2017-12-25

موحسین خالیدی

دۆزینەوەی نەوت یەكێك لە گرنگترین هۆكارەكانی گۆڕانكاریی بنچینەیی لە ژیانی مرۆڤایەتی بووە. هەر ئەوەش بوو كە ئەمریكای تەژی لە كۆچەری، كردە زلهێزی پلە یەكەی ئەم جیهانە. دۆزینەوەی نەوت، لە زۆر بواردا گۆڕانكاری بەدوای خۆیدا هێنا. باری ئابووری وڵات و تاكی گەیاندە پەرپەرۆچكە. هەستی خاوەنداریەتی و خاكپەرەستی گەشەی كرد. پەرە بە هێزی سەربازیی درا. هاوكات بوو بە تەماحێك تا دەست بەسەر ئەو شوێنانەدا بگیردرێت كە خاوەن سەرچاوەی نەوتن. بەو جۆرەش شەڕ پەرەگر بوو. بۆیە پێدەچێت كە رۆژهەڵاتی ناوەڕاست، جیا لە شوێنە گرنگە جوغرافیاییەكەی، بە هۆی هەبوونی سەرچاوەی پڕ پیتی نەوت، بەردەوام جێی شەڕ و ئاژاوە و ململانێی زلهێزەكان بووبێت. بە تایبەت لە رووداوەكانی نیو سەدەی رابردوو، ئەوە بە ئاشكرا هەست پێدەكرێ كە نەوت سەرچاوەی شەڕ و هاوكات، رێگەچارەی دۆزینەوەی زۆر گرێكوێرە و هاوكێشەی سیاسیی ناوچەكە بووە. ئەوەش ئاشكرایە كە قورسترین سزای هەر وڵاتێكی سەرپێچیكاریش، گەمارۆی هاوردە و هەناردەكردنی نەوتە. هەمووی ئەو بابەتانە پێمان دەڵێت كە نەوت لە هۆكارێكی وزەیی، جێی خۆی بۆ چەكێكی بەهێز گۆڕیوە. چەكێك كە دەتوانێ خوشگوزەرانی بۆ وڵاتەكەی دابین بكات (وەك دوبەی) و بە پێچەوانە دەتوانێ ببێتە كەرەستەیەك بۆ ماڵوێرانی كە حاڵەتی دووهەمی لە وڵاتانی وەك ئێران و عێراق بە زەقی خۆی دەنوێنێ. لە ئێران دەبینین كە داهاتی زۆری فرۆشتنی نەوت، بۆ دەستوەردان و یارمەتیدانی تێكدانی ئارامیی ناوچەكە و گەیشتن بە چەكی ناوەكی تەرخان كراوە. لە عێراقی سەردەمی سەدام، بووە هۆی یاخیبوون و كوشتاری خەڵك. لە ئێستای عێراقیشدا، بووەتە كەرەستەیەك بۆ گەندەڵیی گەورەی ناوخۆیی و بەرتیلێك بۆ هێزەكانی دەرەوە تا لەگەڵ سیاسەتە چەوت و هەڵەكانی هاودەنگ بن، بۆیە سەیر نەبوو كە بە یەك كاتژمێر دوای خەیانەتەكەی كەركووك لە 16ی ئۆكتۆبەر، كۆمپانیای بریتیش پترۆلیۆمی بەریتانی لە كێڵگە نەوتییەكانی ژێر دەسەڵاتی كورد جێگیربوون؟؟!! كەواتە پاداشتی پشتیوانییە لە رادەبەدەركانی بەریتانیا بۆ عێراقی یەكگرتوو و دژایەتیی لەگەل ریفراندۆمی كوردستان بەو چەشنە درایەوە. ئەوە بەلای منەوە سەیر نییە كە زلهێزێك لە پێناو بەرژەوەندیی خۆی، پشت لە گەلێكی دەیان ساڵ چەوساوەی وەك كورد بكات و هەموو یاسا نێودەوڵەتییەكان پێشێل بكات، بەڵكو ئەوەی تا ئێستاش بە ئازارییەوە دەتلێمەوە ئەوەیە كە چۆن چەن كەسێك لە بەشێك لە هێزێكی ناوخۆیی كە خاوەن خەبات و شەهیدە، كوردستان بە نەوت دەگۆڕنەوە. چۆنە خاكی نیشتمان بە پارەی نەوت دەفرۆشن؟ ئەوە چ ویجدانێكە كە بە بۆنی نەوتی بە خوێنی كورد رەنگینكراو، دەتوانن هەناسە هەڵمژن؟ ئەوە چ....

 
چاپکردن   Share گه‌ڕانه‌وه‌