2018-01-07

خه‌بات: هاوار مورتكەیی

وەزارەتی‮ ‬پەروەردە داوای‮ ‬پرۆپۆزەلێك لە‮ ‬یانەی‮ ‬خانزاد دەكات كە شەترەنج وەك وانەیەكی‮ ‬وەرزشی‮ ‬جێگیربكرێت،‮ ‬و لە پرۆگرامی‮ ‬خوێندن بڕیاری‮ ‬لەسەر بدرێت‮.‬

رۆژی‮ ‬3/1/2018 هەریەك لە بەڕێزان بورهان ئەرگوشی‮ ‬بەڕێوەبەری‮ ‬گشتی‮ ‬دیوانی‮ ‬وەزارەتی‮ ‬پەروەردە و كاوە عومەر حەمەد بەڕێوەبەری‮ ‬گشتی‮ ‬پرۆگرام و چاپەمەنییەكان لە وەزارەتی‮ ‬پەروەردە سەردانی‮ ‬یانەی‮ ‬شەترەنجی‮ ‬خانزادیان كرد،‮ ‬دوای‮ ‬ئامادەبوونیان لە شیكردنەوەی‮ ‬یەكێ لە‮ ‬یارییەكانی‮ ‬شەترەنجزانی‮ ‬نیودەوڵەتی‮ ‬و‮ ‬یانەی‮ ‬خانزاد نوح عەلی‮ ‬حوسێن،‮ ‬كۆبوونەوەیەكیان ئەنجامدا‮.‬

لەو كۆبوونەوەیەدا كە هەریەك لە دلزار حەمەساڵح سەرۆكی‮ ‬یانەی‮ ‬شەترەنجی‮ ‬خانزاد و ئەندامانی‮ ‬دەستەی‮ ‬كارگێڕی‮ ‬د.فەرهەنگ رەشكینی‮ ‬بەڕێوەبەری‮ ‬پەیمانگای‮ ‬كاپابلانكا ئامادەبوون،‮ ‬بەتێرو تەسەلی‮ ‬باس لە چۆنییەتی‮ ‬بەردەوامیی‮ ‬خویندنی‮ ‬وانەی‮ ‬شەترەنج لە قوتابخانەكانی‮ ‬هەرێمی‮ ‬كوردستان كرا،‮ ‬هەروەها زیاتر پێشخستنی‮ ‬ئەم برۆسەیە لە داهاتودا‮.‬

هەردوو بەڕێزان بەڕێوەبەری‮ ‬گشتی‮ ‬لە وەزارەتی‮ ‬پەروەردە دوستخۆشیان لەم هەنگاوەی‮ ‬یانەی‮ ‬شەترەنجی‮ ‬خانزاد كرد و لەلایەن خۆیانەوە ئامادەییان نیشاندا كە بەهەردولا بتوانن وانەی‮ ‬شەترەنج لە قوتابخانەكانی‮ ‬هەرێمی‮ ‬كوردستان جێگیربكەن و بۆ ئەم مەبەستەش داوا لە‮ ‬یانەی‮ ‬خانزاد كرا كە پرۆپۆزەلێك ئامادەبكەن بۆ ئەوەی‮ ‬وەزارەتی‮ ‬پەروەردە بتوانێ لەرێگای‮ ‬لیژنەكانیەوە كاری‮ ‬لەسەر بكات و وەك وانەیەكی‮ ‬وەرزشی‮ ‬جێگیری‮ ‬بكات‮.‬

بورهان ئەرگوشی‮ ‬بەڕێوەبەری‮ ‬گشتی‮ ‬دیوان لەوەزارەتی‮ ‬پەروەردە لەو كۆبوونەوەیەدا ئاماژەی‮ ‬بۆ ئەوەكرد كە ئەگەر بمانەوێ وانەی‮ ‬شەترەنج لە مەنهەجی‮ ‬خوێندن بڕیاری‮ ‬لەسەر بدرێت و ببێتە بەشێك لە وانەكانی‮ ‬خوێندن،‮ ‬پێویستە پسپۆرانی‮ ‬شەترەنج لە‮ ‬یانەی‮ ‬خانزاد هاوكاربن لە جێبەجێكردنی‮ ‬ئەم پرۆژەیە و بیگومان ئەمەش هێندە ئاسان نییە،‮ ‬بەلام هەر كارێك ماندووبوونی‮ ‬دەوێت تا دەگاتە سەر سكەی‮ ‬خۆی‮.‬

لەولاشەوە كاوە عومەر حەمەد بەڕێوەبەری‮ ‬گشتی‮ ‬پرۆگرام و چاپەمەنییەكان ئەوەی‮ ‬راگەیاند كە بۆ گەیشتن بەم ئامانجە پێویستە سوود لەو ولاتانە وەرگرین كە ئەمرۆكە وانەی‮ ‬شەترەنج لە قوتابخانەكانیاندا دەخوێندرێن،‮ ‬بۆ ئەمەش داوای‮ ‬لە‮ ‬یانەی‮ ‬خانزد كرد كە پرۆپۆزەلێك ئامادەبكەن و پێشكەشی‮ ‬وەزارەتی‮ ‬بكەن تا ئەوان لەلایەن خۆیانە و لە رێگای‮ ‬لیژنەكانەوە كاری‮ ‬لەسەر بكەن و دواجار بڕیار لەسەر ئەوە بدرێت كە لەداهاتوودا ئەو وانەیە وەك وانەیەكی‮ ‬وەرزشی‮ ‬جێگیر بكرێت‮.‬

لەبەرامبەردا سەرۆكی‮ ‬یانەی‮ ‬خانزاد ستایشی‮ ‬رۆلی‮ ‬وەزارەتی‮ ‬پەروەردەی‮ ‬كرد كە لە سەرەتاشدا پێشوازی‮ ‬بۆ ئەم هەنگاوە كرد كە لە‮ ‬30 قوتابخانە وانەی‮ ‬شەترەنج بخوێندرێت‮ ‬،‮ ‬ئەمەش نیشانەی‮ ‬خەمخۆریانە بۆ داهاتووییەكی‮ ‬گەشی‮ ‬قوتابیان‮.‬

لە كۆتاییدا وەك رێزلێنانێك قەلغانی‮ ‬پاڵەوانێتی‮ ‬فیستیڤالی‮ ‬ریفراندۆم بەخشرایە هەردوو بەڕێزان لە وەزارەتی‮ ‬پەروەردە‮.‬

 
چاپکردن   Share گه‌ڕانه‌وه‌