2010-05-31

بەدبەختی هەڵبژاردەی ئەڵمانیا بەردەوامە و بەر لەچەند رۆژێك لە دەستپێكردنی ململانێكانی كۆتایی جامی جیهانی باشووری ئەفریقا لە یەك شەممەی رابردوو بڵاوكرایەوە كەوا یاریزانی بەرگری هیكۆ فێسترمانیش لە هەڵبژاردەكەی دابڕا دوای ئەوەی تووشی شكانی قاچی هاتەوە. ئەمەش سێیەمین لێدانی كوشندەبوو بەر هەڵبژاردەی ئەڵمانیا كەوت بەر لە دەستپێكردنی مۆندیال دوای بالاك و كریستیان تراش. فیسترمانی تەمەن 27ساڵ تووشی پێكان هاتەوە بەر لە كۆتایی هاتنی یارییە دۆستانەكەی بەرامبەر مەجەر كە بە 0-3گۆڵ یارییەكەیان بردەوە. لەدوای پشكنینی پزیشكی لە سەربازگەی مەشقی لە ئیتاڵیا دەركەوت كە قاچی ناوبراو شكاوە. بەر لە راگەیاندنی لیستی 27یاریزانی لەلایەن راهێنەری هەڵبژاردە لۆف گۆڵچی رینێ ئادلەر بەهۆی شكانی شانی كشایەوە هەروەها یاریزانی هێڵی ناوەڕستی بایەر لیڤەركوزن سیمۆن رۆلڤس لە نەشتەرگەرییەكەی چاك نەبۆتەوەو نەیتوانی بەشدار بێت. بەمەش تەنها 24یاریزان مایەوەو ئێستا دەبێت یەك یاریزان دوور بخاتەوە كە وادەی كۆتایی سێ شەممەی داهاتووە.

 
چاپکردن   Share گه‌ڕانه‌وه‌