2018-01-14

خه‌بات: ‬هاوار مورتكەیی

ئیڤیت ئەلیخاندرا گارسیا مۆرالیس خانمە شەترەنجزانێكی‮ ‬بەتوانای‮ ‬وڵاتی‮ ‬مەكسیكە،‮ ‬ئێستا چەندین پۆستی‮ ‬لەم بوارەوە هەیە،‮ ‬لەوانە جیا لەوەی‮ ‬كە خاوەنی‮ ‬ماستەری‮ ‬نێودەوڵەتی‮ ‬ئافرەتانە‮ ‬WIM ئەو ئەندامی‮ ‬تیپی‮ ‬راهێنانی‮ ‬سایتی‮ ‬فەرمی‮  ‬chess.com‮‬ و بەڕێوەبەری‮ ‬یانەی‮ ‬كاپابلانكا و راهینەری‮ ‬تیپی‮ ‬زانكۆی‮ ‬چیهواهای‮ ‬مەكسیكیە،‮ ‬بەشداری‮ ‬لەزۆربەی‮ ‬پاڵەوانێتییەكانی‮ ‬جیهانی‮ ‬و ئۆلۆمپیادی‮ ‬كردووە،‮ ‬لە دەرفەتێكدا رۆژنامەی‮ ‬خەبات لە رێگای‮ ‬ئینتەرنێتەوە دیمانەیەكی‮ ‬لەگەل ئەنجامدا‮.‬

لە شەترەنجدا پشت بەخۆت دەبەستی

ئیڤیت خان‮ ‬Ivette Alejandra Garcia Morales كە ئێستا لەتەمەنی‮ ‬24 ساڵە لە تەمەنێكی‮ ‬درەنگیدا چووە نێو دونیای‮ ‬شەترەنجەوە،‮ ‬سەرەتا ئەو مەلەوانێكی‮ ‬بەتوانا بووە،‮ ‬لەپاڵ مەلەوانیشدا وەرزشی‮ ‬لیمالامای‮ ‬كردووە كە شێوەیەكە لە شێوەكانی‮ ‬كاراتێ،‮ ‬بەڵام براكەی‮ ‬ئەو هەمیشە شەترەنجی‮ ‬كردووە كاری‮ ‬لەو كردووە كە فێری‮ ‬شەترەنج بێت،‮ ‬ئیڤیت لەمبارەیەوە دەڵێت‮: ‬كاتێك سەیری‮ ‬شەترەنجم كرد بینیم زۆر لە وەرزشەكانی‮ ‬تر جیاوازترە كە هیچ جیاوازییەك لە نێوان ئافرەت و پیاودا نییە بەتایبەتیش لە تەمەن و كلتور و باری‮ ‬كۆمەڵایەتی‮ ‬و كێش،‮ ‬لەشەترەنجدا دەتوانی‮ ‬بەبێ بوونی‮ ‬ئەو جیاوازییانە‮ ‬یاری‮ ‬ببەیتەوە،‮ ‬شەترەنج بەتەنها ئەو وەرزشەیە كە پشت بەخۆت دەبەستی‮.‬

باوك و برای‮ ‬تووشی‮ ‬شۆك كرد

ئەو خانمە شەترەنجزانە لەبارەی‮ ‬دەركەوتنی‮ ‬بەهرەی‮ ‬یاریی‮ ‬كردنی‮ ‬شەترەنج دەڵێت‮: ‬رۆژانە باوكم و براكەم لەگەڵ‮ ‬یەكتر‮ ‬یاری‮ ‬شەترەنجیان دەكرد و منیش تەنها سەیرم دەكردن،‮ ‬هەروەها لە كاتی‮ ‬راهینانیشدا زۆر بە هەستەوە سەرنجم دەدا،‮ ‬لەبیرمە ئەوان هەرگیز نەیاندەزانی‮ ‬كە من شەترەنج دەزانم،‮ ‬تا كاتیك لەگەڵ براكەم‮ ‬یارییم كرد زۆر بەژیرانە بەرامبەری‮ ‬ركابەریم دەكرد،‮ ‬باوكمم توشی‮ ‬شۆك كرد كاتیك لەگەڵ ئەو‮ ‬یاریم كرد و لێم بردەوە،‮ ‬ئەوان لەوكاتەوە بایەخیان بەمن دا‮.‬

