2018-02-04

‬بەكر كەریم حەسەن‮

فەیلەسوفی‮ ‬بەناوبانگی‮ ‬یۆنانی‮ ‬سوكرات دەلێ‮" ‬گرنگ نییە قسەكانم پەسند بن،‮ ‬گرنگ ئەوەیە‮ ‬ڕاستگۆم‮" ڕاستگۆیی‮ ‬لە نیەت لە قسە كردن لە كارەكان دڵسۆزی‮ ‬و متمانە پێكردن و سەركەوتن و تەبایی‮ ‬دێنێتە كایەوە‮ ‬،‮ ‬گرنگە لە نیەت و قسەكانمان‮ ‬ڕاستگۆ بین و لە كارەكانمان دڵسۆز بین‮ ‬تا بە سەركەوتوویی‮ ‬بەرەوو ئامانجەكانمان هەنگاو بنیین و بێگومان درووستكەری‮ ‬گۆڕانكاری‮ ‬و بەرەووپێشچوون و پێشكەوتنیشە لە هەمان كاتدا دووردەكەوێتەوە لە خۆپەرستی‮ ‬و خۆویستی‮ ‬و دیدگای‮ ‬تەسك و زیان گەیاندن بە بەرژەوەندی‮ ‬تاكەكان و كۆمەڵگە‮ ‬،‮ ‬بۆ ئەوەی‮ ‬نەوەكانمان لە سەر‮ ‬ڕاستگۆیی‮ ‬و دڵسۆزی‮ ‬پەروەردە بكەین‮.‬

بێگومان لە خێزان بەتایبەتی‮ ‬و پەروەردە بە گشتی‮ ‬دەست پێ دەكەین،‮ ‬بۆ نموونە لە خێزانێكی‮ ‬بچووك ئەگەر دایك و باوك هەردووكیان‮ ‬یان‮ ‬یەكیان‮ ‬ڕاستگۆنەبوون لە قسەكانیان‮ ‬لەگەڵ منداڵەكانیان و دڵسۆزییان نەبوو بۆ ماڵەكەیان‮ ‬ئەوا متمانە و گوێ‮ ‬ڕایەڵی‮ ‬نامێنێ و شیرازەی‮ ‬خێزانەكەیان تێك دەچێ و پاشەڕۆژی‮ ‬ئەو خێزانە بەرەوو لێك ترازان و هەڵوەشاوە و داڕمان دەڕوات‮ ‬،‮ ‬بە هەمان شێوە لە كۆمەڵگە كە كلیلی‮ ‬پێكەوتن و گەشەكردنی‮ ‬كۆمەڵگە پەروەردەیە‮.‬

بۆیە گرنگە‮ ‬سەرجەم كەناڵەكانی‮ ‬پەروەردە لە لوتكە تا بنكە مەبەستم لە وەزارەت تا قوتابخانە دەبێ نیتەمان پەروەردەیی‮ ‬بێت و‮ ‬ڕاستگۆبین لە قسەكانمان و دڵسۆزبین‮ ‬لە كارەكانمان مەبەست و ئامانجمان بەرەووپێشبردنی‮ ‬كۆمەڵگە و پاڕاستنی‮ ‬ئەو ئەمانەت و بەرپرسیاریەتیە‮ ‬بێت كە پێمان سپێردراوە دوور لە بەرژەوەندی‮ ‬كەسی‮ ‬و دیدگای‮ ‬تەسك و خستنەكاری‮ ‬دام و دەگاكانی‮ ‬پەروەردەیی‮ ‬لە پێناو بەرژەوەندی‮ ‬كەسی‮ ‬و بێ‮ ‬ڕەچاوكردنی‮ ‬بەرپرسیاریەتی‮ ‬و متمانە و سیقەی‮ ‬بەرپرسانی‮ ‬باڵای‮ ‬هەرێم كە ئەو هەموو بەرپرسیاریەتی‮ ‬و متمانە و دەسەڵاتە‮ ‬جۆراوجۆرانەیان‮ ‬خستۆتە ژێر دەستی‮ ‬هەریەكێكمان جگە لە بە فیرۆدانی‮ ‬ماف و تایبەتمەندی‮ ‬تاكەكانی‮ ‬تری‮ ‬كۆمەڵگە كە چاوەڕێی‮ ‬هەنگاو و كرداری‮ ‬سوودبەخش دەكەن‮.‬

