2018-01-30

لەكاتی‮ ‬تۆماركردنی‮ ‬هەر لێدانێكی‮ ‬سزا لەلایەن رۆناڵدۆ رەخنەگرانی‮ ‬لەسەر ماڵپەڕە كۆمەڵایەتییەكان دەست بەگاڵتە پێكردنی‮ ‬دەكەن و ئاماژە بەوە دەكەن كە بەمشێوەیە نەبێت ناتوانێت گۆڵ تۆمار بكات،‮ ‬تا كار گەیشتۆتە ئەو رادەیەی‮ ‬نازناوی‮ (‬پیناڵدۆ‮)‬یان خستۆتە پاڵ،‮ ‬كە ئاماژەیەكە بۆ ئەوەی‮ ‬ئەو بەردەوام پێویستی‮ ‬بەلێدانی‮ ‬سزایە تاكو بتوانێت گۆڵ تۆمار بكات‮. ‬رۆناڵد لەیاری‮ ‬رابردووی‮ ‬یانەی‮ ‬ریال مەدرید بەرامبەر ڤالێنسیا توانی‮ ‬2گۆڵ بەلێدانی‮ ‬سزا تمۆار بكات،‮ ‬لەو‮ ‬یارییەی‮ ‬بە4-1گۆڵ سەركەوتنیان تۆماركرد،‮ ‬بەڵام ئەمە نەبووە هۆی‮ ‬ئەوە لەرەخنە توندەكانی‮ ‬هاندەران رزگاری‮ ‬ببێت و بەڵكو ئاماژەیان بەوەكرد كە نەیتوانی‮ ‬هیچ شتێكی‮ ‬دڵخۆشكەر پێشكەش بكات،‮ ‬جگەی‮ ‬لەوەی‮ ‬توانی‮ ‬2گۆڵ بەلێدانی‮ ‬سزا تۆمار بكات‮. ‬رۆناڵدۆ لەپلەی‮ ‬یەكەمی‮ ‬گۆڵكارانی‮ ‬لێدانی‮ ‬سزا دێت بەدرێژایی‮ ‬مێژوو،‮ ‬بەڵام ئەمە لەكەداری‮ ‬ناكات،‮ ‬بەڵكو بەپێچەوانەوە ئەمەش توانایەكی‮ ‬تایبەتی‮ ‬دەوێت كە زۆربەی‮ ‬یاریزانان لێی‮ ‬بێبەشن،‮ ‬كەبەهۆیەوە توانیویەتی‮ ‬چەندین‮ ‬یاری‮ ‬یەك لا بكاتەوە،‮ ‬لەگەڵ‮ ‬یانەی‮ ‬ریال و مان‮ ‬یونایتد و هەڵبژاردەی‮ ‬پورتوگال‮. ‬رۆناڵدۆ لەكۆی‮ ‬120 لێدانی‮ ‬سزادا توانیویەتی‮ ‬101گۆڵ تۆمار بكات و‮ ‬19 لێدان لەدەست بدات،‮ ‬واتە رێژەی‮ ‬تۆماركردنی‮ ‬84% بووە‮. ‬ئەگەر بەراوردێكی‮ ‬لەگەڵ مێسی‮ ‬بكەین،‮ ‬دەبینین ئەو‮ ‬101 لێدانی‮ ‬سزای‮ ‬لێداوەو‮ ‬78گۆڵی‮ ‬تۆماركردووە،‮ ‬بەرێژەی‮ ‬77%.

 
چاپکردن   Share گه‌ڕانه‌وه‌