2010-05-22

پارێزگاری‮ ‬هەولێر پڕۆژەی‮ ‬قوتابخانەیەكی‮ ‬نموونەیی‮ ‬و بەرنامەی‮ ‬قیرتاوكردنی‮ ‬گەڕەكی‮ ‬هەولێری‮ ‬نوێ بەسەر دەكاتەوە
بەمەبەستی‮ ‬ئاگاداربوون لە‮ ‬ڕەوشی‮ ‬بەڕێوەچوونی‮ ‬كارو پڕۆژەكانی‮ ‬پایتەخت،‮ ‬نەوزاد هادی‮ ‬پارێزگاری‮ ‬هەولێر بەیاوەری‮ ‬تاهیر عەبدوڵڵا جێگری‮ ‬پارێزگارو پاكیزە تەڵعەت بەڕێوەبەری‮ ‬گشتی‮ ‬پەروەردەی‮ ‬پارێزگای‮ ‬هەولێرو بەڕێوەبەری‮ ‬پەروەردەی‮ ‬هەولێر،‮ ‬پڕۆژەی‮ ‬دروستكردنی‮ ‬قوتابخانەی‮ ‬18‮ ‬پۆلی‮ ‬گەڕەكی‮ ‬9ی‮ ‬وەزیرانی‮ ‬لەناوشاری‮ ‬هەولێر بەسەركردەوە كە لەسەر بودجەی‮ ‬پەرەپێدانی‮ ‬پارێزگا جێبەجێدەكرێت‮.‬
قوتابخانەكە بریتییە لە‮ ‬18‮ ‬پۆلی‮ ‬خوێندن و كۆمەڵگەی‮ ‬كارگێری‮ ‬و چەند هۆڵێكی‮ ‬ئەزموونەكان و تاقیگەو كۆمپیوتەرو كافتریاو‮ ‬یاریگە و لەسەر شێوازی‮ ‬قوتابخانەی‮ ‬نموونەیی‮ ‬فرە مەبەست دروست دەكرێت و بڕیارە لە كۆتایی‮ ‬مانگی‮ ‬شەشی‮ ‬ئەمساڵ تەواو بكرێت‮.‬
پارێزگاری‮ ‬هەولێر جەختی‮ ‬كردەوە كە هەڵمەتی‮ ‬دروستكردنی‮ ‬قوتابخانە لەسەر هەردوو بودجەی‮ ‬پەرەپێدان و وەزارەتی‮ ‬پەروەردە بەردەوامی‮ ‬دەبێت تا ئەو رادەی‮ ‬كێشەی‮ ‬كەمی‮ ‬قوتابخانە بەكۆتا دێت،‮ ‬روونیشی‮ ‬كردەوە كە‮ ‬25‮ ‬قوتابخانەی‮ ‬تازەش لە ئارادان كە‮ ‬11‮ ‬قوتابخانەیان‮ ‬18‮ ‬پۆلی‮ ‬و‮ ‬14‮ ‬یان‮ ‬27‮ ‬پۆلی‮ ‬دەبن‮.‬
لەلایەكی‮ ‬دیكەوە و لەدرێژەی‮ ‬بەرنامەی‮ ‬قیرتاوكردنی‮ ‬شەقامەكانی‮ ‬ناوشار،‮ ‬پارێزگاری‮ ‬هەولێر بەرنامەی‮ ‬قیرتاوكردنی‮ ‬شەقامە نێوخۆییەكانی‮ ‬گەڕەكی‮ ‬هەولێر نوێی‮ ‬بەسەركردەوە بە كۆی‮ ‬رووبەڕی‮ ‬85000‮ ‬مەتری‮ ‬دووجا‮. ‬بەرنامەی‮ ‬قیرتاوكردنی‮ ‬پتر لە‮ ‬30‮ ‬شەقامی‮ ‬ئەو گەڕەكە تازەی‮ ‬هەولێر لە‮ ‬30‮ ‬و‮ ‬20‮ ‬و‮ ‬15‮ ‬مەتری‮ ‬كە تێكرایان لەسەر بودجەی‮ ‬پەرەپێدانی‮ ‬پارێزگای‮ ‬هەولێر پێشتر دروستكرابوون و ئێستا تێكڕایان قیرتاودەكرێن و لەماوەیەكی‮ ‬كورتدا جێبەجێدەكرێت‮.‬
وێڕای‮ ‬دەستخۆشی‮ ‬ستافی‮ ‬تەكنیكی‮ ‬شارەوانی‮ ‬هەولێر بۆ هەوڵ‮ ‬و خزمەتیان پارێزگاری‮ ‬هەولێر جەختی‮ ‬كردەوە كە ئەمساڵ لەسەر بودجەی‮ ‬سەرۆكایەتی‮ ‬شارەوانی‮ ‬هەولێر‮- ‬وەزارەتی‮ ‬شارەوانی،‮ ‬بڕیارە تێكڕای‮ ‬شەقامەكانی‮ ‬دیكەی‮ ‬گەرەكی‮ ‬هەولێری‮ ‬نوێ لە شەقام و ئاوەڕۆ هەرهەمووی‮ ‬جێبەجێبكرێت،‮ ‬كە رەنگدانەوەی‮ ‬ئەرێنی‮ ‬دەبێت لەسەر پێشخستنی‮ ‬باری‮ ‬خزمەتگوزاری‮ ‬و شارستانی‮ ‬ئەو گەڕەكە كە بەرادەیەك ئاوەدانكراوەتەوە و خزمەتگوزاری‮ ‬ئاوو كارەبا‮ ‬و شەقام و مزگەوت و بازاڕی‮ ‬تێدا دروستكراون‮.‬

 
چاپکردن   Share گه‌ڕانه‌وه‌