2018-01-01

لوقمان حوسێن، بەڕێوەبەری ناحیەی سەرگەڕان بە کوردستان24 راگەیاند: "ئەفسەرێکی پلە باڵا لە نووسینگەی حەیدەر عەبادی، سەرۆك وەزیرانی عێراق سەردانی ناحیەی سەرگەڕانی کردووە و پشتیوانی عەبادی بۆ عەرەبە هاوردەکان دەربڕیووە".

گوتیشی: "ئەو ئەفسەرە پلە باڵایەی نووسینگەی عەبادی، لەكاتی سەردانی بۆ سەرگەڕان، بە عەرەبە ھاوردەكانی گوتبوو، ئێوە ناسنامە و ھەموو بەڵگەنامەكانتان لێرەن، لێرە دەمێننەوە".

بەڕێوەبەری ناحیەی سەرگەڕان، ئەوەشی خستەڕوو: "حکومەتی عێراق  ئەو عەرەبانەی هێناوە بۆ ئەوەی یەکەیەکی حەشدی شەعبی لەو ناحیەیە بکاتەوە".

ئەمە لەكاتێكدایە لە چەند رۆژی رابردوودا، هێزە عێراقییەکان بە فەرمانێکی راکان جبووری، پارێزگاری کەرکووك بەوەکالەت چوونەتە سەر هەندێك گوندی سەر بە ناحیەی سەرگەڕان، لە رۆژئاوای کەرکووك، مۆڵەتیان داوە بە خێزانە كوردەكان بۆ ئەوەی ناوچەكە چۆڵ بكەن و خێزانە عەرەبەكان لە شوێنی ئەوان نیشەجێ بكەن.

 
چاپکردن   Share گه‌ڕانه‌وه‌