2017-12-19

ھێزێکی ئەمنی چووە سەر ئێن ئار تی و پەخشی کەناڵەکەی ڕاگرت و کارمەندەکانیان لەناو کەناڵەکەدا ھێشتووەتەوە.

ھێزێکی ئەمنی چووە سەر کەناڵی ئێن ئارتی، و پەخشی کەناڵەکەی راگرت.
سه‌رچاوه‌یه‌ك رایگه‌یان ھێزێک چوونه‌ سەر کەناڵەکەو کارمەندەکانیان لەناو کەناڵەکەدا ھێشتووەتەوە.
وتیشی، ھێزەکە پەخشی کەناڵەکەیان راگرتووە و ئێستا لەناو کەناڵەکەن. 
هه‌روه‌ها دوای پەیوەندییەکی تەلەفۆنی پارێزگاری سلێمانی و بە بڕیاری وەزارەتی روشنبیری و لاوان، بە تۆمەتی هاندانی تووندوتیژی پەخشی کەناڵەکانی "ئێن ئاڕ تی" راگیران.

بەپێی نووسراوێکی وەزیری روشنبیری و لاوان کەناڵەکانی ئێن ئاڕ تی کوردی و عەرەبی هانی تووندوتیژیان داوە و ماوەی راگرتنیشیان هەفتەیەک بەردەوام دەبێت.

لە نووسراوەکەی وەزیری رۆشنبیری و لاواندا هاتووە: "بەپێی بڕگەی سێ لە ماددەی پێنجەمی رێنمایی رێکخستنی فریکوێنسی لە هەرێمی کوردستان و لەسەر داوای بەشی مۆنیتەرینگ لە وەزارەتی رۆشبنیری و پەیوەندی تەلەفۆنی هەڤاڵ ئەبوبەکر، پارێزگای سلێمانی، کەناڵەکانی ئێن ئاڕ تی کوردی و عەرەبی هانی خەڵکیان دەدەن خۆپیشاندان و جوڵەپێکردنیان بۆ کاری تووندوتیژی، کە ئەمەش بووەتە هۆی سووتاندنی فەرنگە حکومییەکان و شوێنە گشتییەکان، بۆیە بڕیارماندا بە داخستنی کەناڵەکانی سەرەوە بۆ ماوەی هەفتەیەک لە رۆژی راگرتنییەوە".

فەرهەنگ گۆمەشینی، گوتەبێژی وەزارەتی رۆشنبیری و لاوان راگەیاند، كاتژمێر 6:30 خولەکی ئێوارەی رۆژی سێشەممە 19-12-2017 بە فەرمانی وەزارەتی رۆشنبیری و لاوانی حکومەتی هەرێمی کوردستان هەردوو کەناڵی ئێن ئاڕ تی کوردی و عەرەبی داخران.

گوتەبێژی وەزارەتی رۆشنبیری و لاوان دەڵێت: ئەو دوو کەناڵە بەرپرسیارانە مامەڵەیان لەگەڵ دۆخی هەستیاری کوردستاندا نەکردووە، بۆیە بە ناچاری بڕیاری داخستنیان دراوە.

 
چاپکردن   Share گه‌ڕانه‌وه‌