2018-01-29

 ئەندامێكی لیژنەی لێكۆڵینەوە لە ڕووداوەكانی ١٦ـی ئۆكتۆبەر رایگەیاند، سبەی لیژنەكەیان یەكەم كۆبوونەوەی خۆی ئەنجام دەدات و، بەرنامەی خۆی دادەنێت بۆ ئەوەی دەست بە كارەكانی بكات.

لە ڕووداوەكانی ١٦ـی ئۆكتۆبەردا، بە ھۆی خیانەتی باڵێكی حیزبێكی كوردییەوە، حەشدی شەعبی توانی كەركووك و خورماتوو كۆنتڕۆڵ بكات و كوردی ئەو ناوچانەیش دەربەدەر بوون و زیانی زۆریشیان پێ گەیێندراوە، بۆیە پەرلەمانی كوردستان لە ماوەی رابردوودا لیژنەیەكی پێك ھێنا بۆ ئەوەی لێكۆڵینەوە لە ڕووداوەكە بكات و راستییەكانیش بۆ رای گشتی ئاشكرا بكات.

لەم بارەیەوە و لە لێدوانێكی تایبەتدا بۆ ماڵپەری فەرمیی پارتی دیموكراتی كوردستان، شوان شێخ ئەحمەد، ئەندامی لیژنەی لێكۆڵینەوە لە ڕووداوەكانی ١٦ـی ئۆكتۆبەر رایگەیاند، لیژنەكە لەلایەن پەرلەمانی كوردستانەوە پەسەند كراوە و ھەر فڕاكسیۆنێك لە لیژنەكە نوێنەری خۆی ھەیە و دەست بەلێكۆڵینەوە دەكەن لەو ڕووداوانە و، راپۆرتێكیشی لەبارەوە ئامادە دەكەن و وردەكارییەكان دەخەنە ڕوو.

شێخ ئەحمەد گوتیشی، "سەردانەكانمان زیاتر بۆ لای ئاوارەكان دەبن ئەوانەی لە كەركووك و خورماتوو ئاوارە بوونە و، ئەگەر رێگە بدرێت سەردانی كەركوك و خورماتووش دەكەین، بەڵام بڕوا ناكەم حەشدی شەعبی رێگە بدەن".

لەبارەی كاتی دەستبەكاربوونی لیژنەكەشەوە گوتی، سبەی لیژنەكەیان كۆبوونەوەی خۆی دەكات و، تێیدا بەرنامەی دەستبەكاربوونیان دادەنێن كە سەرەتا لە كوێوە دەست بە لێكۆڵینەوەكانیان بكەن.

 
چاپکردن   Share گه‌ڕانه‌وه‌