لە رۆژی‮ ‬لەدایك بوونم داوای‮ ‬راهێنەرم كرد

ئیڤیت بەڕێوەبەری‮ ‬یانەی‮ ‬كاپابلانكا سەبارەت بە سەرەتای‮ ‬بەشداریكردنی‮ ‬دەڵێت‮: ‬بۆ‮ ‬یەكەمین جار لە ساڵی‮ ‬2007 كە ئەوكات تەمەنم‮ ‬11 ساڵ بوو بەشداریم لە پاڵەوانێتی‮ ‬لەسەر ئاستی‮ ‬مەكسیك كرد،‮ ‬لە دوو ساڵێ‮ ‬یەكەممدا بەئاستێكی‮ ‬باش دەرنەكەوتم،‮ ‬كاتێك‮ ‬یادی‮ ‬لەدایك بوونم هات و بوومە‮ ‬15 ساڵ،‮ ‬خانەوادەكەم وەك دیارییەك پێیان گووتم كە ئاهەنگێكی‮ ‬گەورەم بۆ رۆژی‮ ‬لەدایك بوونم بۆ رێك دەخەن،‮ ‬بەڵام داوام لە باوكم كرد و پیم گوت من ئاهەنگم ناوێت،‮ ‬ئەگەر دەتەوێ دیارییەكم پێ ببەخشی‮ ‬لەم رۆژەدا ئەوا راهێنەرێكی‮ ‬شەترەنجم بۆ بگرە،‮ ‬باوكیشم ئەوەی‮ ‬بۆ كردم و ئیتر چیرۆكی‮ ‬من لەگەڵ شەترەنج بەراستی‮ ‬لەوكاتەوە دەستی‮ ‬پێكرد‮.‬

هەروەها ئیڤیتی‮ ‬مەكسیكی‮ ‬زیاتر گوتی‮: ‬لە ساڵی‮ ‬2011 بۆ‮ ‬یەكەمین جار بەشداریم لە پاڵەوانێتی‮ ‬شەترەنجی‮ ‬جیهان كرد لە وڵاتی‮ ‬بەڕازیل بۆ خوار تەمەنی‮ ‬18? باشترین دەسكەوتیشم لە ئۆلۆمپیادی‮ ‬توركیا بوو لە ساڵی‮ ‬2012 كە‮ ‬7 م لە‮ ‬9 خاڵ بەدەستهێنا،‮ ‬و ئەوكات وامزانی‮ ‬خەون دەبینم كاتێك راهێنەرەكەم پێی‮ ‬گوتم نازناوی‮ ‬WIM بەدەستهێنا‮.‬

شەترەنج دەرگاكانی‮ ‬بۆ كردمەوە

ئیڤیت ئەلیخاندرا زیاتر لەبارەی‮ ‬شەترەنجەوە دەڵێت‮: ‬من هەست ناكەم لەخەوندا دەژیم،‮ ‬لەبەر ئەوەی‮ ‬ئەوەی‮ ‬بەدەستم هێناوە لە سایەی‮ ‬شەترەنجەوەیە،‮ ‬بەختم لەوە هەبوو كە لەبواری‮ ‬خوێندنەوە ئێستا ماستەری‮ ‬دەخوێنم،‮ ‬جیا لەمەش دەرفەتی‮ ‬گەشتی‮ ‬وڵاتانم زۆر بۆ رەخساوە،‮ ‬میللەتانی‮ ‬جۆراوجۆرم ناسیوە و ئاشنایەتیم بە كلتور و ژیانیان هەبووە،‮ ‬هەروەها كەسانێكم ناسیوە كە ئێستا وەك‮ ‬یەك خێزانین،‮ ‬بەگشتی‮ ‬شەترەنج دەرگاكانی‮ ‬بۆ كردمەوە تا جیهان بناسم‮.‬

لە شەترەتجدا هەموو شتێك‮ ‬یەكسانی‮ ‬تێدایە

لە كۆتاییدا ئیڤیت ئەلیخاندرا گارسیا مۆرالیس خانمە شەتەرنجزانی‮ ‬مەكسیكی‮ ‬گە لە‮ ‬13ی‮ ‬نۆڤیمبەری‮ ‬ساڵی‮ ‬1994 لە شاری‮ ‬چیهواهوای‮ ‬مەكسیكی‮ ‬لەدایك بووە دەڵێت‮: ‬لە شەترەتجدا هەموو شتێك‮ ‬یەكسانی‮ ‬تێدایە،‮ ‬هیچ جیاوازییەك لەنێوان نێر و مێدا نییە،‮ ‬سەرباری‮ ‬جیاوازی‮ ‬لەش و فسیۆلۆجی،‮ ‬بەڵام ئافرەت دەتوانێت بەرامبەر پیاو‮ ‬یار بكات،‮ ‬لەبەر ئەمەیە من شەترەنجم خۆش دەوێت،‮ ‬یاری‮ ‬كردن بەرامبەر رەگەزی‮ ‬نێر،‮ ‬مەحالە لە وەرزشی‮ ‬بەدەنی،‮ ‬من دڵنیام لە ئایندەیەكی‮ ‬نزیكدا ژمارەیەكی‮ ‬زۆر لە ئافرەت‮ ‬یاری‮ ‬شەترەنج دەكەت‮.‬

 
چاپکردن   Share گه‌ڕانه‌وه‌