ROJNAMEY XEBAT 2010-06-20
Sarkozy be demokrasiyetî Herêmî Kurdistan sersam buwe

Xebat: Aso Elî Ferec

Le duway serdanîkirdinî Tirkiya, berêz Mesûd Barzanî Serokî Kurdistan be yawerî şandêk serdanî Fransay kird û le layen Serok Sarkozy Serokî Fransa û Bernard Kouchnerî Wezîrî Derewe pêşwazî kira. Endamêkî şandî Serokî Kurdistan bo Fransa amaje bewe dekat, pêşwazî kirdinî Serokî Kurdistan le layen Sarkoziyewe wek pêşwazî Serokî dewlet bû û her weha amajeş bewe dekat, ewan sersam bûn ke prosey demokrasî le Herêmî Kurdistan da cêgey xoy kirdotewe û amadeyî hemû hawkariyekiyan bo awedankirdinewey Kurdistan nîşan dawe, Asos Necîb Germiyanî Wezîrî Karubarî Komelayetî Hikûmetî Herêmî Kurdistan le dîmaneyekî taybet be Xebat le barey serdanekey Serok Barzanî bo Fransa dedewê.

Fransa wilatêkî mezine û emro pêgey abûrî û siyasî le cîhan da heye û Herêmî Kurdistanîş le hewlî dabînkirdinî baştirîn peywendiye le gel Fransa, Serokî Kurdistan le miyaney serdanekey da bo Fransa le gel Serokî ew wilate kobuwewe û rewşî Kurdistan û Iraqiyan tawtuwê kird, le barey pêşwazîkirdinî Serok Sarkoziyewe le Serok Barzanî, Asos Necîb Germiyanî Wezîrî Karubarî Komelayetî Hikûmetî Herêmî Kurdistan ke endamêkî şandî yawerî Serok Barzanî bû, amajey bewe kird, serdanekey Serokî Kurdistan zor serkewtû bû û pêşwazî kirdinîş le Serokî Kurdistan wek Serokî wilat bû le layen Sarkoziyewe.

Asos Necîb tekîdî leweş kirdewe, xalî giringî ew serdane leweda buwe, layenî Fransî wek Serokî wilat pêşwaziyan le Serokî Kurdistan kirduwe û her weha Serokî Kurdistan le barey rewşî giştî Herêmî Kurdistanewe kurteyekî bo Sarkozy pêşkeş kirduwe û Serok Sarkozîş hendêk pirsiyarî le berêz Serokî Kurdistan kirduwe, lew bareyewe Asosxan amajey bewe kird, xalêkî giringî ew serdaney Serokî Kurdistan û şandî yawerî ewe bû wek Serokî wilat le layen Sarkoziyewe pêşwazî kirayîn û serdanêkî zor serkewtû bû, xalêkî giringî dîkeş ewe bû, be pêyî ew zanyariyey Sarkozy le Serokî Kurdistanî wergirtû û pêştirîş zanyarî hebuwe le ser Herêmî Kurdistan, ke berêz Serokî Kurdistan dilniyayî kirdewe û cextî le ser ewe kirdewe Kurdistan beşêkî hêmin û asayîş têda seqamgîre le Iraq da û Sarkozy ew layeney zor be layewe giring bû, pirsiyarî zorîşî le berêz Serokî Kurdistan kird le barey peywendiyekanî Herêmî Kurdistan û Iraq le gel wilatanî dirawsê û dilniya bû lewey Kurdistan aram û asayîş têda seqamgîre û wek beşekanî dîkey Iraq niye.

Kurdistan wek nawçeyekî aram û ciya le Iraq, hemîşe lanekey pêkewe jiyan û rêzgirtin buwe le kemîne û aynekanî dîke, boye Sarkozy le barey mesîhiyekanî Kurdistanewe supasî Kurdî kirduwe û amajey bew rewşî başî ewanî kirduwe le Kurdistan, Asos Necîb Germiyanî lem bareyewe amajey bewe kird, Serok Sarkozy Serokî Fransa ewey zor belawe giring bû, ke mesîhiyekanî Kurdistan cêge û rêgeyan başe û hawkariyan zor dekirêt û le rewşêkî baş û aramdan le Herêmî Kurdistan.

Wezîrî Karubarî Komelayetî Hikûmetî Herêmî Kurdistan amajey beweş kird, Serok Sarkozy û Bernard Kouchner xoyan be dostî Kurd wesif kirduwe û amadeyî hemû hawkariyek bûne, lem bareyewe Asosxan amajeda, derencamî serdaneke zor giring bû be taybetî wajûkirdinî yadaştnamekey nêwan Serokî Kurdistan û Bernard Kouchnerî Wezîrî Derewey Fransa, her weha Serok Sarkozy û Bernard Kouchner xoyan be dostî Kurd nîşan da û Sarkozy çendeharêk ewey dûpat kirdewe, ême dostî Kurdîn û ewey bo Kurd pêwîste ême hawkartan debîn le awedankirdewey Kurdistan.

Hengawekanî demokrasiyetî Herêmî Kurdistan serincî wilatanî cîhanî rakêşawe, lem serdaney Serok Barzanî bo Fransa layenî demokrasî û azadî û mafî mirov xalêkî sersamker buwe bo Sarkozy Serokî Fransa, Asos Necîb le barey pirsiyarêkî Xebat, têrwanînî Fransa bo demokrasiyetî Herêmî Kurdistan çon bû, nawbiraw amajey bewe kird, Serok Sarkozy û Fransiyekan zor sersam bûn, ke bernamey Serokî Kurdistan û Hikûmetî Herêmî Kurdistan cext le demokrasî û azadî dekatewe û be layanewe giring bû ke encûmenî balay xaniman heye, her weha giring bû bo ewan ke Serokî Kurdistan agadarî rewşî hemû biwarekane le ruwî emnî û siyasî û abûrî û komelayetî Herêmî Kurdistan.

Le barey em serdaney Serok Barzanî bo Fransa û hatinî kompaniyakanî Fransa bo Herêmî Kurdistan, Asos Necîb geşbînî xoy nîşanda û gutî: Zor geşbînim bem serdane û encamekanî, çunke yadaştnameyekî zor giring wajû kira, le ayînde da kompaniyayî zor gewre dêne Herêmî Kurdistan, emeş be hoy aramî û seqamgîrî rewşî emniye û ew serdaney Serokî Kurdistan bo Fransa dergayekî başî le nêwan Herêmî Kurdistan û Fransa kirdewe.

Cîge le dîdar û serdanekey Serokî Kurdistan, Wezîrî Karubarî Komelayetî Hikûmetî Herêmî Kurdistan, ke be cilî Kurdiyewe le Fransa amadeyî bû, serdanî çend cêga û dam û dezgayekî giringî ew wilatey kirduwe û nawbiraw amajey beserdanekanî xoy û danîştinekanî le gel layenî Fransa kird û gutî: Rojane dîdarim hebû le gel berpirsanî Fransa û serdanî çend şuwênêkim kird û le gel Wezîrî Karubarî ewîş danîştinim kirduwe û amadeyî xoy nîşan da sitafêk binêrête Kurdistan û stafêk binêrim bo ewey hawkarî yek dî bikeyn û serdanî gewretirîn girtûxanem le Fransa kird be yawerî Wezîrî Dadî ew wilate ke girtûxaney (Florîna)ye û ewanîş amadeyî xoyan nîşanda bo hawkarî kirdinman le Herêmî Kurdistan.

 
chapkrdn   Share GERANEWE‌