2018-01-28

سابیر نانەكەلی‮ ‬

دوای‮ ‬ئەوەی‮ ‬بەڕێوەبەرایەتی‮ ‬گشتی‮ ‬سەرپەرشتیكردنی‮ ‬پەروەردەیی‮ ‬بڕیاریدا سیستەم‮ ‬یاخود میكانیزمی‮ ‬سەرپەرشتیكردن بگۆڕێت بەهۆی‮ ‬ئەوەی‮ ‬ماوەیەكی‮ ‬درێژە بەشێوەی‮ ‬تقلیدی‮ ‬ئەم كردارە ئەدا دەكرێت و پەیڕەو دەكرێت كە دەتوانین بڵێن زۆر كۆن بووە و تاڕادەیەكی‮ ‬زۆریش سەرپەرشتیارو كارگێری‮ ‬و مامۆستایانیش ئارەزووی‮ ‬گۆرینی‮ ‬دەكەن‮ ‬،‮ ‬بە دڵنیاییشەوە هەموو دامودەزگایەك پێویست دەكات شێوازی‮ ‬كارو میكانیزمی‮ ‬بەڕێوەچوونی‮ ‬بگۆرێت بۆ ئەوەی‮ ‬لەلایەن جێبەجێكارانی‮ ‬بێزاركەر نەبێت و لەلایەكیتریش زەروورەتێكە كە بتوانن لەگەڵ گۆڕانكاریەكان خۆیان بگونجێنن‮. ‬لە وتاری‮ ‬پێشووم باسم لەوەكرد كەوا بەشێوەی‮ ‬زنجیرە باس لە جۆرەكانی‮ ‬سەرپەرشتیكردنی‮ ‬هاوچەرخ دەكەم‮ ‬،‮ ‬هاوڕێی‮ ‬ڕەخنەگریش جۆرێكە لە سەرپەرشتیكردنی‮ ‬هاوچەرخ كە لێرەدا دەمەوێت تیشكی‮ ‬بخەمەسەر‮‮: ‬بەكارهێنانی‮ ‬ئەم جۆرە سەرپەرشتیكردنە دەگەڕێتەوە بۆ سێ بنەما‮. ‬

یەكەم‮:‬ سەرجەم ئەنجامدەرانی‮ ‬هەر پڕۆژەیەك پێویستیان بە‮ ‬یارمەتی‮ ‬وپشتگیری‮ ‬هەیە‮ .   ‬

دووەم‮: ‬ئەو‮ ‬یارمەتی‮ ‬و پشتگیریە چاكتروایە لەلایەن كەسانی‮ ‬شارەزاو خاوەن ئەزموون بێت‮ .   ‬

سێیەم‮: ‬كەسانی‮ ‬خاوەن ئەزموونەكانیش دەبێت وەكو هاوڕێیەكی‮ ‬ڕەخنەگر لەگەڵیاندا بن‮ . ‬

كەواتە هاوڕێی‮ ‬ڕەخنەگر كێیە؟ هاوڕێی‮ ‬ڕەخنەگر مانای‮ ‬شوێنگرەوە‮ ‬یان چاودێر نیە‮ ‬،‮ ‬بەڵكو كەسێكی‮ ‬هاوكارو‮ ‬یارمەتیدەرو پشتگیرە‮ ‬،‮ ‬بەپێدانی‮ ‬تێبینیەكان و تێگەیاندنی‮ ‬بەرانبەرەكەی‮ ‬بەكردارە راستەكان‮ ،‮ ‬گرنگی‮ ‬هاوڕێی‮ ‬ڕەخنەگر لەوەدایە كە لەگەڵ كاروكردەوەكان هەنگاو بە هەنگاو دەڕوات و وادەكات بە شێوەیەكی‮ ‬تەندروست بەڕێوە بچێت‮.   ‬

هاوڕێی‮ ‬رەخنەگر‮: ‬كەسێكە دەتوانێت‮ ‬یارمەتیمان بدات لە كارەكانماندا‮ ‬،‮ ‬جێگای‮ ‬متمانە‮ ‬ خاوەن ئەزموون و شارەزایە‮ ‬،‮ ‬فێرمان دەكات چۆن كارەكان‮ ‬ڕایی‮ ‬بكەین و هەڵسەنگاندنی‮ ‬بۆ بكەین و هەڵەكان‮ ‬ڕاست بكەینەوە‮ ‬،‮ ‬وە لە دروستكردنی‮ ‬بڕیار و چۆنیەتی‮ ‬بریاردان هاوكاریمان دەكات‮. ‬

چۆن دەبیتە هاوڕێیەكی‮ ‬ڕەخنەگر؟

پێدانی‮ ‬متمانە بەبەرانبەرەكەت كە تۆ بۆ پێشخستن و سەركەوتنی‮ ‬ئەو هاتووی‮     ‬

- ‬زۆر گوێیان لێبگرە‮ ‬،‮ ‬چونكە گەر بزانن گوێیات لێناگریت ئامادەنین گوێت لێبگرن‮    ‬

- ‬كاری‮ ‬سەرنجڕاكێش ئەنجام بدە‮ ‬،‮ ‬بیرۆكەی‮ ‬جوان و بەسوود پێشكەش بكە‮ ‬،‮ ‬شارەزاییەكانی‮ ‬خۆت بخەگەر‮   ‬

‮-  ‬گلیەیی‮ ‬مەكە بەڵكو‮ ‬یەكسەر هەوڵی‮ ‬چارەسەری‮ ‬گرفتەكان بدە بە هاوبەش

هاوڕێی‮ ‬ڕەخنەگر دەبێت لەمانەی‮ ‬دووركەوێتەوە‮: ڕەخنەی‮ ‬نەرێنی‮ ‬یان‮ ‬ڕوخێنەر‮ ‬،‮ ‬دژە بەهاكان‮ ‬،‮ ‬شاراوەیی‮ ‬و نەبوونی‮ ‬ڕاستگۆیی‮ ‬لە كاركردندا‮ ‬،‮ ‬گرنگیدان بە بڕیاردانی‮ ‬تاك لایەنه‮ ‬،‮ ‬ڕووچوونە ناو بابەتی‮ ‬دەرەكی،‮ ‬هەڵچوون و تووڕەبوون‮.‬

بۆیە بێویستە سەرجەم كارگێرو مامۆستایان هەماهەنگی‮ ‬تەواو لەگەڵ سەرپەرشتیاری‮ ‬هاوڕێی‮ ‬ڕەخنەگری‮ ‬خۆیان بكەن و سوود لەیەكتر وەربگرن و بەیەكەوە كاروكردەكان‮ ‬ڕایی‮ ‬بكەن لە پێناو پەرەپێدانی‮ ‬قوتابخانەو گەیشتن بە ئامانجەكان‮.‬

 
چاپکردن   Share گه‌ڕانه‌وه‌