2018-02-05

خالد ئەحمەد بادی
بویەرێن دەڤەرا روژهەلاتا ناڤەراست زور بلەز دهێن ودقوناغێن سەخت ودژوار دا دبورن وهەستیارترین بویەر كەفتینە بەروكا وەلاتێن هەرێمی‮ ‬وبتایبەت عیراقا فیدرال وبوینە ئەگەرێ پەیدا بونا ناكوكی‮ ‬وئالوزیێن زێدەتر ودەڤەرێ ب گشتی‮ .‬خویایە بویەر ئێك لدویڤ ئێك هاتن و بەربەلاڤ بوینە وكوردستان ژی‮ ‬پشكەكا مەزن وگرنگ بخوڤە دیت وگەهشتیە رادەی‮ ‬هێرشێن رێكخراوێن تیرورستی‮ ‬قاعیدە و داعش وحەشدا وەحشی‮ ‬هاتنە سەر مە وكوردستان توشی‮ ‬شەر وهێرش وپیلانێن مەزن بوو‮ ‬وهەرێما مە بویە پەناگەه بو سەدان هزار ئاواران ژسوریێ وعیراقێ‮ .‬بویەرا ژهەمی‮ ‬یان خرابتر ئەوبو هێرشا حەشدا وەحشی‮ ‬وداگیركرنا كەركوكێ ودەڤەرێن دی‮ ‬یێن دەرڤەی‮ ‬دەستهەلاتا حكومەتا هەرێمێ وپەیوەندیێن هەرێمێ وعیراقێ ئالوزتر لێ هاتن وئەو ئالوزیێن هەمی‮ ‬حكوماتێن عیراقێ بومە دروست كرین دەستهەلاتدارین نوكە عیراقێ برێڤە دبەن هەر ئەو رەفتار بەرامبەر مللەتێ كورد كرن‮ . ‬دەستهەلاتدارێن عیراقێ‮ ‬ژدەستپێكێ رەفتارێن دوژمنكارانە بەرامبەر مللەت وحكومەتا مە كرن ژپێشیلكرنا دەستوری‮ ‬وبرینا بودجەی‮ ‬ولادانا پوستێن كوردان ل بەغدا ودەستهەلاتێ تاك‮ ‬ودو سێ وەزارەت بتنێ سەروك وەزیران برێڤەبرن ومەرجەعا بریارا بلند دحوكمرانیێ دا هەیە ولشوینا لەشكەرەكێ ئێكگرتی‮ ‬ونیزامی‮ ‬كوروپێن چەكداری‮ ‬دروست كرن وهەر گوروپەك بسەر كەسەكی‮ ‬ڤەیە وگاز ب ئاشكەرایی‮ ‬لسەر بنەمالێن سەركردە ومەرجەعیەتا هاتیە دابەش كرن وكورسیكا ئەندام پەرلەمانی‮ ‬یان كورسیكا وەزیری‮ ‬ب كوژمێن مەزن‮ ‬یێن دولاری‮ ‬دهێنە كرین وفروتن كو ئەڤە دچ سیستەم ویاسایێن جیهانێ دا نینە وب دەهان سەرپێچی‮ ‬وكارێن نەیاسایی‮ ‬ل ناڤ حوكمرانیا بەغدا هەنە وپاشان نوكە دهێن وراپرسیێ لگەل مە دكەن وبناڤێ دەستوری‮ ‬دپەیڤن كو ئەو دستور دبێژیت نابیت چ گوروپێن چەكداری‮ ‬هەبن ودیسا دبێژیت نابیت هێرشێن چەكداری‮ ‬دنافخودا بهێنە كرن لێ هەمی‮ ‬كارێن دژی‮ ‬دستوری‮ ‬هاتنە كرن وكەركوك داگیركرن وهەمی‮ ‬خالێن گومركان وبالەفرخانە گرتن وهەر چ بیت بەرامبەر مە كرن ولبن فشارا وەلاتێن زلهێز ومەزن كو پەیوەندیان لگەل هەرێمێ خوش بكەن لێ هەر جار بهانەكێ دەردێخن ومافێن مللەت وحكومەتا مە پێشیل كرینە‮ .‬چەندین كومبون وهەڤدیتن هاتنە ئەنجام دان لناڤبەرا مەو وانان دا لێ ب بوچونا من دبێ مفانە وحكومەتا عیراقێ چ گوهورینا دهەلویستێن خو‮ ‬یێن دوژمنكارانە دا ناكەت ودوماهیك سیناریو حكومەتا عیراقێ كری‮ ‬كو دێ موچێن وەزارەتێن پەروەردە وساخلەمیێ دەن لێ ئەگەر بدەن ژی‮ ‬لبن گڤاشتنێن كومەلگەهێ نێڤ دەولەتی‮ ‬وبتایبەت بەنكا نێڤ دەولەتی‮ ‬كو ل هەیڤا بوری‮ ‬ددوماهیك كومبونا خودا ب ئامادەبونا نوینەرێ عیراقێ هوشداری‮ ‬دایە عیراقێ ئەگەر مافێن هەرێمێ نەدەن دێ هاریكاریێن خو ژهەوە برین ب‮ ‬یەك جاری‮ .‬بلا خەلكێ مە بزانن كو چ جاران دوژمن نابیتە دوست وبلا باوەریا خو ب وان نە ئینین‮ ‬یێن لبەرامبەر چاڤێن هەمی‮ ‬جیهانی‮ ‬مافێن مە بن پێ كرین‮.

 
چاپکردن   Share گه‌ڕانه‌وه‌