ROJNAMEY XEBAT 2010-06-21
Dû Xulî Zanistî Bo Perepêdanî Mamostayanî Perwerdey Werzişî Le Sînorî Perwerdey Giştî Hewlêr.

Dilêr Brahîm- Hewlêr: Berêweberayetî Çalakî Werzişî û Dîdewanî Perwerdey Giştî Hewlêr xulêkî berfirawanî hawîney bo mamostayanî babetî perwerdey werzişî kirdotewe ke mamostayanî sînorî perwerdekanî Hewlêr û Deştî Hewlêr û Xebat û Şeqlawe û Mexmûr û Soran û Mêrgesor û Çoman û Rewandiz beşdarî têdadeken.

Usman Reşîd Berêweberî Çalakî Werzişî û Dîdewanî Perwerdey Giştî Hewlêr le lêdwanêkî rojnamenûsîda gotî:

Be mebestî perepêdan û be hêzkirdinî twanay mamostayanî babetî perwerdey werzişî le sînorî parêzgay Hewlêr dû xulman bo 100 mamosta kirdotewe le herdû yekey çalakî werzişî û dîdewanî perwerdey Hewlêr û Soran ke mamostayanî sînorî Hewlêr û Deştî Hewlêr û Xebat û Şeqlawe û Mexmûr û Soran û Mêrgesor û Çoman û Rewandiz beşdarî têda deken û mawey 10 roj dexayenêt.

Usman Reşîd amajey bo eweş kird ke lem xuleda wanekanî gorepan û meydan û kargêrî û rêkxistin û perwerdey dêdewanî û rêgakanî wanewtinewe û çendîn babetî tirî peywest be roşinbîrî werzişî û yasa nuwêkanî yariye werzişiyekan, le layen serperiştiyaran û mamostayanî lêhatuwî werzişî, pêşkeş be mamostayanî beşdarbû dekirêt.


 
chapkrdn   Share GERANEWE‌