2018-04-13

ئەمڕۆ هەینی 13/ 4/ 2018 فراکسیۆنی پارتی دیموكراتى كوردستان، لە پەرلەمانی کوردستان ڕوونکردنەوەیەکی لەبارەی مووچەی یەکەی پاسەوانییەکان بڵاو کردەوە  .
ڕونکرده‌وه‌یه‌ک له‌ فراکسیۆنی پارتیه‌وه‌ ده‌رباره‌ی موچه‌ی یه‌که‌ی پاسه‌وانیه‌وه‌.
به‌خۆشحاڵیه‌وه‌ دوای ئه‌وه‌ی حکومه‌ت توانی پێداچوونه‌وه‌ به‌ مووچه‌ی فه‌رمانبه‌ران بکات و سیسته‌مێکی تازه‌ی مووچه‌ی ڕاگه‌یاند،تا ڕاده‌یه‌کی باش هه‌وڵدرا،ڕێژه‌ی پاشه‌که‌وت که‌م بکاته‌وه‌و مووچه‌ به‌رزبکاته‌وه‌.
به‌ڵام چه‌ند ڕۆژێکه‌ ناڕه‌زایه‌تێکی ڕه‌وا،له‌لایه‌ن به‌ڕێزان له‌ یه‌که‌ی پاسه‌وانی هه‌بوو که‌،مووچه‌ی ئه‌وان ده‌ستکاری نه‌کراوه‌.
ئێمه له‌ فراکسیۆنی پارتی به‌ ووردی و جدی له‌ گه‌ڵ به‌ڕێزان،له‌ وه‌زارتی ناوخۆو دارایی و یه‌که‌ی پاسه‌وانی له‌سه‌ر خه‌ت بووین بۆ ئه‌م مه‌به‌سته‌.
به‌ خۆشحاڵیه‌وه‌ ئێستا له‌لایه‌ن به‌ڕێز وه‌زیری ناوخۆ دڵنیاکراینه‌وه‌که‌، مووچه‌ی یه‌که‌ی پاسه‌وانیش به‌پێی سیسته‌می نوێی مووچه‌ ده‌ستکاری ده‌کرێت.
بۆیه وه‌ک فراکسیۆنی پارتی دڵنیاتان ده‌که‌ینه‌،هه‌میشه‌ پشتیوانی داوا ڕه‌واکانی ئێوه‌وته‌واوی فه‌مانبه‌رانی کوردستان ده‌بین.

فراکسیۆنی پارتی دیموکراتی کوردستان

٢٠١٨/٤/١٣

 
چاپکردن   Share گه‌ڕانه‌وه‌