2018-01-28

یانەی‮ ‬ناپۆلی‮ ‬رایگەیاند كە بەرگریكاری‮ ‬یانەكەی‮ ‬نیكۆلا ماكسیمیۆڤیچی‮ ‬سربی‮ ‬ریزی‮ ‬یانەكەیانی‮ ‬بەرەو سپارتاك مۆسكۆی‮ ‬رووسی‮ ‬بەخواستن جێهێشت،‮ ‬تا كۆتایی‮ ‬ئەم وەرزە‮. ‬یاریزانی‮ ‬پێشووی‮ ‬یانەی‮ ‬تۆرینۆ تەنها‮ ‬4یاری‮ ‬لەگەڵ‮ ‬یانەی‮ ‬باشووری‮ ‬راهێنەر ماوریسیۆ ساری‮ ‬ئەنجام دا،‮ ‬راهێنەری‮ ‬یانەی‮ ‬سپارتاك مۆسكۆ رایگەیاند كە ماسیمیۆ كاریرا ماكسیمۆڤیچ گەیشتۆتە مۆسكۆ بۆ ئەنجامدانی‮ ‬رێكارە‮ ‬یاساییەكان و دوێنێش پەیوەندی‮ ‬بەمەشقەكانی‮ ‬یانەكەیەوە كرد‮.

‬ناوبراو دەڵێت‮: ‬پێویستییەكی‮ ‬زۆرمان بە بەرگریكارێكی‮ ‬ناوەڕاست هەبوو،‮ ‬نیكۆلامان بۆ ئەم شوێنە هەڵبژارد چونكە لەكۆتایی‮ ‬گواستنەوەكانی‮ ‬زستانەدا بەتەواوی‮ ‬ئامادەیە،‮ ‬بەڵام هێشتا دیار نییە بۆ پێكهاتەی‮ ‬سەرەكی‮ ‬پێویستە هەوڵی‮ ‬زۆر بدات،‮ ‬تا جێگای‮ ‬خۆی‮ ‬لەپێكهاتەی‮ ‬سەرەكی‮ ‬دەكاتەوە‮. ‬

 
چاپکردن   Share گه‌ڕانه‌وه‌