕانه‌وه‌