2018-01-29

‬فارس قادر فەقێ عەبدوڵڵا‮❊‬‮
‬كورد‮ ‬یەك دەنگە،‮ ‬لە هەر كوێ خوێن لە جەستەی‮ ‬بێت هەمووی‮ ‬دڵتەنگە بەرامبەر بە داگیركەران و دوژمنان‮ ‬یەك رەنگ و‮ ‬یەكدەنگە‮. ‬بەڵێ،‮ ‬لەوەش راستتر و راشكاوانەتر دەڵێین و دەیڵێینەوە گەر دوژمنانمان سێگۆشەی‮ ‬خیانەتییان هەبێت‮ ‬یان سێكوچكەی‮ ‬مەرگ بن بۆ گیانی‮ ‬كورد و چوار پارچەكەی‮ ‬كوردستان،‮ ‬وەك مەسەلە كوردییەكە گوتەنی‮: ‬جیامان بكەنەوە بە ناوی‮ ‬گای‮ ‬رەش و سپی‮ ‬و سوور تەماشامان بكەن،‮ ‬ئێمەش دەڵێین گوێ بگرن،‮ ‬ئێوەش لە چاوی‮ ‬ئێمە گورگن،‮ ‬رێوین،‮ ‬ماری‮ ‬سڕن‮! ‬گەر لە پێستی‮ ‬مەڕیشدا بن هەر دڕندەن،‮ ‬بەڵێ وایە و وایە،‮ ‬لەگەڵ دوژمنان چاومان جیایە،‮ ‬ئێمە ئێمەین و ئەوانیش ئەوانن،‮ ‬گەر وا سەیرمان دەكەن،‮ ‬ئێمە نێچیری‮ ‬ئەوانین،‮ ‬دەبێ بخورێین و دەبێت بمرین‮. ‬ئێمەش دەڵێین دەبێ ئێوە بڕۆن و دەبێ ئێوە دەربكرێن و كۆت و بەند بكرێن‮. ‬
‮ ‬گەر لە دوورەوە سەیری‮ ‬كوردستان دەكەن كە بە هەشتە و بۆ ئێوە حەڵالە‮! ‬نەخێر هەڵەن ئەو بەهەشتە بۆ خاوەن ماڵە،‮ ‬تەنها بۆ ئەویش حەلاڵە،‮ ‬باش بزانن بۆ ئێوە كوردستانی‮ ‬نادیارە،‮ ‬كێڵی‮ ‬قەبریش بۆ ئێوە تیایدا مەحاڵە‮. ‬ئەگەر سەیری‮ ‬رەنگەكان دەكەن و وەك خۆراك سەیری‮ ‬دەكەن و ئیشی‮ ‬بۆ دەكەن پێتان دەڵێین ئێوە هەڵەن‮. ‬راستە رەنگمان هەیە و جۆراوجۆرە،‮ ‬بەڵام دەنگمان‮ ‬یەكە و وەك لە هەر كوێ بین لە چوارپارچەكەی‮ ‬كوردستان كە ئێوە دابەشتان كردووین،‮ ‬ئێوە هەڵەن،‮ ‬ئێمە دابەش نەبووین،‮ ‬هەر هەموومان خەڵكی‮ ‬عەفرینین،‮ ‬هەر هەموومان كەركووكین،‮ ‬هەر هەموومان هەولێر و كۆبانین،‮ ‬دڵمان لە مەهابادە،‮ ‬بیرمان لە ئامەد و سلێمانییە‮. ‬هەڵە مەكەن لە رەنگەكان،‮ ‬ئەو رەنگانە بۆ ئێوە نییە بۆ خۆمانە‮. ‬
شانسی‮ ‬كوردە رەنگی‮ ‬رەش و جلی‮ ‬دایكی‮ ‬شەهیدانە،‮ ‬رەنگی‮ ‬سوور خوێنەكەیە،‮ ‬رەنگی‮ ‬سەوز،‮ ‬هێمای‮ ‬ژیانە،‮ ‬رەنگی‮ ‬سپی‮ ‬ئاشتی‮ ‬و ئارامییە،‮ ‬رەنگی‮ ‬زەرد،‮ ‬تیشكی‮ ‬خۆر و رووناكییە،‮ ‬رەنگی‮ ‬شینیش،‮ ‬ئاسۆیەكی‮ ‬پڕ‮ ‬هیوایە،‮ ‬رەنگی‮ ‬پرتەقاڵیش،‮ ‬هێمای‮ ‬لێبووردەییە،‮ ‬بەرەنگاربوونەوەی‮ ‬زوڵم و زۆردارییە،‮ ‬هەڵەن ئەگەر نەزانن،‮ ‬رەنگ بۆچییە ئێمە دڵنیاین بەرەو ئاسۆیەكی‮ ‬پڕشنگدار دەڕۆین،‮ ‬دڵنیاین بەرەنگاری‮ ‬زوڵم و زۆرداریش دەبینەوە،‮ ‬دڵنیاین رۆڵەكانمان سەری‮ ‬دایكیان بەرز رادەگرن،‮ ‬جلی‮ ‬رەشیش فڕێ دەدەن‮. ‬ئەوەی‮ ‬دەمینێت،‮ ‬سوور و سەوز و زەرد و سپی،‮ ‬هەر دەمێنێ ئەویش ئاڵای‮ ‬كوردە بۆ هەر چوار پارچە لە دەست كورد هەمووی‮ ‬یەكە گەر لای‮ ‬ئێوە رەنگ رەنگە بۆ كورد رەنگا و رەنگە،‮ ‬عەفرین كۆبانی‮ ‬كەركووك هەمووی‮ ‬دەمار و دڵی‮ ‬كوردن و رۆحی‮ ‬جەستەی‮ ‬زامدار و بە ئازاری‮ ‬گشت تاكێكی‮ ‬مەردن،‮ ‬بەڵێ ئەمە بۆچوون و تێگەیشتنی‮ ‬هەموو تاكێكی‮ ‬بە شەرەفی‮ ‬كوردە‮. ‬
‮❊ ‬ئەندامی‮ ‬ئەنجوومەنی‮ ‬سەركردایەتی‮ ‬هەولێری‮ ‬پ‮. ‬د‮. ‬ك‮‬

 
چاپکردن   Share گه‌ڕانه‌وه‌