بۆیە گرنگە لە وەزارەتی‮ ‬پەروەردە‮ ‬شەفاف و‮ ‬ڕاشكاوانە و‮ ‬ڕاستگۆیانە لە قسەكانمان و دڵسۆزانە لە كارەكانمان بە گشتی‮ ‬هەنگاو بنێن و كاری‮ ‬لە سەر بكەین و جێ بەجێ‮ ‬یان بكەین و‮ ‬ڕەنگدانەوەی‮ ‬تەواوی‮ ‬هەبێت لەسەر سەرجەم كەناڵەكانی‮ ‬تری‮ ‬بەرێوەبەرایەتیەكان بە گشتی‮ ‬و قوتابخانەكان بەتایبەتی‮ ‬و بەرپرسیاریەتیەكان لە ئەستۆ بگرین و بویرانە و بێ جیاوازی‮ ‬بەرنامە دارێژی‮ ‬بكەین و فەلسەفە و سیاسەتی‮ ‬پەروەردە و فێركردنمان‮ ‬ڕوون و‮ ‬ڕاشكاو بێت درووشمی‮ ‬ڕاستكۆیی‮ ‬لە قسەكانمان و دڵسۆزی‮ ‬لە كارەكانمان‮ ‬بكەینە كرداری‮ ‬بنەمای‮ ‬سەركەوتنی‮ ‬پەروەردەی‮ ‬داهاتوو‮ ‬،‮ ‬ڕەگی‮ ‬پەروەردە لە داڕزان بپارێزین شایانی‮ ‬هەڵگرتنی‮ ‬ئەو پەیامە بین بە كردار نەك بە درووشم منداڵەكانمان لە قوتابخانەكان‮ ‬لە سەر‮ ‬ڕاستگۆیی‮ ‬و‮ ‬ڕاشكاوی‮ ‬و بوێری‮ ‬و خۆشەویستی‮ ‬بۆ خاك و نیشتیمان پەروەردە بكەین و مامۆستاكانمان بە چاوی‮ ‬خۆیان ببینن كە سەرووی‮ ‬خۆیان لە سەرپەرشتیاری‮ ‬و پەروەردەكان‮ ‬لەوان دڵسۆزانە تر و‮ ‬ڕاستگۆیانە تر كار دەكەن و بەهەمان شێوە هەموویان ببینن بەرێوەبەرایەتیە گشتییەكان و وەزارەتی‮ ‬پەروەردە‮ ‬ڕاستگۆیانە و دڵسۆزانە دوور لە بەرژەوەندییە لابەلاكان هەموو هەوڵەكانیان لە پێناو گەشەسەندن و پێشكەوتنی‮ ‬پەروەردە و قوتابخانە و قوتابی‮ ‬و مامۆستاكان بێت و خۆنەویستانە و دڵسۆزانە لە كارەكانیان بێ ووچان بەردەوامن‮ ‬،‮ ‬بێگومان ئەوانیش درێخی‮ ‬ناكەن و كەمتەرخەمی‮ ‬نانوێنن و منداڵەكانمان لە سەر‮ ‬ڕاستگۆیی‮ ‬و پەروەردە دەكەن‮ ‬هەروەكو نوسەری‮ ‬شانۆیی‮ ‬بەریتانی‮ ‬جۆرج بردناردشۆ دەلێ‮ " ‬پێش ئەوەی‮ ‬داوای‮ ‬ڕاستگۆیی‮ ‬لە خەڵكانی‮ ‬تر بكەین‮ ‬،‮ ‬پێویستە منداڵەكانمان فێری‮ ‬ڕاستگۆیی‮ ‬بكەین‮".‬

‮❊ ‬بەرێوەبەری‮ ‬گشتی‮ ‬چاڵاكی‮ ‬وەرزش و هونەر/ ماستەر لە كارگێری‮ ‬پەروەردەیی

 
چاپکردن   Share گه‌ڕانه‌وه‌